கர்மா

இந்து மதத்தில் கர்மா என்று அழைக்கப்படும் சொல்லுக்கு தமிழ் சமய நூல்களில் கருமம் என்றும், பைபிளில் கிரியை என்றும், இஸ்லாத்தில் அமல் என்றும் சொல்லப்படுகிறது.

அது அல்லாமல் செயல், வினை, தொழில், வேலை, காரியம் போன்ற வார்த்தைகளாலும் குறிப்பிடப்படுகிறது. ஆங்கிலத்தில் Deeds, Actions, doings போன்ற வார்த்தைகளால் குறிப்பிடப் படுகிறது.

கருமம் இருவகைப்படும் அவை வெவ்வேறு மொழியில் வெவ்வேறு பண்பாடுகளில் வெவ்வேறு சொற்களால் அடையாள படுத்தப்பட்டுளள்து. அவையாவன,

அறம் மறம்
நல்லறம் புல்லறம் 
நன்னெறி தீயநெறி 
நற்செயல் தீச்செயல்
புண்ணியம் பாவம்
நியாயம் அநியாயம்
நீதி அநீதி
கிரமம் அக்கிரமம்
நற்கிரியை துர்க்கிரியை 
ஹலால் ஹராம்
நல்லமல் கெட்டமல் 
அனுமதிக்கப்பட்ட செயல் தடுக்கப்பட்ட செயல்

இவைகள் பெரும்பாலும் அனைத்து பண்பாடுகளிலும் ஒரே அமைப்பில் காணப்படுகிறது. அவைகளின் பட்டியல் ஆதாரங்களுடன் கீழே கொடுக்கப் பட்டுள்ளது.

கொலை, கொள்ளை, கற்பழிப்பு, திருட்டு, பொறாமை, புறம்பேசுதல், மது போன்ற நாம் பிழை என்று அறியும் சில செயல்கள் இருந்தாலும், அவற்றின் வரையறை என்ன? விதிவலக்கு என்ன? விளைவுகள் என்ன? போன்ற செய்திகளை நாம் அறியாமல் இருக்கிறோம். அவைகளை சுருக்கமாக தொகுத்து கூறுவதற்குதான் இந்த பகுதி.

    • அறம்

    • பொருள் 

    • இன்பம் 

எந்த சமையத்தை சார்ந்தவராகிலும், எது தனது வேதமென ஆய்ந்து அறிந்து அதன் போதனையின் படி எது சரியோ அதைச் செய்யவும், எது பாவமோ அதை விட்டு விடுவதும் தனக்கும் உலகுக்கும் நன்மை பயக்கும். 

12 கருத்துகள்:

  1. அறநெறி24 பிப்ரவரி, 2023 அன்று 9:48 AM

    மூன்றாம் தந்திரம் - 2. இயமம் பாடல் எண் : 1

    கொல்லான்பொய் கூறான் களவிலான் எள்குணன்
    நல்லான் அடக்க முடையான் நடுச்செய்ய
    வல்லான் பகுத்துண்பான் மாசிலான் கட்காமம்
    இல்லான் நியமத் திடையில்நின் றானே.

    பொழிப்புரை : கொல்லாமை, பொய்யாமை, விருப்பு வெறுப்புக்கள் இன்மை, கரவாமை, மாசின்மை, கள்ளுண்ணாமை, காமம் இன்மை, என்னும் பத்தனையும் முற்ற உடையவனே இயம யோகம் கைவரப் பெற்றவனாவான்.

    http://thevaaram.org/thirumurai_1/onepage.php?thiru=10&Song_idField=10302

    பதிலளிநீக்கு
  2. அறம் கற்க கசடற 20 ஜனவரி, 2024 அன்று 1:38 AM

    4 பாவம் செய்துகொண்டே இருக்கிற ஒவ்வொருவனும் சட்டத்தை மீறி நடக்கிறான். சட்டத்தை மீறுவதுதான் பாவம். (1 யோவான் 3:4)

    பதிலளிநீக்கு
  3. அறம் கற்க கசடற 7 மார்ச், 2024 அன்று 11:20 PM

    6:151. “வாருங்கள்! உங்கள் இறைவன் உங்கள் மீது விலக்கியிருப்பவற்றையும் (ஏவியிருப்பவற்றையும்) நான் ஓதிக் காண்பிக்கிறேன்; எப்பொருளையும் அவனுக்கு இணையாக வைக்காதீர்கள்; பெற்றோர்களுக்கு நன்மை செய்யுங்கள்; வறுமைக்குப் பயந்து உங்கள் குழந்தைகளைக் கொல்லாதீர்கள் - ஏனெனில் உங்களுக்கும், அவர்களுக்கும் நாமே உணவளிக்கின்றோம்; வெளிப்படையான இரகசியமான மானக்கேடான காரியங்களை நீங்கள் நெருங்காதீர்கள்; அல்லாஹ் தடுத்துள்ள எந்த ஓர் ஆத்மாவையும் நியாயமானதற்கு அல்லாமல் - கொலை செய்யாதீர்கள் - இவற்றை நீங்கள் உணர்ந்து கொள்வதற்காக (இறைவன்) உங்களுக்கு (இவ்வாறு) போதிக்கின்றான்.

    பதிலளிநீக்கு
  4. அறம் கற்க கசடற 15 ஜூன், 2024 அன்று 4:47 AM

    ஐந்து பெரிய பாவங்கள் https://sivanand.in/?p=6056

    பதிலளிநீக்கு
  5. அறம் கற்க கசடற 4 ஆகஸ்ட், 2024 அன்று 1:50 PM

    ஞானக்குறள் 172.
    அறம்பாவ மாயு மறிவுதனைக் கண்டால்
    பிறந்துழல வேண்டா பெயர்ந்து.

    பாவ புண்ணியங்களை ஆராய்ந்து அறியும் அறிவாகிய பிரணவத்தை உணர்ந்தால், அதை விட்டு நீங்கிப் பிறப்பெடுத்து இன்னலுற வேண்டாம்.

    பதிலளிநீக்கு
  6. அறம் கற்க கசடற 4 ஆகஸ்ட், 2024 அன்று 2:28 PM

    புண்ணியம்ஆம் பாவம்போல் போனநாள் செய்தஅவை
    மண்ணில் பிறந்தார்க்கு வைத்தபொருள் -எண்ணுங்கால்
    ஈதொழிய வேறில்லை; எச்சமயத்தோர் சொல்லும்
    தீதொழிய நன்மை செயல் - நல்வழி

    விளக்கம:
    மனிதன் பிறக்கும் போதும், இறக்கும் போதும் அவன் கூட வருவது அவன் செய்த புண்ணியம் பாவம் என்று கூறும் இரண்டு மட்டுமே, இதைத் தவிர வேறு எதுவும் கூட வாராது, அனைத்து சமயமும் கூறுவது தீமையை செய்யாதே உன்னால் முடிந்த நன்மையை செய் என்பது தான்…

    https://marainoolkal.blogspot.com/2022/08/blog-post_22.html

    பதிலளிநீக்கு
  7. அறம் கற்க கசடற 4 ஆகஸ்ட், 2024 அன்று 2:36 PM

    நல்வழி வெண்பா : 37
    வினைப்பயனை வெல்வதற்கு வேதம் முதலாம்
    அனைத்தாய நூலகத்தும் இல்லை-நினைப்பதெனக்
    கண்ணுறுவது அல்லால் கவலைப்படேல் நெஞ்சேமெய்
    விண்ணுறுவார்க் கில்லை விதி.

    விளக்கம்:
    பாவம் புண்ணியம் ஆகிய இரு வினைப் பயன்களை போக்குவதற்கான உபாயம் வேதம் முதல், அனைத்து நூல்களிலும் இல்லை. அதை கற்பதால் உங்கள் விதி மாறாது. உண்மையான வீட்டு நெறியில் (பண்பான குணங்களோடு) இருப்பவருக்கு விதி இல்லை என்பதை உணர்ந்து கொள். ஆதலால் மனமே நீ கவலைப் படாதே.

    பதிலளிநீக்கு
  8. அறம் கற்க கசடற 27 ஆகஸ்ட், 2024 அன்று 5:38 AM

    பெரும்பாவங்கள் எழுபது”

    1. அல்லாஹ்வுக்கு இணை வைத்தல்.
    2. சூனியம் செய்தல்.
    3. இறைவன் தடுத்த ஓர் உயிரை அநியாயமாக கொலை செய்தல்
    4. அநாதைகளின் சொத்துகளை விழுங்குதல்
    5. வட்டிப்பொருளை உண்ணுதல்
    6. போரில் புறமதுகிட்டு ஒடுதல்
    7. வசுவாசியான கற்புள்ள பெண்கள் மீது அவதூறு கூறுதல்
    8. பெற்றோரைத் துன்புறுத்தல்
    9. பொய் சத்தியம் செய்தல்
    10.பொய்சாட்சிசொல்லுதல்
    11. சதிசெய்தல்
    12. அல்லாஹ்வின்மீதும்,அவனது ரஸூலின் மீதும் பொய்யுரைத்தல்
    13. ஆகாததை ஆகுமாக்குதல்
    14. காட்டிக்கொடுத்தல்
    15. மோசடி செய்தல்
    16. பொய்யுரைத்தல்
    17. கோள் சொல்லுதல்
    18. வாக்கு மாறுதல்
    19. அநீதம் செய்தல்
    20. முகஸ்துதி செய்தல்
    21. வழிப்பறி செய்தல்
    22. தொழுகையை விடுதல்.
    23. ஸகாத்தை மறுத்தல்
    24. நோன்பைவிடுதல்
    25. ஹஜ்ஜு செய்யாதிருத்தல்
    26. கற்ற கல்வியை மறைத்தல்
    27. விதியை பொய்யாக்குதல்
    29. திட்டுதல் (சபித்தல்)
    30. பிறரைத் துருவி ஆராய்தல்
    31. நன்மையை சொல்லிக்காட்டுதல்
    32. சோதிடனை உண்மைப்படுத்தல்
    33. அதிகாரிக்கு இலஞ்சம் வழங்குதல்
    34. தற்பெருமை
    35. தற்கொலை
    36 திருடுதல்
    37. மது அருந்துதல்
    38. சூதாட்டம்
    39. விபச்சாரம்
    40. ஆண் புணர்ச்சி
    41. தகாத உறவு
    42. அதிகாரத்தில் இருப்பவபவன் அநீதி செய்தல்
    43. நேர்மை தவறிய நீதிபதி.
    44. ஆண் பெண்ணாகவும்,பெண் ஆணாகவும் வேடமிடுதல்
    44. சிறுநீர் கழித்தபின் சுத்தம் செய்யாமை
    45. கணவனுக்குத் துரோகம் செய்தல்
    46. உருவப்படம் வரைதல்
    47. ஒப்பாரி வைத்து அழுதல்
    48. கொடுமை செய்தல்
    49. வரம்பு மீறுதல்
    50. அண்டை வீட்டாரை நோவினை செய்தல்
    51. முஸ்லிம்களைத் துன்புறுத்தல்
    52. மதபோதகர்களை இம்சித்தல்
    53. கர்வம் கொள்ளுதல்
    56. ஆண்கள் பட்டாடையும் தங்கமும் அணிதல்
    57. அடிமை தப்பித்து ஓடுதல்
    58. அல்லாஹ்வுக்கன்றி அறுத்தல்
    59. அந்நியரை தந்தையாக ஏற்றல்
    60. மேலதிக தண்ணீரைத் தடுத்தல்
    61. அளவை நிறுவையில் மோசடிசெய்தல்
    62. நியாயமின்றி வாதம் புரிதலும் பிறரை மயக்கப் பேசுதலும்
    63. இறைச் சோதனைகளில் அவநம்பிக்கை கொள்ளல்
    64. நல்லடியார்களை துன்புறுத்தல்
    65. தனித்துத் தொழுதல்
    66. ஜும்ஆத் தொழுகையைத் தவறவிடல்
    67. மரண சாசனம் மூலம் அநீதமிழைத்தல்
    68. பிறரை வஞ்சித்தல்
    69. உளவு பார்த்தல்
    70. நபித் தோழர்களை தூற்றுதல்

    பதிலளிநீக்கு
  9. அறம் கற்க கசடற 11 செப்டம்பர், 2024 அன்று 10:03 PM

    "தன்னை அறிந்திடும் தத்துவ ஞானிகள்
    முன்னை வினையின் முடிச்சை அவிழ்ப்பர்கள்
    பின்னை வினையைப் பிடித்து பிசைவர்கள்
    சென்னியில் வைத்த சிவனருளாலே"
    -திருமந்திரம்

    பதிலளிநீக்கு
  10. அறநெறி20 செப்டம்பர், 2024 அன்று 10:26 AM

    நுஃமான் இப்னு பஷீர் ரழியல்லாஹுஅன்ஹுஅவர்கள் அறிவிக்கிறார்கள் :

    الحَلاَلُ بَيِّنٌ، وَالحَرَامُ بَيِّنٌ، وَبَيْنَهُمَا مُشَبَّهَاتٌ

    ஹலால் தெளிவானது, ஹராம் தெளிவானது.இவ்விரண்டுக்கும் இடையில் சந்தேகத்துக்குரிய எத்தனையோ காரியங்கள் இருக்கின்றன.

    எந்த ஒரு முஸ்லிம் சந்தேகத்திற்குரிய காரியங்களை விட்டு விலகி கொள்கிறாரோ, அவர் தன் மார்க்கத்தை பாதுகாத்துக் கொண்டார், அவர் தன் கண்ணியத்தை ஈமானை பாதுகாத்துக் கொண்டார்.

    என்று கூறிய ரசூலுல்லாஹ் ஸல்லல்லாஹு அலைஹி வஸல்லம் அவர்கள் அந்த ஹதீஸின் முடிவில் ஒரு அழகான விஷயத்தை சொல்கிறார்கள்.

    أَلاَ وَإِنَّ فِي الجَسَدِ مُضْغَةً: إِذَا صَلَحَتْ صَلَحَ الجَسَدُ كُلُّهُ، وَإِذَا فَسَدَتْ فَسَدَ الجَسَدُ كُلُّهُ، أَلاَ وَهِيَ القَلْبُ

    இந்த உடம்பில் ஒரு சதை துண்டு இருக்கின்றது. இந்த சதை துண்டு சீராகி விட்டால் உடலெல்லாம் சீராகிவிடும்.இந்த சதை துண்டு பாழடைந்துவிட்டால் முழு உடலும் சீர் கெட்டு விடுகிறது.

    அறிந்துகொள்ளுங்கள்! அந்த சதை துண்டு தான் உள்ளமாக இருக்கின்றது.(1)

    அறிவிப்பாளர் : நுஃமான் இப்னு பஷீர்ரழியல்லாஹுஅன்ஹு, நூல் : புகாரி, எண் : 52.

    பதிலளிநீக்கு
  11. அறநெறி20 செப்டம்பர், 2024 அன்று 12:14 PM

    கர்மா என்றால் என்ன?
    கர்மா என்கிற சமஸ்கிருத சொல்லுக்கு,
    கருமம், செயல், வினை என்று தமிழிலும் (தமிழர் சமயங்கள்)
    Deeds, Actions, doings என்று ஆங்கிலத்திலும் (கிறிஸ்தவம் யூதம்)
    அமல் என்று அரபியிலும் (இசுலாம்) சொல்லப்படுகிறது.
    அதாவது நாம் தினமும் செய்யும் செயல்களே கர்மா ஆகும். அது மிக மிக சிறியதாக இருந்தாலும் சரியே. உதாரனமாக, பாதையிலிருந்து கல்லை அகற்றுவது நல்ல கர்மா. ஒரு எழியவனை அல்லது எழையை கண்டு கேளியாக மெல்லியதாக சிரிப்பது.
    நம்மால் செய்யப்படுகின்ற வினைக்கு நமக்கு கிடைக்கும் பதில் வினையும் கர்மா எனப்படும். இது நன்மை தீமை என இருவகைப்படும். தீயவற்றை அழித்து நன்மையாக மாற்றுவதை தான் கர்மாவை அழிப்பதாக நீங்கள் குறிப்பிடுகிறீர்கள் என்று நான் புரிந்து கொள்கிறேன்.
    எனவே தீய கர்மாவை அழிக்க, வேதங்கள் கூறும் அறத்தை பின்பற்றுவது தான் வழி. இந்த கர்மாவின் அதாவது செயலில் நல்லது தீயதை பிரித்து விளக்கவும், தீய செயல்களால் உண்டாகும் வினைப்பயனை அழிக்கும் வழிமுறையையும் மறைநூல்கள் நமக்கு சொல்கின்றன.
    தீய செயலை அழிக்க நன்மை செய்ய வேண்டும். நமது விருப்பத்துக்கு அல்ல, வேதம் கூறுவன போல செய்ய வேண்டும்.
    கர்மப் பயனை அழிக்க இதுதான் ஒரே வழி.

    பதிலளிநீக்கு
  12. அறம் கற்க கசடற 2 ஜனவரி, 2025 அன்று 12:54 AM

    மத்தேயு 15:8 ஆனால், ஒருவன் பேசும் தீய சொற்கள் அவன் மனதிலிருந்து தோன்றுகின்றன. இவையே ஒருவனை அசுத்தமாக்குகின்றன. 19 தீய எண்ணங்கள், கொலை, விபச்சாரம், பாலியல் பாவங்கள், திருட்டு, பொய், மற்றவர்களைத் தூற்றுதல் ஆகிய எல்லாத் தீமைகளும் ஒருவனது உள்ளத்திலேயே தோன்றுகின்றன. 20 இவை ஒருவனை அசுத்தமாக்குகின்றன.

    https://www.biblegateway.com/passage/?search=%E0%AE%AE%E0%AE%A4%E0%AF%8D%E0%AE%A4%E0%AF%87%E0%AE%AF%E0%AF%81%2015&version=ERV-TA

    பதிலளிநீக்கு

இதற்கு குழுசேர்: இடுகைகள் (Atom)