இரத்தம் உண்ணப்பட கூடாது

தமிழர் சமயம் 

5. கொழுப்பா எறிந்து குருதி துஉய்ப்

புலவுப் புழுக்குண்ட வான்கண் அகலறைக்

களிறுபுறம் உரிஞ்சிய கருங்கால் இலவத்து

அரலை வெண்காழ் ஆலியில் தாஅம்

காடுமிக நெடிய என்னார் கோடியர் - (அகம் 309:1-6)

பொருள்: கொழுப்பு ஆ எறிந்து - கொழுப்பினையுடைய பசுவினைத் தடிந்து, குருதி துஉய் - உதிரத்தைத் தூவிப் பலியிட்டு, புலவுப் புழுக்கு உண்ட - அதன் புலாலைப் புழுக்கி உண்ட இடமாய, வான் கண் அகல் அறை - உயரிய இடம் அகன்ற பாறையில், களிறு புறம் உரிஞ்சிய கருங்கால் இலவத்து - களிறு தன் புறத்தினை உரசிக்கொண்ட

குறிப்பு: தமிழர் உணவு பழக்கத்தில் இறைச்சியை பற்றித்தான் அதிகமாக குறிப்பிடடப்பட்டுள்ளதே தவிர ஒரு இடத்தில் கூட இரத்தம் உணவாக உட்கொள்ளப்படலாம் என்று குறிப்பிடவில்லை. மேலும் இரத்தைதை பற்றிய இந்த ஒரு பாடலும் இரத்தம் தூவப் படவேண்டும் என்றுதான் கூறுகிறது. எனவே இரத்தம் உண்ணும் வழக்கம் தமிழர் பயன்பாட்டிலும் இருந்திருக்கவில்லை.

யூதம் 

இறைச்சியில் இரத்தம் இருந்தால் இறைச்சியில் மிருகத்தின் உயிர் இருப்பதாகப் பொருள். இறைச்சியில் இரத்தம் இருந்தால் அதை உண்ணாதீர்கள். இரத்தத்தோடு உண்ணுகிற எவனும் தன் ஜனங்களிடம் இருந்து ஒதுக்கப்படுவான். (லேவியராகமம் 17:14)

கிறிஸ்தவம் 

விக்கிரகங்களுக்கு படைக்கப்பட்ட உணவைச் சாப்பிடாதீர்கள். இரத்தத்தை ருசிக்காதீர்கள். நெரித்துக்கொல்லப்பட்ட மிருகங்களைச் சாப்பிடாதீர்கள். (அப்போஸ்தலர் 15:29)

இஸ்லாம் 

(நீங்கள் புசிக்கக் கூடாது என்று) உங்களுக்கு அவன் தடுத்து இருப்பவையெல்லாம் தானே செத்ததும், இரத்தமும், பன்றியின் இறைச்சியும், எதன்மீது அல்லாஹ்(வின் பெயர்) அல்லாத வேறு பெயர் கூறப்பட்(டு அறுக்கப்பட்)டதோ அதுவுமேயாகும்; ஆனால், எவரேனும் வரம்பைமீறவேண்டுமென்று (எண்ணம்) இல்லாமலும், பாவம்செய்யும் விருப்பமில்லாமலும் (எவராலும் அல்லது பசியின் கொடுமையாலும்) நிர்ப்பந்திக்கப்பட்டால் (அவர் மீது குற்றமில்லை); நிச்சயமாக அல்லாஹ் மன்னிப்பவனாகவும், கிருபையுடையவனாகவும் இருக்கின்றான். (16:115) 

 

வணங்கி வழிப்படாதவர்களுக்கு இறைவன் அருள் செய்வானா?

இறைவன் தன்னை வணங்குபவர்களுக்கு அருள்செய்கிறான் என்று நாம் அறிந்து வைத்து உள்ளோம். அவனை வணங்கி வழிப்படாதவர்களுக்கு அருள் செய்பவர் யார் என்ற கேள்வி நமக்கு எழுவது இயல்பு. இதற்கும் அவனது  மறைநூல்களில் விடை தேடுவோம் வாருங்கள்.

தன்னை வழிபடுபவர்களுக்கு இறைவன் அருள் செய்வதாக கூறுகின்றனா? ஆம்!

கிறிஸ்தவம்/யூதம்: 

1 நான் மலைகளுக்கு நேராகப் பார்க்கிறேன். ஆனால் எனக்கு உதவி உண்மையாகவே எங்கிருந்து வரப்போகிறது? 2 எனக்கு உதவி பரலோகத்தையும் பூமியையும் படைத்த கர்த்தரிடமிருந்து வரும். 3 தேவன் உன்னை விழவிடமாட்டார். உன்னைப் பாதுகாப்பவர் தூங்கமாட்டார். 4 இஸ்ரவேலின் பாதுகாவலர் தூங்குவதில்லை. தேவன் ஒருபோதும் உறங்கார். 5 கர்த்தர் உன் பாதுகாவலர். அவரது மிகுந்த வல்லமையால் உன்னைப் பாதுகாக்கிறார். 6 பகல் வேளையில் சூரியன் உன்னைத் துன்புறுத்தாது. இரவில் சந்திரன் உன்னைத் துன்புறுத்தாது. 7 எல்லா ஆபத்துக்களிலிருந்தும் கர்த்தர் உன்னைக் காப்பாற்றுவார். கர்த்தர் உன் ஆத்துமாவைக் காப்பாற்றுவார். 8 நீ வரும்போதும் போகும்போதும் கர்த்தர் உனக்கு உதவுவார். இப்போதும் என்றென்றும் கர்த்தர் உனக்கு உதவுவார். (சங்கீதம் 121:1-8)

இஸ்லாம்

இன்னும், (விசுவாசிகளே!) தொழுகையை (முறையாக) நிறைவேற்றுங்கள், ஜகாத்தையும் கொடுங்கள், மேலும், (அல்லாஹ்வின்) தூதருக்குக் கீழ்படியுங்கள், (அவற்றின் மூலம்) நீங்கள் அருள் செய்யப்படுவீர்கள். (24:56)

மேலும், பூமியில் (அமைதி உண்டாகி) சீர்திருத்தம் செய்யப்பட்ட பின்னர், நீங்கள் குழப்பம் செய்யாதீர்கள்; அச்சத்தோடும், ஆசையோடும் அவனைப் பிரார்த்தியுங்கள்; நிச்சயமாக அல்லாஹ்வின் அருள், நன்மை செய்வோருக்கு மிக சமீபத்தில் இருக்கிறது. (7:56) 

தன்னை வழிபடாதவர்களுக்கும் இறைவன் அருள் செய்கிறானா? செய்கிறான்!

தமிழர் சமயம்  

 

யாதொரு தெயவம்‌ கொணெடீர் அத்தெய்வமாக ஆங்கே

மாதொரு பாகனார்தாம்‌ வருவர்‌ !!!! மற்றத்‌ தெய்வங்கள்‌

வேதனைப்படும்‌ பிறக்கும்‌ இறக்கும்‌ மேல்‌ வினையும்‌ செய்யும்‌

ஆதாலல்‌ அவை இலாதான்‌ அறிந்து அருள்‌ செய்வன்‌ அன்றே - (திருமந்திரம்)

 
பதவுரை: எந்த ஒரு தெய்வத்தை வணங்கினாலும் நமக்கு வேண்டுவனவற்றை எல்லாம்‌ வழங்க அந்த தெய்வங்களால்‌ இயலாது என்பதால்‌ மாதொரு பாகனாடிய இவனே வந்து அந்த தெய்வமா௫ அருள்செய்வான்‌. பிறதெய்வங்கள்‌ யாவும்‌ துன்பப்படும், பிறக்கும், இறக்கும், வினைகள் புரியும் ஆனால் எல்லாம்‌ வல்ல இறைவனாகிய சிவபெருமானுக்கு இத்தகைய குறைவுகள்‌ இல்லையாதலால்‌, செய்த செயல்களுக்கு ஏற்ப பயனைக்‌ கொடுக்க வல்லவன்‌ அவனே ஆவான்‌. 

 

ஒருவனு மேஉல கேழும் படைத்தான்
ஒருவனு மேஉல கேழும் அளித்தான்
ஒருவனு மேஉல கேழும் துடைத்தான்
ஒருவனு மேஉல கோடுயிர் தானே. - (திருமந்திரம் 404)  

 

பொழிப்புரை : உலகு ஏழையும் படைத்தவனும், அவற்றுக்கு வேண்டியன அளிப்பவனும், தருணம் வரும் பொழுது துடைத்து அழிப்பவனும், உலகில் உள்ள அனைத்துக்கும் உயிர் கொடுத்தவனும் ஒருவன் தானே.

கிறிஸ்தவம்/யூதம்

அநாதைக் குழந்தைகளுக்கும், விதவைகளுக்கும் ஆதரவாகவும் அன்பு செலுத்துபவராகவும் தேவன் அருள் செய்கிறார். அந்நியர்கள் மீதும் தேவன் அன்பு காட்டுகிறார். அவர்களுக்கும் உண்ண உணவும், உடுக்க உடையும் அளிக்கின்றார். (உபாகமம் 10:18)

இஸ்லாம்: மனிதர்களுக்கு இறைவன் கொடுத்த அருள்கள் என்னென்ன?

குர்ஆன்: இன்னும் இது (குர்ஆன்) நாம் அருள் செய்த பாக்கியம் மிக்க உபதேசமாகும்; இதனையா நீங்கள் புறக்கணிக்கிறீர்கள்? (21:50)

துன்பத்தை நீக்குகிறான்: அவர்களுக்கு நாம் அருள் செய்து அவர்களுக்கு ஏற்பட்ட துன்பத்தை நீக்கிவிடுவோமானால், அவர்கள் தட்டுத் தடுமாறியவர்களாகத் தங்கள் அட்டூழியத்திலேயே நீடிக்கிறார்கள். (23:75)

அன்றியும், மனிதனுக்கு நாம் அருள்புரிந்தால் அவன் (நன்றியுணர்வின்றி) நம்மைப் புறக்கணித்து, தன்பக்கம் விலகிச்செல்கிறான்; ஆனால், அவனை ஒரு கெடுதி தீண்டினால் நீண்ட பிரார்த்தனையுடையவனாக இருக்கின்றான். (41:51)

மழை: மேலும்....வானத்திலிருந்தும் அருள் மழையை அல்லாஹ் இறக்கிவைத்து, இறந்துபோன பூமியை அதைக் கொண்டு உயிர்ப்பிப்பதிலும், காற்றுகளை மாறி மாறி வீசச் செய்வதிலும் அறிவுடைய சமூகத்தாருக்கு அத்தாட்சிகள் இருக்கின்றன. (45:5)

இரவும் பகலும் சூரியனும் சந்திரனும்: (தவறாமல், தம் வழிகளில்) தொடர்ந்து செல்லுமாறு சூரியனையும் சந்திரனையும் அவனே உங்களுக்கு வசப்படுத்தித் தந்தான்; மேலும், அவனே இரவையும் பகலையும் உங்களுக்கு வசப்படுத்தித் தந்தான். (14:33)

உணவு: இப்றாஹீம் (இறைவனிடம்) ‘‘என் இறைவனே! (மக்காவாகிய) இதை பாதுகாப்பு அளிக்கும் ஒரு பட்டணமாக ஆக்கி, இதில் வசிப்பவர்களில் எவர் அல்லாஹ்வையும் இறுதி நாளையும் நம்பிக்கைக் கொள்கிறாரோ அவருக்கு உணவாகப் பலவகைக் கனிவர்க்கங்களையும் அளித்துவா!'' எனக் கூறியதற்கு (இறைவன் ‘‘என்னை நம்பிக்கை கொள்பவருக்கு நான் உணவளிப்பதுபோல என்னை) நிராகரிப்ப(வனுக்கும் உணவளித்து அ)வனையும் சிறிது காலம் (அங்கு) சுகமனுபவிக்க விட்டுவைப்பேன். பின்னர் நரக வேதனையின் பக்கம் (செல்லும்படி) அவனை நிர்ப்பந்திப்பேன். அவன் செல்லும் (அந்த) இடம் (மிகக்) கெட்டது'' என்று கூறினான்.(2:126)

இன்னும், உணவளிக்க அல்லாஹ் பொறுப்பேற்றுக் கொள்ளாத எந்த உயிரினமும் பூமியில் இல்லை; மேலும் அவை வாழும் இடத்தையும் (இருக்கும்) இடத்தையும், அவை (மடிந்து) அடங்கும் இடத்தையும் அவன் அறிகிறான். இவையனைத்தும் (லவ்ஹுல் மஹ்ஃபூல் என்னும்) தெளிவான புத்தகத்தில் (பதிவாகி) இருக்கின்றன (குர்ஆன் 11:6)

அல்லாஹ் (உங்களுக்களிக்கும்) தன் உணவைத் தடுத்துக் கொண்டால், உங்களுக்கு உணவு கொடுப்பவன் யார்? (இதையும் இவர்கள் கவனிப்பதில்லை.) மாறாக, இவர்கள் வழிகேட்டிலும், (சத்தியத்தை) வெறுப்பதிலுமே மூழ்கிக் கிடக்கின்றனர். (67:21)

அனைத்தும் இறைவனின் அருளாகும்: (இணைவைத்து வணங்குபவர்களே! இவை அனைத்தையும்) படைத்த வல்லவன் (நீங்கள் வணங்குகின்ற) ஒன்றையுமே படைக்க முடியாதவற்றைப் போலாவானா? இவ்வளவுகூட நீங்கள் நல்லுனர்வு பெற வேண்டாமா? அல்லாஹ்வின் அரு(ள்க)ளை நீங்கள் கணக்கிட்டால் அவற்றை உங்களால் எண்ணிட முடியாது. நிச்சயமாக அல்லாஹ் மிக்க மன்னிப்பவன், பெரும் கருணையுடையவன் ஆவான். (16:17)  

இறைவனை வணங்கி வழிபடுபவர்களுக்கு மட்டும் அவன் கூடுதலாக அருள் செய்கிறானா? ஆம்!

கிறிஸ்தவம்/யூதம்

ஆனால், என்னிடத்தில் அன்பு காட்டி என் கட்டளைகளுக்குக் கீழ்ப்படிபவர்களிடம் மிகவும் இரக்கம் காட்டுவேன். அவர்களின் குடும்பங்களின் மீது ஆயிரம் தலைமுறைகள் வரை இரங்கி அருள்வேன்! (உபாகமம் 5:10)

இஸ்லாம் 

(தூதராக இருந்த ஈஸாவை) நம்பிக்கை கொண்டவர்களே! நீங்கள் அல்லாஹ்வுக்கு அஞ்சி, அவனுடைய (இறுதித்) தூதர் (முஹம்மது) மீதும் நம்பிக்கை கொள்ளுங்கள்; அவன் தன் கிருபையிலிருந்து இரு மடங்கை உங்களுக்கு வழங்கி ஓர் ஒளியையும் உங்களுக்கு அருள்வான்; அதைக்கொண்டு நீங்கள் (நேர்வழியில்) நடப்பீர்கள்; இன்னும், உங்களுக்காக (உங்கள் குற்றங்களையும்) அவன் மன்னிப்பான் - அல்லாஹ் மிகவும் மன்னிப்பவன்; மிக்க கிருபையுடையவன். (57:28)

இறைதூதர் ஸல் கூறினார்கள், யாருடைய முழுக் கவலையும் சிந்தனையுமாக உலகம் இருக்கிறதோ, அவனது காரியங்களை சீர்குலைத்து அல்லாஹ் அவனது கண் முன்னே வறுமையை கொண்டுவருவான் மேலும் உலகில் அவனுக்கு விதிக்கப்பட்டதை தவிர வேறெதுவும் அவனுக்கு கிடைக்காது. யாருடைய முழுக் கவலையும் சிந்தனையுமாக மருமை இருக்கிறதோ, அவனது காரியங்கள் நிறைவேற்றப்படும், அவனது உள்ளத்தில் அல்லாஹ் திருப்தியை ஏற்படுத்துவான், உலகம் அவனிடம் வந்து கொட்டப்படும் அதை அவர் விரும்பாவிட்டாலும். (இப்னு மாஜா 4105)

இறைவன் வணங்கி வழிபடாதவர்க்கும், வணங்கி வழிபடுபவருக்கும் அவன் கொடுப்பதில் வேற்றுமை உண்டா? உண்டு! 

ஏனென்றால் அவன் வகுத்த அறம் (அ) சட்டத்திற்கு வழிப்பாடாதவர் யாராக இருந்தாலும் தண்டிப்பதில் பாரபட்சம் காட்டுவதில்லை. அதுபோல அவனை வணங்கி வழிபடுபவர்களுக்கு அருள் செய்வதில் பாரபட்சம் காட்டுவதில்லை. ஆனால் இருவருக்கும் இடையில் வேற்றுமை உணவு, ஏனென்றால் நல்லாருக்கு நலல்தும் தீயோருக்கு கெட்டதும் கொடுக்கப்படுகிறது. 

கிறிஸ்தவம்/யூதம் 

17 ஏனென்றால், உங்களுடைய தேவனாகிய கர்த்தர் அவர் கர்த்தாதி கர்த்தரும், தேவாதி தேவனும் ஆவார். நமது கர்த்தரே மகத்துவமும், வல்லமையும், பயங்கரமும் உடைய தேவனாவார். கர்த்தர் பாரபட்சம் காட்டுபவர் அல்ல. கர்த்தர் தன் மனதை மாற்றிக் கொள்ள இலஞ்சத்தை ஏற்றுக் கொள்ளமாட்டார். 18 அநாதைக் குழந்தைகளுக்கும், விதவைகளுக்கும் ஆதரவாகவும் அன்பு செலுத்துபவராகவும் தேவன் அருள் செய்கிறார். அந்நியர்கள் மீதும் தேவன் அன்பு காட்டுகிறார். அவர்களுக்கும் உண்ண உணவும், உடுக்க உடையும் அளிக்கின்றார். 19 எனவே நீங்களும் அந்நியர்களிடம் அன்பு காட்ட வேண்டும். ஏனென்றால், நீங்களும் எகிப்து தேசத்தில் அந்நியராக இருந்துள்ளீர்கள். (உபாகமம் 10:17-19)

இஸ்லாம்

..(நபியே!) நீர் கூறுவீராக: ‘‘இவ்வுலக வாழ்க்கை வெகு அற்பமானதே! எவன் (அல்லாஹ்வுக்குப்) பயந்து நடக்கிறானோ அவனுக்கு மறுமை(யின் வாழ்க்கை)தான் மிக மேலானது. (உங்கள் நன்மையைக் குறைத்தோ, பாவத்தைக் கூட்டியோ) நீங்கள் ஒரு நூலளவும் அநியாயம் செய்யப்பட மாட்டீர்கள். (குர்ஆன் 4:77)

யோகா என்பது தமிழ் சொல்லா? அல்லது வடமொழிச் சொல்லா?

இரண்டு மொழியையும் சார்ந்தது என்று கருத வாய்ப்பு உண்டு.

காரணம், யோக சாஸ்திர நூல் கூறிய பதஞ்சலி என்பவர் மனிதர் அல்ல, அவர் தேவர் இனத்தை சார்ந்தவர் ஆவார். சிவயோக மாமுனி, பதஞ்சலி, வியக்ரமர், மற்றும் எண்மர் எனும் நான்கு நந்திகளில் அவரும் ஒருவர்.

நந்தி அருள் பெற்ற நாதரை நாடிடின்
நந்திகள் நால்வர் சிவயோக மாமுனி,
மன்று தொழுத பதஞ்சலி, வியாக் ரமர்
என்று இவர் என்னோடு எண்மரும் ஆமே.

நால்வரும் நாலு திசைக்கு ஒன்று நாதர்கள்

நால்வரும் நானாவிதப் பொருள் கைக்கொண்டு

நால்வரும் யான் பெற்றது எல்லாம் பெறுக என

நால்வரும் தேவராய் நாதர் ஆனார்களே. - திருமந்திரம்

இவர்கள் நால்வரும் ஒவ்வொரு திசையில் உள்ள முனிவர்களுக்கு நாதர்களாக அதாவது குருவாக இருந்து வந்துள்ளனர்.

தெற்கு திசைக்கு எண்மர் எனும் நந்தியும் வடக்கு திசைக்கு பதஞ்சலி எனும் நந்தியும் ஆசிரியராக இருந்து வந்துள்ளனர். மனிதர்களில் உள்ள குருமார்கள் பிறப்பு இறப்பின் கார்ணமாக மாறிக்கொண்டே இருப்பர் ஆனால் தேவர்கள் அமரர்கள் எனவே அவர்கள் மாறுவதில்லை.

தெற்கில் நான் அறிந்தவரை திருமந்திரம் யோகம் பற்றி பேசுகிறது. திருமந்திரம் என்பது எண்மர் எனும் நந்திதேவர் மூலம் திரு மூலருக்கு போதிக்க்கபட்ட நூல் ஆகும். நந்திகள் அனைவரும் இறைவனின் தூதுவர்கள் ஆவர்.

எனவே எதோ ஒரு மொழியில் யோகம் உருவாக்கப்பட்ட அல்லது கண்டுபிடிக்கப்பட்டு பிறகு வேறு மொழிக்கு கொண்டு செல்லப்பட்டது என்பது சாத்தியம் எப்பொழுது என்றால் அனைத்தும் மனிதர்களால் உருவக்கப்பட்டால். ஆனால் உலகம் முழுதும் படைத்த ஒருவனிடம் இருந்து தேவர்கள் மூலம் மக்களுக்கு போதிக்கப்பட்டது என்ற திருமந்திர பாடலை அடிப்படையாக வைத்து பார்த்தால் அது இரண்டு மொழியிலும் ஒரே நேரத்தில் போதாக்கப்பட்டு இருக்க வாய்ப்பு உண்டு.

எனவே இது என்னுடையது உண்ணுடைது என்கிற சண்டை தேவை இல்லை என்பது என் கருத்து.

தமிழ் அல்லாத மொழிகளிலும் மறைநூல்கள் உண்டு என்று தமிழர் பண்பாடு கூறுகிறதா?

 கீழ் கண்ட தொல்காப்பிய நூல் விதியானது நூல் என்றாலே மறைநூல் அல்லது வேதம் என்கிறது.

மரபுநிலை திரியா மாட்சிய ஆகி,
உரை படு நூல் தாம் இரு வகை இயல

முதலும் வழியும் என நுதலிய நெறியின (தொல்காப்பியம் 3-639) 

பொருள்: மரபாவது நூற்கு இன்றியமையாத இயல்பு. அவ்வியல்பு திரியாத மரபுடைத்தாகி உரைக்கப்படும் நூல்தாம் இருவகைய; முதனூல் எனவும் வழிநூல் எனவும் என்றவாறு. 

வினையின் நீங்கி விளங்கிய அறிவின்

முனைவன் கண்டது முதனூ லாகும். (தொல்காப்பியம் - மரபியல் 640) 

 

கருத்து: முனைவன் தனது வினையின் மூலம் விளைந்த அறிவில்லாமல் அவனுக்கு விளங்கவைக்கப்பட்ட அறிவைக் கொண்டு நூற்கப்படும் நூல் முதல் நூல் ஆகும். 

 

அதிலும் தொடந்து ஒன்றன் பின் ஒன்றாக வரக்கூடியதை வழிநூல் என்கிறது.

வழியெனப் படுவ ததன்வழித் தாகும். - (தொல்காப்பியம் - மரபியல் 641)

பேராசிரியர் உரை: என்-னின் வழிநூலாமாறு உணர்த்துதல் நுதலிற்று. வழிநூல் எனப்படுவது முதல்வன் கண்ட நூல்வழியே செய்வது என்றவாறு. அஃதேல், இதனாற் பயன் என்னையெனின், அது வருகின்ற சூத்திரத்தான் விளங்கும்.

கருத்து: வழிநூல் என்பது அதை தொடர்ந்து வருவது. அதாவது அதன் தொடர்ச்சி ஆகும். எனவே அடிப்படை கொள்கையில் மற்றம் இராது. மேலும் முதல் நூலுக்கு பொருந்தும் அனைத்து விதிகளும் வழி நூலுக்கும் பொருந்தும். அதாவது அனுபவமின்றி விளையும் அறிவு என்பது அதன் பொருளாம். ஆனால் முதலுக்கும் வழிக்கும் உள்ள வேற்றுமையானது, அதை எழுதும் முனைவனும், காலமும், சொற்பொருள் மாற்றமும் ஆகும். வேறு வார்த்தைகளில் கூறினால், முதல் நூலின் அடிப்படை கருத்துகளை முழுமையாக ஏற்று, பின்னோன் அவனுக்கு வழங்கப்பட்ட சில வேறுபாடுகளுடன் கூறுவது வழிநூல் ஆகும். - விக்கி 

அந்த வழிநூலிலும் மொழிபெயர்ப்பு நூல் உண்டு என்கிறது. அதாவது பிற மொழி வேதத்தை தமிழுக்கு மொழி பெயர்த்தால் அதுவும் வேதமாக கருதப்படும் என்று பொருள்.

வழியின் நெறியே நால் வகைத்து ஆகும்

தொகுத்தல், விரித்தல், தொகைவிரி, மொழிபெயர்த்து

அதர்ப்பட யாத்தலொடு, அனை மரபினவே. - (தொல்காப்பியம் 3:642-643)  

பேராசிரியர் உரை: முதனூலாசிரியன் விரித்துச் செய்ததனைத் தொகுத்துச் செய்தலும், தொகுத்துச் செய்ததனை விரித்துச் செய்தலும், அவ்விருவகையினையும் தொகைவிரியாகச் சொல்லுதலும், பிற மொழிப் பனுவலை மொழிபெயர்த்துத் தமிழ்மொழியாற் செய்தலும் என்றவாறு.

கருத்து: தொல்காப்பியம் வழிநூலை

• முதல்நூலைத் தொகுத்துச் சுருக்கமாகக் கூறும் நூல்,
• முதல்நூலை விரிவுபடுத்திக் கூறும் நூல்,
• முதல்நூலைத் தொகுத்தும் விரித்தும் கூறும் நூல்,
• வேற்று மொழி நூலை மொழிபெயர்த்துக் கூறும் நூல்

என மேலும் நான்கு வகைப்படுத்திப் சொல்கிறது. நூல்களுக்கு இடையில் உள்ள வேற்றுமையையும் ஒற்றுமையையும் நாம் இவ்வகைகள் மூலம் ஆரியப் பெறுகிறோம்.உதாரணமாக, இரண்டடி குறளை ஓரடியில் சொன்னது ஆத்திச்சூடி (தொகுத்தல்), அதை நான்கடியில் (விரித்தல்) சொன்னது நாலடியார், சிலதை சுருக்கியும் சிலதை விரித்தும் சொன்னது திருமந்திரம் (தொகைவிரி). இதேபோல் அனைத்து மொழி நூல்களையும் ஆய்வு செய்தால் மொழிபெயர்ப்பு நூலும் கிடைக்கப் பெரும். 

ஆனால் இங்கே நோக்கத் தகுந்த மிக முக்கியமான விடயம் என்னவென்றல்,

1. மொழி பெயர்க்கப்படும் அனைத்தும் வேதம் அல்ல. அது முதல் நூலின் இலக்கணத்துக்கு முரண் படக்கூடாது. அதாவது மொழி பெயர்ப்பு நூலும் கூட மனிதனின் அனுபவத்தில் விளைந்ததாக இருக்க கூடாது.  
2. அந்த நூல் உண்மை குருவின் மூலம் மொழி பெயர்க்கப்பட்டு இருக்க வேண்டும். முனைவன் (அ) குரு என்றால் யார் என்ற இலக்கணமும் அனைத்து மறை நூல்களிலும் உண்டு. பொய் குரு யார் என்ற இலக்கணமும் உண்டு. 

முடிவுரை:

எனவே தமிழ் அல்லாத மொழிகளில் வேதம் இருப்பதை தமிழர் பண்பாடு ஏற்கிறது.

அது மட்டுமில்லாமல் உலகில் உள்ள அனைத்து மொழி வேதங்களையும் நான்மறை என்று தமிழர் சமயங்கள் அழைக்கிறது.

செயலை இறைவனுக்காக செய்

இந்து மதம்

ஓ! தனஞ்சயா {அர்ஜுனா}, அர்ப்பணிப்பில் {யோகத்தில்} நிலைபெற்றவனாகி, வெற்றி தோல்வி மீது கொண்ட பற்றை நீக்கி {அவற்றைச் சமமாக நினைத்து}, உன்னைப் பற்றற்ற செயலில் நீ ஈடுபடுத்திக் கொள்வாயாக. இந்த உள்ளச்சமநிலையே (பக்தியே) யோகம் ஆகும். (கீதை 2:48)

ஓ தனஞ்சயா {அர்ஜுனா}, (பலனை விரும்பி செய்யப்படும்) செயல், அர்ப்பணிப்பை விட மிகத் தாழ்ந்ததே. நீ அர்ப்பணிப்பின் {பக்தியின்} பாதுகாப்பை நாடுவாயாக. பலனுக்காகச் செயலில் ஈடுபடுபவர்கள் பரிதாபத்துக்குரியவர்கள் ஆவர். (கீதை 2:49) 

அர்ப்பணிப்பு {பக்தி} கொண்ட ஒருவன், நற்செயல்களையும் {புண்ணியங்களையும்}, தீச்செயல்களையும் {பாவங்களையும்} இவ்வுலகிலேயே விட்டுவிடுகிறான். எனவே, அர்ப்பணிப்பில் {பக்தி என்ற யோகத்தில்} உன்னை நீ பொருத்திக் கொள்வாயாக {ஈடுபடுவாயாக}. (கீதை 2:50)

செயல்பாடுகளில் உள்ள புத்திசாலித்தனமே அர்ப்பணிப்பு {பக்தி} ஆகும். அர்ப்பணிப்பு {பக்தி} உடைய அறிவாளி, செயலினால் உண்டாகும் பலனைத் துறந்து, (மறு) பிறவி என்ற கடமையில் இருந்து விடுபட்டு, துன்பமற்ற நிலையை அடைகிறான். (கீதை 2:51)

தமிழர் சமயம் 

மக்களா லாய பெரும்பயனு மாயுங்கா
லெத்துணையு மாற்றப் பலவானால் - தொக்க
வுடம்பிற்கே யொப்புரவு செய்தொழுகா தும்பர்க்
கிடந்துண்ணப் பண்ணப் படும். - நாலடியார் 37

கருத்துரை: நீங்கள் உங்கள் உடலுக்குத் தருமத்தைச் செய்யாது சுவர்க்கத்தில் இருந்து அநுபவிக்கத் தருமத்தைச் செய்யுங்கள். 

இஸ்லாம் 

நம்பிக்கை கொண்டோரே! அல்லாஹ்வையும், இறுதி நாளையும் நம்பாது மக்களுக்குக் காட்டுவதற்காக தனது செல்வத்தைச் செலவிடுபவனைப் போல், உங்கள் தர்மங்களைச் சொல்லிலி க் காட்டியும், தொல்லை தந்தும் பாழாக்கி விடாதீர்கள்! இவனுக்கு உதாரணம் மேலே மண் படிந்திருக்கும் வழுக்குப் பாறை. அதன் மேல் மழை விழுந்ததும் மேலே ஒன்றுமில்லாமல் ஆக்கி விடுகிறது. தாம் பாடுபட்ட எதன் மீதும் அவர்கள் சக்தி பெற மாட்டார்கள். (தன்னை) மறுக்கும் கூட்டத்திற்கு அல்லாஹ் நேர் வழி காட்ட மாட்டான். (அல்குர்ஆன் 2:264)

கிறிஸ்தவம் 

“நீங்கள் நற்செயல்களைச் செய்யும்பொழுது, அவற்றை மக்களின் முன்னிலையில் செய்யாதபடி எச்சரிக்கையுடன் இருங்கள்! மக்கள் காணவேண்டும் என்பதற்காக அவற்றைச் செய்யாதீர்கள். நீங்கள் அவ்வாறு செய்தால், பரலோகத்திலிருக்கும் உங்கள் பிதாவிடமிருந்து எந்த வெகுமதியும் கிடைக்காது. - (மத்தேயு 6:6)