இந்து மதத்திலும் மற்ற மதங்களைப் போன்று தன் கடவுளைத் தொழவில்லை என்றால் தண்டிக்கப்படுவீர்கள் எனும் கோட்பாடு ஏதேனும் உள்ளதா?

உண்டு. ஆனால் அதை ஓதி உணர்ந்தவர் குறைவு. சமய நெறிகளை பொறுத்தமட்டில் அவரவர் விருப்பத்துக்கு விளக்கம் கொடுக்கும் நிலையில் தான் இன்று இந்து மதம் உள்ளது. ஆன்மிகம் சார்ந்த கேள்விகளுக்கு மறைநூலில் மட்டுமே பதில் தேடவேண்டும் என்கிற அடிப்படையை இந்த நிலம் மறந்து ஏறக்குறைய 2000 ஆண்டுகள் ஆகிவிட்டது என்று கருதுகிறேன்.

நாம் தமிழர்களாக இருப்பதால், தமிழரின் சைவ சமய வேத ஆதாரங்களை பார்ப்போம். நமக்கு சம்ஸ்கிருத சனாதன சமய ஆதாரம் தேவை இல்லை. இவ்விரண்டும் வேறு வேறு என்கிற அறிவு பலருக்கு இருந்து இருந்தால் நன்றாக இருந்திருக்கும்.

1) உடல் மற்றும் உயிர் சேர்ந்த உருவம் இறைவனை தொழவில்லை என்றால் அது ஏழாவது நரகில் அழுந்தும்.

மடல்விரி கொன்றையன் மாயன் படைத்த

உடலும் உயிரும் உருவம் தொழாமல்

இடர்படர்ந் தேழாம் நரகிற் கிடப்பர்

குடர்பட வெந்தமர் கூப்பிடு மாறே. (திருமந்திரம் பாடல் எண் : 23)

பொழிப்புரை: விடிந்தும் இருளாவது போலப் பெரிதும் அறி யாமையில் கிடப்பவர், சிவபெருமான் படைத்த உடம்பும், உயிரும் கூடிவாழுங் காலத்தில் அவன் படைத்த குறிப்பின்படி அவனது திரு மேனியை வணங்காமல், வேறு பலவற்றையே செய்திருந்து, அவை பிரியுங்காலத்து, அச்சத்தால் குடர் குழம்பும்படி யமதூதர் வந்து இரைந்து அழைத்துப் பிடித்துச் செல்லும் வழியிலே மிக்க துயரத்துடன் சென்று, ஏழாகச் சொல்லப்படும் நரகங்களில் அழுந்துவர். 

 

2) தனது சமய சின்னங்களை மட்டும் அணிந்து அது கூறிய அறத்தை பின்பற்றாதவர்களை தெய்வம் மறுமையில் தண்டிக்கும், இங்கே தண்டிப்பது அரசனின் கடமை

தத்தம் சமயத் தகுதி நில்லாதாரை
அத்தன் சிவன் சொன்ன ஆகம நூல் நெறி
எத்தண்டமும் செயும் அம்மையில், இம்மைக்கே
மெய்த்தண்டம் செய்வது அவ்வேந்தன் கடனே -(திருமந்திரம் - 246)

கருத்து: சமயவாதிகள் நல்வழியில் நடவாமல், தத்தம சமயங்களுக்கு உண்டான சின்னங்களை மட்டும் அணிவதில் என்ன பயன்? அவர்களுக்கு மறுமையில், தெய்வம் தண்டனை கொடுக்கும். அதேசமயம், அவ்வாறு நல்வழியில் நடவாத சமயவாதிகளுக்குத் தண்டனை கொடுப்பது அரசனின் கடமை.

3) நெறிதவற துன்பம் நேரும்

நெறியைப் படைத்தான்; நெருஞ்சில் படைத்தான்!

நெறியில் வழுவின் நெருஞ்சில் முள்பாயும்!

நெறியில் வழுவாது இயங்கவல் லார்க்கு

நெறியில் நெருஞ்சில்முள் பாயகி லாவே! (திருமந்திரம், 1617)

முடிவுரை

எனவே வணங்காது இருந்தாலும் அவனை வழிபாடாது இருந்தாலும் அதாவது அவன் வேதத்தில் சொன்ன அறத்தை பின்பற்றாது இருந்தாலும் தண்டனை இம்மையிலும் மருண்மையும் உண்டு.

நாம் அறியவேண்டிய உண்மை என்னவென்றால், உலகம் ஒன்று, அதை படைத்த்ட்ட இறைவன் ஒன்று, அனைத்து வேதங்களையும் தந்தவன் ஒன்று. அப்படி இருக்க அதன் போதனைகள் மட்டும் எப்படிவேறுபடும்?

ஆனால் இங்கே சிக்கல் என்னவென்றால், கடவுளை வழிபடுவது என்றால், நமது விருப்பத்துக்கு வணங்க வழிபட முடியாது. அது கடவுள் விரும்பியாடிதான் அமையவேண்டும். அதற்கு நாம் சைவ சமய வேதத்தை வாசிக்க வேண்டும். ஆனால் இன்று அதற்கு உள்ள சாத்தியகூறுகளை சிந்திக்கவேண்டி உள்ளது.

மதம் மாறுபவர்களை கொலை செய்ய வேண்டுமா?

ஒரு மனிதன் தன் விருப்பப்படி வேறு மதத்திற்கு மாறுவதோ இறைமறுப்பாளனாக இருப்பதோ அவரது அடிப்படை உரிமை‌யாகும். ஆனால் இஸ்லாம் மதத்தில் இவ்வாறு செய்பவர்களைக் கொல்ல வேண்டும் என்கிறது குர்ஆன் (வசனம் 4:89). இது நியாயமா?

எளிமையாக தேடி வாசிக்கும் அளவுக்கு குர்ஆன் அனைத்து சமய மக்களிடமும் சென்று சேர்ந்து இருப்பது மகிழ்ச்சியே.

ஆனால் குழப்பம் ஏற்படுத்தும் நோக்கத்தோகோடு பிற மதங்களின் / குறிப்பாக தான் வெறுக்கும் சமயத்தின் நூலை வாசித்து நேரத்தை வீணாக்குவதை விட, தான் நம்பும், விரும்பும் சமய நூலை வாசித்தாலாவது அதை ஏற்று நடக்க அவரவருக்கு உதவியாக இருக்கும்.

ஏனென்றால் வேதம் தான் அறம். தத்தமது வேதத்தை ஓதி, உணர்ந்து, பிறருக்கு சொல்லி தானும் அடங்கினால்தான் வீடு பெற முடியும் என்பது நிதர்சனம். எனவே தனது வீடுபேற்றை உறுதி செய்ய உழைத்தல் அவரவர்க்கு நலம் பயக்கும்.

சரி விடயத்துக்கு வருவோம். இப்பொழுது குர்ஆன் வசனம் 4:89 என்ன சொல்கிறது என்பதை அதன் முன் பின் வசனத்தோடு வாசித்தால் ஒருவேளை முழு பொருளை அது கொடுக்கலாம்.

நயவஞ்சகர்களைப் பற்றி நீங்கள் இருவகையான (அபிப்பிராயங்கள் கொண்ட) பிரிவினர்களாக இருப்பதற்கு உங்களுக்கு என்ன நேர்ந்தது? அவர்கள் செய்த தீவினைகளின் காரணத்தால் அல்லாஹ் அவர்களைத் தலை குனிய வைத்துவிட்டான்; எவர்களை அல்லாஹ் வழி தவறச் செய்து விட்டானோ, அவர்களை நீங்கள் நேர்வழியில் செலுத்த விரும்புகிறீர்களா? எவரை அல்லாஹ் வழி தவறச் செய்து விட்டானோ, நிச்சயமாக அவருக்கு (மீட்சியடைய) எவ்வித வழியையும் (நபியே!) நீர் காணமாட்டீர். (குர்ஆன் 4:88)

(முஃமின்களே!) அவர்கள் நிராகரிப்பதைப் போல் நீங்களும் நிராகரிப்போராகி நீங்களும் (இவ்வகையில்) அவர்களுக்கு சமமாகி விடுவதையே அவர்கள் விரும்புகிறார்கள்; ஆகவே, அவர்கள் அல்லாஹ்வின் பாதையில் (தம் இருப்பிடங்களை விட்டு வெளியே)புறப்படும் வரையில் அவர்களிலிருந்து எவரையும் நண்பர்களாக நீங்கள் எடுத்துக் கொள்ளாதீர்கள்; (அல்லாஹ்வின் பாதையில் வெளிப்பட வேண்டுமென்ற கட்டளையை) அவர்கள் புறக்கணித்துவிட்டால் அவர்களை எங்கு கண்டாலும் (கைதியாகப்) பிடித்துக் கொள்ளுங்கள்; (தப்பியோட முயல்வோரைக்) கொல்லுங்கள் - அவர்களிலிருந்து எவரையும் நண்பர்களாகவோ, உதவியாளர்களாகவோ எடுத்துக் கொள்ளாதீர்கள். (குர்ஆன் 4:89)

ஆனால் எவர்களுக்கும் உங்களுக்குமிடையே (சமாதான) உடன்படிக்கை ஏற்பட்டுள்ளதோ, அத்தகைய கூட்டத்தாரிடையே சென்று சேர்ந்து கொண்டவர்களையும், அல்லது உங்களுடன் போர் புரிவதையோ, அல்லது தங்களுடைய கூட்டத்தினருடன் போர் புரிவதையோ, மனம் ஒப்பாது உங்களிடம் வந்துவிட்டவர்களையும் (சிறைப்பிடிக்காதீர்கள், கொல்லாதீர்கள்); ஏனெனில் அல்லாஹ் நாடியிருந்தால் அவர்களை உங்கள் மீது சாட்டியிருப்பான்; அப்பொழுது அவர்கள் உங்களை எதிர்த்தே போர் புரிந்திருப்பார்கள்; எனவே அவர்கள் உங்களை விட்டு விலகி உங்களுடன் போர் புரியாமல் உங்களிடம் சமாதானம் செய்து கொள்ள விரும்பினால் (அதை ஒப்புக்கொள்ளுங்கள்; ஏனென்றால்) அவர்களுக்கு எதிராக(ப் போர் செய்ய) யாதொரு வழியையும் அல்லாஹ் உங்களுக்கு உண்டாக்கவில்லை. (குர்ஆன் 4:90)

முதலில், இது இஸ்லாமிய அரசுக்கு கொடுக்கப்பட்ட வழிமுறை, எனவே ஒரு தனி மனிதன் இதை செய்ய அனுமதி இல்லை. 

 

இரண்டாவது, இந்த செய்தியை பார்த்தால் ஒருவேளை உங்களுக்கு புரியலாம். இது உள்ளுக்குள்ளே இருந்து நயவஞ்சகமாக செயல்பட்டவர்களைப் பற்றிய செய்தி. மேலும் அவர்கள் வேறு நாட்டவருடன் சேர்ந்து இவர்களுடன் போர் புரியவோ இடையூறு தரவோ திட்டமிடுபவர்களுக்கு எதிராக வழங்கப்பட்ட சட்டம். 

 

மூன்றாவது, நபி அவர்கள் காலத்தில் இஸ்லாமிய ஆட்சி வந்த பிறகு யூதர்களும், கிறிஸ்தவர்களும், சிலையை வாங்குபவர்களும் சம உரிமையோடு அங்கே வாழத்தான் செய்தார்கள். அதற்கு ஆதாரம் உலகில் முதல் முதலில் எழுதப்பட்ட மதீனாவின் அரசியல் அமைப்பு சட்டம்.

நான்காவது, கட்டாயமாக ஒருவரை இஸ்லாத்தை ஏற்க சொல்லுவது நபிக்கே தடை செய்யப்பட்ட ஒன்று என்கிற பொழுது வேறு யார் அதை செய்ய அனுமதி உண்டு?

(நபியே!) மேலும், உம் இறைவன் நாடியிருந்தால், பூமியிலுள்ள யாவருமே ஈமான் கொண்டிருப்பார்கள்; எனவே, மனிதர்கள் யாவரும் முஃமின்களாக (நம்பிக்கை கொண்டோராக) ஆகிவிட வேண்டுமென்று அவர்களை நீர் கட்டாயப்படுத்த முடியுமா? (குர்ஆன் 10:99)

என்ன தான் அரசாகவே இருந்தாலும் அவர்களுக்கு எதிராக செயல்படுபவர்களை கொலை செய்ய சொல்வதெல்லாம் தவறு என்று யாராவது நினைத்தால்.. இந்த கட்டுப்பாடு இல்லாத சமயமே இல்லை எனலாம். ஏனென்றால் அனைத்து சமயமும், மறைநூல்களும் ஒரே இறைவனிடத்தில் இருந்துதான் வந்துள்ளது என்று இஸ்லாம் சொல்கிறது.

தமிழர் சமயம்

தத்தம் சமயத் தகுதி நில்லாதாரை

அத்தன் சிவன் சொன்ன ஆகம நூல் நெறி

எத்தண்டமும் செயும் அம்மையில், இம்மைக்கே

மெய்த்தண்டம் செய்வது அவ்வேந்தன் கடனே (திருமந்திரம் 246)

கருத்து: தத்தமது சமயம் கூறும் அறத்தின்படி நடக்காதவருக்கு மறுமையில் சிவனின் ஆகம நூல் நெறியில் சிவன் சொன்னபடியும் தண்டனை கொடுக்கும். அதேசமயம், அவ்வாறு அவர்களுக்கு இம்மையில் தண்டனை கொடுப்பது அரசனின் கடமை.

குறிப்பு: இதில் கூட சைவ சமயத்தத்தின்படி நடவாதவரை என்று குறிப்பிடப்படவில்லை, தத்தமது சமயத் தகுதி என்கிறது திருமந்திரம். தத்தமது சமயத்தில் ஒருவர் நிற்கவில்லை என்றால் அவர் இறைவனின் வேறொரு சமயத்தை தேர்ந்தெடுத்து அதை பின்பற்றுவதால் என்ன பிழை? தத்தம் சமயம் என்று ஏன் குறிப்பிடுகிறது என்றால், நான்மறையை தாங்கிய உலக சமயங்கள் அனைத்தும் ஏகனிடம் இருந்து வந்தது என்பதால்.

கிறிஸ்தவம் / யூதம்

இறைவன் கொடுத்த நெறியை பின்பற்றாத யூத மக்களுக்கு இறைவன் மோசஸ் மூலம் கொடுத்த தண்டனை என்ன?

19 மோசே பாளையத்திற்கு அருகே வந்தான். அவன் பொன் கன்றுக்குட்டியையும் ஜனங்கள் நடனமாடுவதையும் கண்டு, மிகுந்த கோபங்கொண்டான். …….. 26 எனவே, பாளையத்தின் நுழைவாயிலில் மோசே நின்றான். மோசே, “கர்த்தரைப் பின்பற்ற விரும்புகிறவர்கள் என்னிடம் வாருங்கள்” என்று சொன்னான். லேவியின் குடும்பத்தைச் சேர்ந்த அனைவரும் மோசேயிடம் ஓடினார்கள். 27 பின்பு மோசே அவர்களை நோக்கி, “இஸ்ரவேலின் தேவனாகிய கர்த்தர் சொல்வதை நான் உங்களுக்குக் கூறுவேன்: ‘ஒவ்வொருவனும் வாளை எடுத்துக்கொண்டு பாளையத்தின் ஒரு புறத்திலிருந்து மறுபுறம் வரைக்கும் போய் வாருங்கள். ஒவ்வொருவனும் தனது சகோதரனையும் நண்பனையும், அயலானையும் கொல்ல வேண்டி வந்தாலும் அவர்களைக் கொல்ல வேண்டும் என்றான். 28 லேவி குடும்பத்தின் ஜனங்கள் மோசேக்குக் கீழ்ப்படிந்தனர். அன்றையதினம் சுமார் 3,000 இஸ்ரவேல் ஜனங்கள் செத்தனர். (யாத்திராகமம் 32:26–28)

முடிவுரை

எனவே ஒரு சமய கட்டமைப்பை ஏற்று அதன் விதிமுறைகளை மீறுபவர்களுக்கு அந்த கட்டமைப்பு தண்டனை வழங்குகிறது. இது வேண்டும் என்றே குழப்பம் ஏற்படுத்தும் நோக்கோடு வருபவர்களையும் இந்த கட்டமைப்பை சீகுலைக்கும் எண்ணத்தோடு வருபவர்களையம் எச்சரிக்க இந்த தண்டனைகள் ஏற்படுத்த பட்டுள்ளது. இது ஏறக்குறைய நம்ம நாட்டில் உள்ள அரசியல் அமைப்பு போல, நம் நாட்டில் இருந்த IPC போல. தேசவிரோத சட்டம் என்று நமது நாட்டு சட்டங்கள் சிலவற்றை சொல்லுகிறதே, இது நியாமா?

இயல்பாக எல்லா கட்டமைப்புக்குள்ளும் இருக்கும் ஒழுங்குகளை அடையாளம் காணாமல் ஒரே ஒரு சமயத்தை மட்டும் குறை கூறுவது என்பது நிச்சயம் அவரது நோக்கம் பிழை என்று உரக்க சொல்கிறது. ஒரு விடயத்தில் விமர்சிக்கும் முன் தனது மதத்தில் இது போன்று விதிமுறைகள் உண்டா என்று சோதித்து அறிவது அவசியம். ஆனால் ஆன்மீகமும், அறநூல் கல்வியும், நேர்மையும் தன்னிடம் உண்டா என்று அவரவர் சொத்து கொள்ளட்டும். அவரவர் கர்மா அவரவர்க்கே.

இஸ்லாமிய கிறிஸ்தவம் தோன்றும் முன் இந்து கடவுள்கள் இறுதி தீர்ப்பு வழங்கிவிட்டார்களா?

1400வருடங்களுக்குமுன்னால் குரான்,முகமது,இஸ்லாம் இல்லை, 2000வருஷத்திற்கு முன்னால் இயேசு,பைபிள்,கிறிஸ்தவம் இல்லை அப்படியானால் இந்த பீடைகள் தோன்றுவதற்குமுன் வாழ்ந்த மக்களுக்கு இந்துகடவுள்கள் இறுதிதீர்ப்பு வழங்கிவிட்டார்களா? அல்லது இரண்டும் டுபாகூர்களா?

இந்து கடவுள்கள் என்கிற பிரயோகம் பிழையானது.

தெய்வம் ஒன்றுதான் என்று இந்த துணைக்கண்டத்தில் வாழ்ந்த பல்வேறு மறைநூல்களும் குருமார்களும் உறுதிபட சொல்லிச் சென்று உள்ளனர்.

அகத்தியர்

சத்தியே பராபரமே ஒன்றே தெய்வம்
சகலவுயிர் சீவனுக்கு மதுதா னாச்சு;
புத்தியினா லறிந்தவர்கள் புண்ணி யோர்கள்
பூதலத்தில் கோடியிலே யொருவ ருண்டு- ஞானம் 1:1

ஒருவனென்றே தெய்வத்தை வணங்க வேணும்
உத்தமனாய்ப் பூமிதனிலிருக்க வேணும் - ஞானம் - 1:4

அவ்வை

எல்லார்க்கு மொன்றே சிவமாவ தென்றுணர்ந்த
பல்லோர்க்கு முண்டோ பவம். - ஞானக்குறள் 124.

திருமூலர்

ஒன்றே குலமும் ஒருவனே தேவனும்
நன்றே நினைமின் நமன் இல்லை நாணாமே
சென்றே புகும்கதி இல்லை நும் சித்தத்து
நின்றே நிலைபெற நீர் நினைந்து உய்மினே - திருமந்திரம்

ஒன்று கண்டீர் உலகுக்கு ஒரு தெய்வமும்
ஒன்று கண்டீர் உலகுக்கு உயிர் ஆவது
நன்று கண்டீர் நல் நமச்சிவாயப் பழம்
தின்று கண்டேற்கு இது தித்தித்த வாறே. - 9ஆம் தந்திரம் 20:6

திருநாவுக்கரசர்

நூறுகோடி பிரமர்கள் நொந்தினார்;
ஆறுகோடி நாராயணர் அங்ஙனே;
ஏறு கங்கை மணல், எண் இல் இந்திரர்;
ஈறு இலாதவன் ஈசன் ஒருவனே - தேவாரம்:2078

சிவவாக்கியர்

எங்குமுள்ள ஈசனார் எம்முடல் புகுந்தபின்
பங்குகூறு பேசுவார் பாடுசென்றுஅ ணுகிலார்
எங்கள் தெய்வம்உங்கள் தெய்வ மென்றிரண்டு பேதமோ
உங்கள் பேதம் அன்றியே உண்மைஇரண்டும் இல்லையே. - (பாடல் 224)

அரியுமாகி அய்யனுமாகி அண்டம் எங்கும் ஒன்று அதாய்ப்
பெரியதாகி உலகு தன்னில் நின்ற பாதம் ஒன்றலோ
விரிவது என்று வேறு செய்த வேடமிட்ட மூடரே
அறிவினோடு பாரும் இங்கு அங்கும் எங்கும் ஒன்று அதே - சிவவாக்கியம் 225

முனைப்பாடியார்

தன்ஒக்கும் தெய்வம் பிறிதுஇல்லை தான்தன்னைப்
பின்னை மனம்அறப் பெற்றானேல் - என்னை
எழுத்துஎண்ணே நோக்கி இருமையும் கண்டாங்கு
அருள்கண்ணே நிற்பது அறிவு. - அறநெறிச்சாரம் பாடல் - 144

வள்ளுவர்

தனக்குவமை இல்லாதான் தாள்சேர்ந்தார்க் கல்லால்
மனக்கவலை மாற்றல் அரிது. - குறள் - 01:07.

விளக்கம் : தனக்கு ஒப்புமை இல்லாத இறைவனுடய திருவடிகளை அன்றி மற்றவைகளை பொருந்த நினைக்கின்றவர், மனக்கவலையை மாற்ற முடியாது. தனக்கு ஒப்புவமை இல்லாத என்றால் இறைவன் ஒரே ஒருவன் என்று பொருள்.

உலகம் முழுமைக்கும் ஒருவன் தான் தெய்வம்/கடவுள்/இறைவன் என்று இந்த பாடல்கள் தெளிவாக கூறுகிறது. இப்பாடல்களை எழுதியவர்கள் தமிழ் கூறும் நல்லுலகம் முழுதும் சான்றோர் என்று புகழப்பட்ட மனிதர்கள் ஆவர்.

சரி ஒரே இறைவன் என்று இவர்கள் சொல்லலாம், ஆனால் வேறு சில குருமார்கள் பல தெய்வம் இருப்பதாக அல்லது ஒரே இறைவனை பல ரூபத்தில் காணலாம் என்றெல்லாம் கூறுகிறார்களே என்று கேட்டால், குரு என்பவனுக்கான வரையறைகளை தொல்காப்பியம், திருமந்திரம் உட்பட பல நூல்கள் கூறுகிறது. மேலும் பொய் குருக்களை அடையாளம் காணவும் அவைகள் சொல்லித்தருகிறது.

உண்மை குருக்களை இந்த நூல்கள் கூறும் வரையறையுடன் பொறுத்தி பார்த்து கண்டறிந்து அவர்களோடு முரண்படும் குருக்களை பொய் என்று புரிந்து புறந்தள்ளிவிடலாம். அந்த வகையில் உலக மக்களால் சிறந்த குருமார்கள் என்று அறியப்படும் வள்ளுவர், அகத்தியர், அவ்வையார், திருமூலர், நாவுக்கரசர் உட்பட அனைவரும் மேற் குறிப்பிட்ட வரையறைகளுக்கு முரணான பல தெய்வ கோட்பாடு என்பது நிச்சயம் பிழையானதாகும்.

மேலும் இறைவனை கண்டவர்கள் அன்றும் இன்றும் என்றும் எவனும் இல்லை, அவ்வாறு இருக்க அவனை எப்படி வரையவோ செதுக்கவோ முடியும்?

மேலும் உலக மறைநூல்கள் அனைத்தும் இறைவனுக்கான வரையறைகளாக சொல்லுவது என்னவென்றால்

• அவன் ஒருவன்,
• பாலினமற்றவன்,
• பிறப்பில்லாதவன்,
• இறப்பில்லாதவன்,
• இணை துணையற்றவன்,
• தேவைகளற்றவன்,
• உலகம் முழுதும் படைத்தவன், காப்பவன், அழிப்பவன்,
• பேரன்புடையவன், பெருங்கருணை உடையவன்,
• நீதியானவன்,
• மேல் வானத்தில் உள்ளவன்.

சரி அந்த ஒரே இறைவன் தமிழில் அல்லது சமஸ்கிருதத்தில் அல்லது இந்த நிலப்பரப்புக்கு மட்டும்தான் அறம் கூறும் வேதத்தை அனுப்புவானா அல்லது எல்லா நிலப்பரப்புக்கும், எல்லா மொழிக்கும், எல்லா மக்களுக்கும் அனுப்புவானா? சிந்திக்க மிகத் தகுதியான கேள்வி, சிந்திப்போருக்கு விடை உண்டு.

என்றும் உண்டாகி இறையால் வெளிப்பட்டு
நின்றது நூல் என்று உணர் - (அருங்கலச்செப்பு 9)

முதலும் வழியும் என நுதலிய நெறியின (தொல்காப்பியம் 3-639)

குறளை வெய்யோர்க்கு மறை விரி எளிது. - (முதுமொழிக் காஞ்சி எளிய பத்து 8:4)

தேவர் குறளும் திருநான் மறைமுடிவும்
மூவர் தமிழும் முனிமொழியும் கோவை
திருவா சகமும் திருமூலர் சொல்லும்
ஒருவா சகமென் றுணர். - (நல்வழி 40)

நான்மறை என்றால் என்ன என்று அறியும் மக்களுக்கு இப்படி ஒரு கேள்வி கேட்க துணிவு வர முடியாது. இந்த பாடல்கள் எல்லாம் தமிழில் மட்டும்தான் வேதம் உண்டு என்றுகூறவில்லை.

எனவே, மிகவும் பிற்கலத்தில் வந்த வேதங்கள் (அ) சமயங்கள் பீடை என்றால், தமிழில் அகத்தியம், தொல்காப்பியம் முதல் திருமந்திரம், திருவாசகம் வரை வெவ்வேறு காலத்தில் ஒன்றன் பின் ஒன்றாக வந்த அனைத்து தமிழ் மறைநூல்களும் பீடையா? ரிக் வேதம் 356 குருக்களால் ஒன்றன் பின் ஒன்றாக எழுதப்பட்டது, அதற்கு பிற்கலத்தில் ஒன்றன் பின் ஒன்றாக யஜுர் மற்றும் சாம வேதங்கள் வந்தது, அதற்கும் மிகவும் பிற்கலத்தில் தான் கீதை வந்தது, பின்னாளில் வந்ததால் கீதையை பீடை என்று சொல்வது பொருந்துமா?

இவைகளெல்லாம் இந்துமத கடவுளை பேசுகிறது ஆனால் அப்ரஹாமிய வேதங்கள் இந்து கடவுள்களை பேசவில்லை என்பது வாதமானால், 

• ரிக் யஜுர் சம வேதங்கள் கூறும் (அக்னி, இந்திரன், சோமா, ருத்ரா, விஷ்ணு, வருணன் மற்றும் மித்ரா) கடவுளின் பெயருக்கும், அதர்வண வேத (பிரம்மா) கடவுளுக்கும் தொடர்பில்லை, 
• இந்த வேத கடவுளுக்கும் கீதையின் (கிருஷ்ணா) கடவுளுக்கும் தொடர்பில்லை. 
• வடமொழி வேத கடவுளின் பெயருக்கும் தமிழர் மறை நூல் கூறும் (ஈசன்,  சிவன், மால்) கடவுளின் பெயருக்கும் தொடர்பில்லை. 

பின்னாளில் வியாசர் இவ்வாறு வெவ்வேறு சமயத்தில் உள்ள இறைவனின் பெயரை தனித்தனி பாத்திரங்களாக்கி புராணம் எழுதிய பின்புதான் இவர்களுக்கு இடையே தொடர்பு உண்டானது. ஆனால் இவர்களின் தன்மைகளாக அந்தந்த வேதம் கூறிய இலக்கணங்களை எடுத்து ஆய்வு செய்தால் இவைகள் அனைத்தும் ஒரே இறைனைத்தான் குறிப்பிடுகிறது.  

• வட மொழி சமயத்துக்கும் தமிழர் சமயத்துக்கும் இடையேயும், 
• தமிழர் சமயங்களான சைவ சமண சமயங்களுக்கு இடையேயும் 
• சைவ சமண சமணங்களுக்கு இசையையும் 

நடந்த மத சண்டைகள் வரலாற்றில் பதியப்படாமல் இல்லை. இன்று பீடை என்று இவர் கூறும் சமயத்துக்கும் இந்துமதத்துக்கும் உள்ள வேறுபாடு, இந்த நிலப்பரப்பில் வெவ்வேறு பெயரில் இருந்த அனைத்து மதங்களுக்கும் இடையில் அன்று இருந்தது.

வெவ்வேறு மொழியில் உள்ள அனைத்து வேதமும் ஒரே இறைவனை பற்றித்தான் பேசுகிறது என்று அறியாததால் வெவ்வேறு பண்பாட்டில் உள்ள இறைவனின் பெயரை தனித்தனி கதாபாத்த்திரமாக்கி 18 புராணங்களை வியாசர் எழுதினார். அன்றிலிருந்து இன்றுவரை மக்கள் தத்தமது வேதத்தை ஓதி உணர்ந்து அதனுள் ஓடுங்கும் அதிர்ஷடத்தை இழந்து புராணங்களை இதிகாசங்களை வாசித்து தத்தமது வேத வழிகாட்டுதலுக்கு முரண்பட்டு போயினர்.

அதன் வெளிப்பாடுதான் வேறு சமய மக்களை இவ்வாறு இழித்துரைப்பது என்பதாகும். இதை புரிந்துகொள்ள நீண்ட வாசிப்பும் பொறுமையும் தேவை. இறைவன் அருளினால் நல்ல பண்பு உடையவர்களுக்கு அது எளிதாக புரிய வாய்ப்புண்டு.

ஜிஸியா வரி

இஸ்லாமிய நாடுகளில் முஸ்லிம்களுக்கு ஜக்காத் எனும் கட்டாய வரி உண்டு. மேலும் ஈத் உல் பித்ர், பல்வேறு சமயங்களில் குருபானி, வார வாரம் வெள்ளி கிழமை அன்று ஸதக்கா உள்ளிட்ட பல்வேறு மறைமுக வரி முறைகள் மற்றும் தான முறைகள் உண்டு.

அதே போல இஸ்லாம் அலலதவர்கள் செலுத்தும் வரிக்கு பெயர் ஜிஸியா, அவர்களுக்கு வேறு எந்த வரியும் இல்லை. ஒரு அரசு தனது மக்களை பாதுகாக்க அவர்களிடம் இருந்து பெறப்பட்ட வரி அவ்வளவுதான். இன்று வருமானவரி, சொத்து வரி, GST என்று மத சார்பற்ற நாட்டில் எல்லோருக்கும் இருப்பது போல.

சொல்லப்போனால் ஜிசியாதான் குறைவான பணம். முஸ்லிம்கள்தான் அதிக வரி செலுத்துவோராக இருப்பர்.

 

யூத கிறிஸ்தவர்களில் அவர்களுடைய மத அறங்களை பின்பற்றாதவர்களுக்கு இஸ்லாம் வரி விதித்தது. ஏனென்றால் இறைவனால் வழங்கப்பட்ட வேதங்கள் எல்லாம் ஒரே அறத்தைதான் போதிக்கிறது.

மேலும் இந்த ஜிஸியா வரி இந்துக்கள் செலுத்த வேண்டிய 16.6% விட குறைவு. மேலும் யூதர்களும் கிறிஸ்தவர்களும் அவர்கள் அரசுக்கு செலுத்த வேண்டிய அதே 10% ஆகும். எனவே ஜிஸியா அடக்குமுறை வரி என்பது பிழை.

குர்ஆன் வசனம் 4:89 நியாயமா?

 ஒரு மனிதன் தன் விருப்பப்படி வேறு மதத்திற்கு மாறுவதோ இறைமறுப்பாளனாக இருப்பதோ அவரது அடிப்படை உரிமை‌யாகும். ஆனால் இஸ்லாம் மதத்தில் இவ்வாறு செய்பவர்களைக் கொல்ல வேண்டும் என்கிறது குர்ஆன் (வசனம் 4:89). இது நியாயமா?

எளிமையாக தேடி வாசிக்கும் அளவுக்கு குர்ஆன் மக்களிடமும் சென்று சேர்ந்து இருப்பது மகிழ்ச்சியே.

ஆனால் குழப்பம் ஏற்படுத்தும் நோக்கத்தோகோடு பிற மதங்களின் / குறிப்பாக தான் வெறுக்கும் சமயத்தின் நூலை வாசித்து நேரத்தை வீணாக்குவதை விட, தான் நம்பும், விரும்பும் சமய நூலை வாசித்தாலாவது அதை ஏற்று நடக்க அவரவருக்கு உதவியாக இருக்கும்.

ஏனென்றால் வேதம் தான் அறம். தத்தமது வேதத்தை ஓதி, உணர்ந்து, பிறருக்கு சொல்லி தானும் அடங்கினால்தான் வீடு பெற முடியும் என்பது நிதர்சனம்.

சரி விடயத்துக்கு வருவோம். இப்பொழுது குர்ஆன் வசனம் 4:89 என்ன சொல்கிறது என்பதை அதன் முன் பின் வசனத்தோடு வாசித்தால் ஒருவேளை முழு பொருளை அது கொடுக்கலாம்.

நயவஞ்சகர்களைப் பற்றி நீங்கள் இருவகையான (அபிப்பிராயங்கள் கொண்ட) பிரிவினர்களாக இருப்பதற்கு உங்களுக்கு என்ன நேர்ந்தது? அவர்கள் செய்த தீவினைகளின் காரணத்தால் அல்லாஹ் அவர்களைத் தலை குனிய வைத்துவிட்டான்; எவர்களை அல்லாஹ் வழி தவறச் செய்து விட்டானோ, அவர்களை நீங்கள் நேர்வழியில் செலுத்த விரும்புகிறீர்களா? எவரை அல்லாஹ் வழி தவறச் செய்து விட்டானோ, நிச்சயமாக அவருக்கு (மீட்சியடைய) எவ்வித வழியையும் (நபியே!) நீர் காணமாட்டீர். (குர்ஆன் 4:88)

(முஃமின்களே!) அவர்கள் நிராகரிப்பதைப் போல் நீங்களும் நிராகரிப்போராகி நீங்களும் (இவ்வகையில்) அவர்களுக்கு சமமாகி விடுவதையே அவர்கள் விரும்புகிறார்கள்; ஆகவே, அவர்கள் அல்லாஹ்வின் பாதையில் (தம் இருப்பிடங்களை விட்டு வெளியே)புறப்படும் வரையில் அவர்களிலிருந்து எவரையும் நண்பர்களாக நீங்கள் எடுத்துக் கொள்ளாதீர்கள்; (அல்லாஹ்வின் பாதையில் வெளிப்பட வேண்டுமென்ற கட்டளையை) அவர்கள் புறக்கணித்துவிட்டால் அவர்களை எங்கு கண்டாலும் (கைதியாகப்) பிடித்துக் கொள்ளுங்கள்; (தப்பியோட முயல்வோரைக்) கொல்லுங்கள் - அவர்களிலிருந்து எவரையும் நண்பர்களாகவோ, உதவியாளர்களாகவோ எடுத்துக் கொள்ளாதீர்கள். (குர்ஆன் 4:89)

ஆனால் எவர்களுக்கும் உங்களுக்குமிடையே (சமாதான) உடன்படிக்கை ஏற்பட்டுள்ளதோ, அத்தகைய கூட்டத்தாரிடையே சென்று சேர்ந்து கொண்டவர்களையும், அல்லது உங்களுடன் போர் புரிவதையோ, அல்லது தங்களுடைய கூட்டத்தினருடன் போர் புரிவதையோ, மனம் ஒப்பாது உங்களிடம் வந்துவிட்டவர்களையும் (சிறைப்பிடிக்காதீர்கள், கொல்லாதீர்கள்); ஏனெனில் அல்லாஹ் நாடியிருந்தால் அவர்களை உங்கள் மீது சாட்டியிருப்பான்; அப்பொழுது அவர்கள் உங்களை எதிர்த்தே போர் புரிந்திருப்பார்கள்; எனவே அவர்கள் உங்களை விட்டு விலகி உங்களுடன் போர் புரியாமல் உங்களிடம் சமாதானம் செய்து கொள்ள விரும்பினால் (அதை ஒப்புக்கொள்ளுங்கள்; ஏனென்றால்) அவர்களுக்கு எதிராக(ப் போர் செய்ய) யாதொரு வழியையும் அல்லாஹ் உங்களுக்கு உண்டாக்கவில்லை. (குர்ஆன் 4:90)

• முதலில், இது இஸ்லாமிய அரசுக்கு கொடுக்கப்பட்ட வழிமுறை, எனவே ஒரு தனி மனிதன் இதை செய்ய அனுமதி இல்லை.
• இரண்டாவது, இந்த செய்தியை பார்த்தால் ஒருவேளை உங்களுக்கு புரியலாம். இது உள்ளுக்குள்ளே இருந்து நயவஞ்சகமாக செயல்பட்டவர்களைப் பற்றிய செய்தி. மேலும் அவர்கள் வேறு நாட்டவருடன் சேர்ந்து இவர்களுடன் போர் புரியவோ இடையூறு தரவோ திட்டமிடுபவர்களுக்கு எதிராக வழங்கப்பட்ட சட்டம்.
• மூன்றாவது, நபி அவர்கள் காலத்தில் இஸ்லாமிய ஆட்சி வந்த பிறகும் யூதர்களும், கிறிஸ்தவர்களும், சிலையை வாங்குபவர்களும் சம உரிமையோடு அங்கே வாழத்தான் செய்தார்கள். அதற்கு ஆதாரம் உலகில் முதல் முதலில் எழுதப்பட்ட மதீனாவின் அரசியல் அமைப்பு சட்டம்.

நான்காவது, கட்டாயமாக ஒருவரை இஸ்லாத்தை ஏற்க சொல்லுவது நபிக்கே தடை செய்யப்பட்ட ஒன்று என்கிற பொழுது வேறு யார் அதை செய்ய அனுமதி உண்டு?

மேலும், உம் இறைவன் நாடியிருந்தால், பூமியிலுள்ள யாவருமே ஈமான் கொண்டிருப்பார்கள்; எனவே, மனிதர்கள் யாவரும் முஃமின்களாக (நம்பிக்கை கொண்டோராக) ஆகிவிடவேண்டுமென்று அவர்களை நீர் கட்டாயப்படுத்த முடியுமா? (குர்ஆன் 10:99)

என்ன தான் அரசாகவே இருந்தாலும் அவர்களுக்கு எதிராக செயல்படுபவர்களை கொலை செய்ய சொல்வதெல்லாம் தவறு என்று யாராவது நினைத்தால்.. இந்த கட்டுப்பாடு இல்லாத சமயமே இல்லை எனலாம். ஏனென்றால் அனைத்து சமயமும், மறைநூல்களும் ஒரே இறைவனிடத்தில் இருந்துதான் வந்துள்ளது என்று இஸ்லாம் சொல்கிறது. சரி இது உண்மையா என்று ஆய்வு செய்வோமா?

தமிழர் சமயம் - சைவம்

தத்தம் சமயத் தகுதி நில்லாதாரை

அத்தன் சிவன் சொன்ன ஆகம நூல் நெறி

எத்தண்டமும் செயும் அம்மையில், இம்மைக்கே

மெய்த்தண்டம் செய்வது அவ்வேந்தன் கடனே - (திருமந்திரம் - 246)

கருத்து: சமயவாதிகள் நல்வழியில் நடவாமல், தத்தம சமயங்களுக்கு உண்டான சின்னங்களை மட்டும் அணிவதில் என்ன பயன்? அவர்களுக்கு மறுமையில், தெய்வம் தண்டனை கொடுக்கும். அதேசமயம், அவ்வாறு நல்வழியில் நடவாத சமயவாதிகளுக்குத் தண்டனை கொடுப்பது அரசனின் கடமை.

கிறிஸ்தவம் / யூதம்

இறைவன் கொடுத்த நெறியை பின்பற்றாத யூத மக்களுக்கு இறைவன் மோசஸ் மூலம் கொடுத்த தண்டனை என்ன?

19 மோசே பாளையத்திற்கு அருகே வந்தான். அவன் பொன் கன்றுக்குட்டியையும் ஜனங்கள் நடனமாடுவதையும் கண்டு, மிகுந்த கோபங்கொண்டான். …….. 26 எனவே, பாளையத்தின் நுழைவாயிலில் மோசே நின்றான். மோசே, “கர்த்தரைப் பின்பற்ற விரும்புகிறவர்கள் என்னிடம் வாருங்கள்” என்று சொன்னான். லேவியின் குடும்பத்தைச் சேர்ந்த அனைவரும் மோசேயிடம் ஓடினார்கள். 27 பின்பு மோசே அவர்களை நோக்கி, “இஸ்ரவேலின் தேவனாகிய கர்த்தர் சொல்வதை நான் உங்களுக்குக் கூறுவேன்: ‘ஒவ்வொருவனும் வாளை எடுத்துக்கொண்டு பாளையத்தின் ஒரு புறத்திலிருந்து மறுபுறம் வரைக்கும் போய் வாருங்கள். ஒவ்வொருவனும் தனது சகோதரனையும் நண்பனையும், அயலானையும் கொல்ல வேண்டி வந்தாலும் அவர்களைக் கொல்ல வேண்டும்’” என்றான். 28 லேவி குடும்பத்தின் ஜனங்கள் மோசேக்குக் கீழ்ப்படிந்தனர். அன்றையதினம் சுமார் 3,000 இஸ்ரவேல் ஜனங்கள் செத்தனர். (யாத்திராகமம் 32:26–28)

எனவே ஒரு கட்டமைப்பை ஏற்று அதன் விதிமுறைகளை மீறுபவர்களுக்கு அந்த கட்டமைப்பு தண்டனை வழங்குகிறது. இது வேண்டும் என்றே குழப்பம் ஏற்படுத்தும் நோக்கோடு வருபவர்களையும் இந்த கட்டமைப்பை சீகுலைக்கும் எண்ணத்தோடு வருபவர்களையம் எச்சரிக்க இந்த தண்டனைகள் ஏற்படுத்த பட்டுள்ளது. இது ஏறக்குறைய நம்ம நாட்டில் உள்ள அரசியல் அமைப்பு போல, நம் நாட்டில் இருந்த IPC போல. நமது நாட்டு சட்டங்கள் சில குற்றத்துக்கு இப்படி சொல்லுகிறதே, இது நியாமா?

இயல்பாக எல்லா கட்டமைப்புக்குள்ளும் இருக்கும் ஒழுங்குகளை அடையாளம் காணாமல் ஒரே ஒரு சமயத்தை மட்டும் குறை கூறுவது என்பது நிச்சயம் அவரது நோக்கம் பிழை என்று உரக்க சொல்கிறது. ஒரு விடயத்தில் விமர்சிக்கும் முன் தனது மதத்தில் இது போன்று விதிமுறைகள் உண்டா என்று சோதித்து அறிவது அவசியம். ஆனால் ஆன்மீக சிந்தனையும், அறநூல் கல்வியும், தனது சமய நூலின் கல்வியும் , நேர்மையும் தன்னிடம் உண்டா என்று அவரவர் சொத்து கொள்ளட்டும். ஐந்தே விரிவான பதிலை கேள்வி கேட்டவர் முழுதாக வாசிப்பார் புரிந்துகொள்ள முயல்வாரா என்று கூட தெரியவில்லை. எது எப்படி இருந்தாலும் அவரவர் கர்மா அவரவர்க்கே.

பாலஸ்தீனர்கள்

 கிபி 610ஆம் ஆண்டுதான் இஸ்லாம் என்ற மதம் உருவானது. அதற்கு முன்பு இஸ்ரேல் நிலத்தில் யூத மக்களே இருந்தனர். ஒரு சிறு துண்டு நிலத்துக்காக அப்பாவி உயிர்களைப் பணையம் வைக்காமல் எகிப்து போன்ற இஸ்லாமிய நாடுகளில் பாலஸ்தீனர்கள் அடைக்கலம் தேடலாம் அல்லவா?

இஸ்லாம் புதிய மதமா ?

உலகை பொறுத்த வரை இஸ்லாம் கிபி 610 ஆம் ஆண்டு தோன்றியது.

ஆனால் இஸ்லாத்தை பொறுத்த வரை இஸ்லாம் தான் முதல் மனிதனின் மார்க்கம். இஸ்லாம் தான் இறைவன் ஏற்றுக்கொண்ட மார்க்கம்.

இஸ்லாம் தன்னை "சமயம்" என்று அடையாள படுத்தாமல் "தீன்" அதாவது "மார்க்கம்" அதாவது "வாழும் வழிமுறை" என்று அடையாளப்படுத்துகிறது. அதற்கு காரணம் உலகில் தொடக்கம் முதல் இஸ்லாத்துக்கு முன்பு வரை பல்வேறு வேதங்களும் அது சொல்லும் சமயங்களும் மொழிக்கும், இடத்துக்கும், பாரம்பரியத்துக்கும் ஏற்றவாறு வேறுபட்டு வந்துள்ளது. ஆனால் அதன் அற நெறிகள் எல்லாம் பெரும்பாலும் ஒன்றுதான் என்று கூறும் விதமாகவும் அனைத்து சமயங்களின் தொடர்ச்சியாக இஸ்லாம் இருக்கிறது என்றும் தன்னை தானே அடையாள படுத்துகிறது. அனைத்து வேதங்களும் சமயமும் வழங்கப்பட்ட இறைவனால் வழங்கப்பட்ட மார்க்கம் தான் இஸ்லாம் என்று கூறுகிறது.

• 3:19. நிச்சயமாக (தீனுல்) இஸ்லாம் தான் அல்லாஹ்விடத்தில் (ஒப்புக்கொள்ளப்பட்ட) மார்க்கமாகும்; வேதம் கொடுக்கப்பட்டவர்கள் (இதுதான் உண்மையான மார்க்கம் என்னும்) அறிவு அவர்களுக்குக் கிடைத்த பின்னரும் தம்மிடையேயுள்ள பொறாமையின் காரணமாக (இதற்கு) மாறுபட்டனர்; எவர் அல்லாஹ்வின் வசனங்களை நிராகரித்தார்களோ, நிச்சயமாக அல்லாஹ் (அவர்களுடைய) கணக்கைத் துரிதமாக முடிப்பான்.
• 2:120. (நபியே!) யூதர்களும், கிறிஸ்தவர்களும் அவர்கள் வழியை நீர் பின்பற்றாதவரையில் உம்மைப்பற்றி திருப்தியடைய மாட்டார்கள். (ஆகவே, அவர்களை நோக்கி) “நிச்சயமாக அல்லாஹ்வின் வழி-(இஸ்லாம்) அதுவே நேர்வழி” என்று சொல்லும்; அன்றி ஞானம் உம்மை வந்தடைந்த பின்னரும் அவர்களுடைய இச்சைகளைப் பின்பற்றுவீரேயானால், அல்லாஹ்விடமிருந்து உம்மைக் காப்பாற்றுபவனும், உமக்கு உதவி செய்பவனும் இல்லை.
• 3:85. இன்னும் இஸ்லாம் அல்லாத (வேறு) மார்க்கத்தை எவரேனும் விரும்பினால் (அது) ஒருபோதும் அவரிடமிருந்து ஒப்புக் கொள்ளப்பட மாட்டாது; மேலும் அ(த்தகைய)வர் மறுமை நாளில் நஷ்டமடைந்தோரில் தான் இருப்பார்.
• 49:17. அவர்கள் இஸ்லாம் மார்க்கத்தைத் தழுவியதால், உமக்கு உபகாரம் செய்து விட்டதாகக் கருதுகிறார்கள்; “நீங்கள் இஸ்லாம் மார்க்கத்தைத் தழுவியதால் எனக்கு உபகாரம் செய்து விட்டதாகக் கருதாதீர்கள்; எனினும், நீங்கள் உண்மையாளர்களாக இருப்பின் ஈமானின் நேர் வழியில் உங்களைச் சேர்த்ததனால் அல்லாஹ் தான் உங்கள் மீது உபகாரம் செய்திருக்கிறான்” என்று (நபியே!) நீர் கூறுவீராக.

இஸ்லாம் என்றே பெயரில் இந்த மார்க்கம் 610 லிருந்து அடையாள படுத்தப்பட்டு இருக்கலாம் ஆனால் இதுதான் முதல் மனிதனின் மார்க்கம், கால இட மொழி வேறுபாடின்றி அனைவரின் மார்க்கம் ஆகும்.

• இது போன்ற உண்மைகளை அறிய வேதங்களை ஒப்பு நோக்க வேண்டும்!
• நான்மறை என்பது உலக வேதங்கள் அனைத்தையும் குறிக்கும்.
• முகமது நபி ﷺ அவர்களை வேதம் கொடுக்கப்பட்டவர்கள் அறிவார்கள் ஆனால் ஏற்பதில்லை.

உயிரை காக்க வேறு நிலத்துக்கு குடிபெயர வேண்டுமா ?

முதலில், ஆரம்பத்தில் இருந்தவர்கள் தான் இஸ்ரேலில் இருக்க வேண்டும் என்றால், யூதர்கள் எகிப்திலிருந்து இஸ்ரேலுக்கு வருவதற்கு முன்பு அங்கு யார் இருந்தார்களோ அவர்களுக்குத்தான் அந்த இடம் சொந்தம். அந்த வகையில் அந்த இடம் காணான் மக்களுடையது (the ancient Canaanites). அவர்கள் தான் பின்னாளில் இஸ்லாத்தை ஏற்று முஸ்லீம் ஆனார்கள் என்ற கருத்தும் உண்டு. இவர்களுக்கும் யூதர்களுக்கும் காணான் மக்கள் தான் மூதாதையர்கள் ஆவார்கள் என்ற கருத்தும் உண்டு. எப்படி பார்த்தாலும் அவர்கள் அந்த இடத்தின் பூர்வ குடிகள். யூதர்களைவிட அல்லது யூதர்களுக்கு இணையான உரிமை உடையவர்கள்.

இரண்டாவது, வரலாற்றில் ஒவ்வொரு முறையும் அந்நிய படையெடுப்பின் பொழுது வெளியேறிய யூதர்களுக்கு இன்று அந்த இடம் சொந்தமாகும் ஆனால் எப்பொழுதும் எதிரிகளை எதிர்த்து சண்டையிட்டு அங்கேயே நிலைத்து இருந்த கூட்டம் இப்பொழுது வேறு நாட்டில் அடைக்கலம் புக வேண்டும். எல்லா அறத்தையும் மீறும் ஒருவனை விடுத்து, பாதிக்கப்படுபவர்களுக்கு ஆலோசனை சொல்லும் இந்த தர்க்கம் என்ன மாதிரியானது?

மூன்றாவது, நமது இடம் ஆக்கிரமிக்கப்பட்டால் நாம் வேறு இடத்துக்கு அடைக்கலம் பெயரவேண்டும் என்பது சரியான தர்க்கம் என்றால் இந்த நாடு வரலாற்றில் பல தேசத்தவரால் ஆக்கிரமிக்கப்பட்டுள்ளது. சமீபமாக வெள்ளையர்கள் 200 ஆண்டாக ஆண்டபொழுது நாம வேறு நாட்டுக்கு குடி பெயரவில்லை. சண்டை செஞ்சோம். நிலம் சிறு துண்டோ கைப்பிடி அளவோ அது அவர்களுடையது, புலம்பெயரும் விடயத்திலும் முடிவெடுக்கும் உரிமை அவர்களுடையது.

நான்காவது, அநீதி இழைக்கப்பட்டவன் இஸ்லாமியராக இல்லை என்றாலும் அவரது பிராத்தனை வலிமையானது என்று இஸ்லாம் கூறுகிறது. எனவே அவர்களது பிராத்தனை அவர்களுக்கு நிச்சயம் பதில் தரும் என்று நம்புகிறார்கள்.

• அல்லாஹ்வின் உதவியில் உறுதியுடன் இருக்கும் இத்தகைய அநீதி இழைக்கப்பட்டோரின் பிரார்த்தனைகளை அல்லாஹ் எவ்வித தடையுமின்றி ஏற்றுக்கொள்கிறான். ஒரு தடவை நபி (ஸல்) அவர்கள், ஐந்து வகையான துஆக்கள் ஒப்புக்கொள்ளப்படுகின்றன. அவற்றில் அநீதி இழைக்கப்பட்டவரின் துஆவும் ஒன்று என்று குறிப்பிட்டுள்ளார்கள். (ஆதாரம்: பைஹகீ)
• நபிகள் நாயகம் (ஸல்) அவர்கள் கூறினார்கள்: “முஆஹிதை (முஸ்லிம் ஆட்சியின் கீழ் வாழும் முஸ்லிமல்லாதவர்) கொல்பவர், நாற்பது ஆண்டுகள் தூரத்தில் இருந்தாலும் உணரப்படும் சொர்க்கத்தின் வாசனையை கூட உணரமாட்டார்." அல்-புகாரி (3166).

ஐந்தாவது, இந்த இடம் யாருடையது என்பது பற்றிய மற்றும் இந்த யுத்தம் பற்றிய தீர்க்கதரிசனங்கள் ஏற்கனவே வழங்கப்பட்டு உள்ளது.

இஸ்ரேல் யாருக்கு சொந்தம்? யூதர்கள் சுமேரியாவிலிருந்து வந்தவர்கள். 

இன்றைய ஈராக்கில் இருந்து எகிப்துக்கு அடிமையாக சென்று கிமு 1200 களில் இன்றைய பாலஸ்தீனத்திற்கு குடி பெயர்ந்தவர்கள் தான் யூதர்கள்

யூதர்கள் பாவிகளா?

ஆம், என்று நாங்கள் கூறவில்லை. அவர்களின் வேதமும் அவர்களின் ஒப்புதல் வாக்குமூலமும் அதை உறுதி படுத்துகிறது.

• யூதர்கள் அவர்களின் வேதத்தை பின்பற்றவில்லை
• யூதர்கள் கொடூரமானவர்கள், ஏன்?

இந்த யுத்தம் பற்றிய முன்னறிவிப்பு?

சஹீஹ் முஸ்லிமில் (2922), அபு ஹுரைராவின் ஹதீஸிலிருந்து அல்லாஹ்வின் தூதர் ஸல் கூறினார்கள்: “முஸ்லிம்கள் யூதர்களுடன் சண்டையிடும் வரை மற்றும் முஸ்லிம்கள் கொல்லும் வரை நேரம் தொடங்காது. ஒரு யூதர் ஒரு பாறை அல்லது மரத்தின் பின்னால் ஒளிந்து கொள்ளும் வரை, பாறை அல்லது மரம் கூறும்: ஓ முஸ்லீம், அல்லாஹ்வின் அடிமை, எனக்குப் பின்னால் ஒரு யூதர் இருக்கிறார், அவரைக் கொல்லுங்கள். கர்காத் (முட்கள் நிறைந்த மரம்) தவிர, அது யூதர்களின் மரங்களில் ஒன்றாகும்.

இது அந்த யுத்தமா என்று தெரியாது ஆனால் அதன் ஒரு பகுதி என்பதில் ஐயம் இல்லை. 

எகிப்து போன்ற இசுலாமிய நாடுகளில் குடியேறலாமே?

போரின் ஆரம்பத்தில், எகிப்தின் அரசாங்கம் பாலஸ்தீனியர்களுக்கு ஆதரவாகவும் வலுக்கட்டாயமாக இடப்பெயர்ச்சிக்கு எதிராகவும் பொதுப் போராட்டங்களுக்கு கூட சுருக்கமாக அழைப்பு விடுத்தது. அதே நேரத்தில் எகிப்து போருக்கு இழுக்கப்படுவதை விரும்பவில்லை.

எகிப்து மட்டுமல்ல வேறு எந்த இஸ்லாமிய நாடுகளும் இன்றைய அரசியல் சூழ்நிலையில் இவர்களை ஏற்க்காது. ஈழத்தமிழர்களை இந்தியா ஏற்காதது போல.

ஒருவேளை இவர்களை பாதுக்காக்க கருதினால் அவர்களுக்கு ஆதரவாக யுத்தத்தில் தான் இறங்கும் ஈரான் போல, ஏமன் போல. அது பிராந்திய பதட்டத்தை மட்டுமல்லால் உலக அளவில் பதட்டத்தை ஏற்படுத்தும். பதட்டத்தை மட்டுமல்ல அழிவை ஏற்படுத்தும்.

முஃமின்களை போருக்கு ஆர்வ மூட்டுவீராக

 குர்ஆன் வசனம் 8:65 "நபியே! நீர் முஃமின்களை போருக்கு ஆர்வ மூட்டுவீராக…" (முஃமின் என்றால் நம்பிக்கையுள்ள முஸ்லிம் என்று பொருள்). இவ்வாறு வன்முறையைத் தூண்டும் இஸ்லாம் எப்படி அமைதி மார்க்கமாக முடியும்?

போருக்கு ஆர்வமூட்டுவது இஸ்லாம் மட்டும்தானா?

தமிழர் சமயம்

உறுப்பமைந்து ஊறஞ்சா வெல்படை வேந்தன்

வெறுக்கையுள் எல்லாம் தலை. (குறள்: படைமாட்சி - 761)

உரை: எல்லா உறுப்புக்களும் நிறைந்ததாய் இடையூறுகளுக்கு அஞ்சாததாய் உள்ள வெற்றி தரும் படை, அரசனுடைய செல்வங்கள் எல்லாவற்றிலும் சிறந்ததாகும்.

தார்தாங்கிச் செல்வது தானை தலைவந்த

போர்தாங்கும் தன்மை அறிந்து. (குறள்: 767)

தன் மேல் எதிர்த்து வந்த பகைவரின் போரைத்தாங்கி, வெல்லும் தன்மை அறிந்து அவனுடைய தூசிப்படையை எதிர்த்துச் செல்லவல்லதே படையாகும்.

சனாதனம்

அந்தவந்த இமே தே³ஹா நித்யஸ்யோக்தா: ஸ²ரீரிண:|
அநாஸி²நோऽப்ரமேயஸ்ய தஸ்மாத்³யுத்⁴யஸ்வ பா⁴ரத ||கீதை 2-18||

பொருள்: ஸ்ரீ பகவான் சொல்லுகிறான்: “ஆத்மா நித்தியன்; அழிவற்றான்; அளவிடத்தகாதான். எனினும் அவனுடைய வடிவங்கள் இறுதியுடையன என்பர். ஆதலால் பாரதா, போர் செய்.

கிறிஸ்தவம் / யூதம்

16 ஆனால், தேசங்களின் நகரங்களில் உங்கள் கடவுளாகிய ஆண்டவர் உங்களுக்குச் சுதந்தரமாகக் கொடுக்கிறார், சுவாசிக்கும் எதையும் உயிருடன் விடாதீர்கள். 17 உங்கள் கடவுளாகிய ஆண்டவர் உங்களுக்குக் கட்டளையிட்டபடியே, ஏத்தியர்கள் , எமோரியர்கள், கானானியர்கள், பெரிசியர்கள், ஏவியர்கள் மற்றும் எபூசியர்களை முற்றிலும் அழித்துவிடுங்கள். 18 இல்லையேல், தங்கள் தெய்வங்களை வணங்குவதில் அவர்கள் செய்யும் எல்லா அருவருப்பான செயல்களையும் பின்பற்றும்படி அவர்கள் உங்களுக்குக் கற்பிப்பார்கள், உங்கள் கடவுளாகிய ஆண்டவருக்கு எதிராக நீங்கள் பாவம் செய்வீர்கள். - (உபாகமம் 20:16-18)

எனவே சமயங்கள் அனைத்தும் அரசியலையும் போதிப்பதால், அதில் போருக்கு வரும் எதிரிகளை கையாளும் விதிகளையும் கூறுகிறது. இக்கேள்வி யின் மூலமான குர்ஆன் 8:65 என்ன கூறுகிறது என்று பார்ப்போம்.

8:65. நபியே! நீர் முஃமின்களை போருக்கு ஆர்வ மூட்டுவீராக; உங்களில் பொறுமையுடையவர்கள் இருபது பேர் இருந்தால், இருநூறு பேர்களை வெற்றி கொள்வார்கள். இன்னும் உங்களில் நூறு பேர் இருந்தால் அவர்கள் காஃபிர்களில் ஆயிரம் பேரை வெற்றி கொள்வார்கள்; ஏனெனில் (முஃமின்களை எதிர்ப்போர்) நிச்சயமாக அறிவில்லாத மக்களாக இருப்பது தான் (காரணம்).

சரி இந்த வசனத்தின் சூழலை அறிவோம் வாருங்கள்!

8:58. (உம்முடன் உடன்படிக்கை செய்திருக்கும்) எந்தக் கூட்டத்தாரும் மோசம் செய்வார்கள் என நீர் பயந்தால். (அதற்குச்) சமமாகவே (அவ்வுடன் படிக்கையை) அவர்களிடம் எறிந்துவிடும்; நிச்சயமாக அல்லாஹ் மோசம் செய்பவர்களை நேசிப்பதில்லை.

8:60 அவர்களை எதிர்ப்பதற்காக உங்களால் இயன்ற அளவு பலத்தையும், திறமையான போர்க் குதிரைகளையும் ஆயத்தப்படுத்திக் கொள்ளுங்கள்; இதனால் நீங்கள் அல்லாஹ்வின் எதிரியையும், உங்களுடைய எதிரியையும் அச்சமடையச் செய்யலாம்; அவர்கள் அல்லாத வேறு சிலரையும் (நீங்கள் அச்சமடையச் செய்யலாம்); அவர்களை நீங்கள் அறிய மாட்டீர்கள் - அல்லாஹ் அவர்களை அறிவான்; அல்லாஹ்வுடைய வழியில் நீங்கள் எதைச் செலவு செய்தாலும், (அதற்கான நற்கூலி) உங்களுக்கு பூரணமாகவே வழங்கப்படும்; (அதில்) உங்களுக்கு ஒரு சிறிதும் அநீதம் செய்யப்பட மாட்டாது.

8:61 அவர்கள் சமாதானத்தின் பக்கம் சாய்ந்து (இணங்கி) வந்தால், நீங்களும் அதன் பக்கம் சாய்வீராக! அல்லாஹ்வின் மீதே உறுதியான நம்பிக்கை வைப்பீராக - நிச்சயமாக அவன் (எல்லாவற்றையும்) செவியுறுவோனாகவும், நன்கறிபவனாகவும் இருக்கின்றான்.

8:62 அவர்கள் உம்மை ஏமாற்ற எண்ணினால் - நிச்சயமாக அல்லாஹ் உமக்குப் போதுமானவன் - அவன் தான் உம்மைத் தன் உதவியைக் கொண்டும், முஃமின்களைக் கொண்டும் பலப்படுத்தினான்.

நபிகளார் காலத்தில் எதிரிகள் போட்ட உடன்படிக்கையை மீறுவார்கள் என்று அறியும் பொழுதும், அவர்கள் சமாதானத்துக்கு வர மாட்டார்கள் என்ற நிலையில் போருக்கு ஊக்குவிக்கும்படி இந்த வசனம் சொல்கிறது.

எவன் வேடுமானாலும் அடிக்கட்டும், உங்களுடன் போடும் ஒப்பந்தத்தை மீறட்டும் ஆனால் நீங்க அமைதியாக இருக்க வேண்டும் என்று கூறினால் அதற்க்கு பெயர் தான் அமைதி மார்கமோ? அப்படி பார்த்தால் உலகில் எக்காலத்திலும் அமைதியான சமயம் மட்டுமல்ல, அமைதியான அரசாங்கமும் கிடையாது.