இறைவனின் பெயரால்

 தமிழர் சமயம் 

தொல்காப்பியத்தில் ஒரு முயற்சிக்கு குற்றம் இல்லாதொழிவதற்கு கடவுள் வாழ்த்து முக்கியமானது என்பதனை வரைவிலக்கணப்படுகின்றது.

கொடிநிலை கந்தழி வள்ளி என்ற

வடுநீங்கு சிறப்பின் முதலன முன்றும்

கடவுள் வாழ்த்தொடு கண்ணிய வருமே. (தொல். புறத்திணைவியல்: 85)

• வழிபடும் கடவுளின் ஏற்றம் கூறுவது கொடிநிலை
• பெரும்பொருள் என்பது கந்தழி-யின் பொருள் 
• வள்ளண்மையைக் கூறுவது வள்ளி

(பொருள்) 

வடு நீங்கு சிறப்பின் கொடிநிலை கந்தழி வள்ளி என்ற முதலன மூன்றும் - கொடிநிலை, கந்தழி மற்றும் வள்ளி போன்ற , 

கடவுள் வாழ்த்தொடு கண்ணிய வரும் - வருங்காலத்துக் கடவுள் வாழ்த்தொடு பொருந்தி வரும்.

இஸ்லாம்

ஸஹாபிகளில் சிலர், யாரஸூலல்லாஹ்!, நாங்கள் சாப்பிடுகிறோம், ஆனால் வயிறு நிரம்புவதில்லை’ எனச் சொன்னார்கள், நீங்கள் தனித்தனியாகச் சாப்பிடுகிறீர்கள் போலும்? என்று ரஸூலுல்லாஹி ﷺ அவர்கள் கேட்டார்கள், அவர்கள் ஆம்’ என்றார்கள், நீங்கள் சாப்பிடும் போது ஒன்று கூடி, அல்லாஹுத்தஆலாவின் (பிஸ்மில்லாஹ்) பெயர் சொல்லிச் சாப்பிடுங்கள். உங்கள் உணவில் பரக்கத் உண்டாகும்’ என நபி ﷺ அவர்கள் கூறினார்கள். (அபூதாவூத்)

இப்னு அப்பாஸ் (ரலி) அவர்கள் கூறியதாவது: நபி (ஸல்) அவர்கள், ‘தமது தொழுகையை பிஸ்மில்லாஹ் கூறிதொடங்குவார்கள் (திர்மிதி 228) 

நான் ஒரு கழுதையின் மீது நபி (ஸல்) அவர்களின் பின்னால் அமர்ந்திருந்தேன். அப்போது அந்தக் கழுதையின் கால் சறுக்கியது. நான் “ஷைத்தான் நாசமாகிவிட்டான்” என்று கூறினேன். அப்போது நபியவர்கள் என்னிடம் “ஷைத்தான் நாசமாகிவிட்டான்” என்று சொல்லாதே! “ஷைத்தான் நாசமாகிவிட்டான்” என்று நீ கூறும் போது ஷைத்தான் தன்னுடைய உள்ளத்தில் தன்னை மிகப் பெரிதாக நினைத்து “அவனை நான் என்னுடைய வலிமையால் வீழ்த்தி விட்டேன்” என்று கூறுகிறான். நீ பிஸ்மில்லாஹ் என்று கூறினால் அவனே அவனிடத்தில் இழிவடைந்து ஈயை விட மிகச் சிறுமையடைந்தவனாக ஆகிவிடுகிறான்” என்று கூறினார்கள். - நூல்: அஹ்மத் (20591)

 நபி (ஸல்) அவர்கள் கூறினார்கள்: ஒருவர் தமது இல்லத்திற்குள் நுழையும் போதும் உணவு உண்ணும்போதும் (“பிஸ்மில்லாஹ்” என்று கூறி) அல்லாஹ்வை நினைவுகூர்ந்தால், ஷைத்தான் (தன் கூட்டத்தாரிடம்), “இன்றைய இரவில் உங்களுக்கு (இங்கே) தங்குமிடமும் இல்லை; உண்ண உணவுமில்லை’’ என்று கூறுகிறான். ஒருவர் இல்லத்திற்குள் நுழையும் போது அல்லாஹ்வை நினைவுகூராவிட்டால் ஷைத்தான் (தன் கூட்டத்தாரிடம்), “இன்றைய இரவில் உங்களுக்குத் தங்குமிடம் கிடைத்துவிட்டது’’ என்று சொல்கிறான். அவர் உணவு உண்ணும்போது அல்லாஹ்வின் பெயர் கூறாவிட்டால் ஷைத்தான் “இன்றைய இரவில் நீங்கள் தங்கும் இடத்தையும் உணவையும் அடைந்துகொண்டீர்கள்’’ என்று சொல்கிறான். - நூல் : முஸ்லிம் (4106)

குர்ஆனின் 114 அத்தியாயங்களில் ஒரே ஒரு அத்தியாயத்தைத் (சூரா தவ்பா) தவிர மற்ற அனைத்து அத்தியாயங்களின் தொடக்கத்திலும் بِسْمِ اللَّهِ الرَّحْمَٰنِ الرَّحِيمِ ' பிஸ்மில்லாஹ் ஹிர்ரஹ்மான் னிர்ரஹீம்" என்னும் வசனம் இடம் பெற்றுள்ளதைக் காணலாம். இதன் பொருள் "அளவற்ற அருளாளனும், நிகரற்ற அன்புடையோனுமாகிய அல்லாஹ்வின் திருப்பெயரால் தொடங்குகிறேன்" என்பதாகும். 

கிறிஸ்தவம் 

கர்த்தரின் நாமம் பலத்த துருகம்; நீதிமான் அதற்குள் ஓடிச் சுகமாயிருப்பான். (நீதி 18:10)

“நீங்கள் உங்கள் தேவனாகிய கர்த்தரின் பெயரைத் தகாத வழியில் பயன்படுத்தக்கூடாது. ஒருவன் அவ்வாறு பயன்படுத்தினால், அவன் குற்றவாளியாவான். கர்த்தர் அவனது குற்றத்திற்காக அவனை தண்டிப்பார். - (யாத்திராகமம் 20:7)

முகமன் கூறும் முறை

கிறிஸ்தவம்

இயேசு தாம் அனுப்பிய எழுபத்திரண்டு பேரை நோக்கி, "நீங்கள் எந்த வீட்டுக்குள் சென்றாலும், 'இந்த வீட்டுக்கு அமைதி உண்டாகுக!' என முதலில் கூறுங்கள். அமைதியை விரும்புபவர் அங்கு இருந்தால், நீங்கள் வாழ்த்திக் கூறிய அமைதி அவரிடம் தங்கும்" என்றார் (லூக்கா 10:1-2,5-6) 

 

இஸ்லாம்

(எவரேனும்) உங்களுக்கு “ஸலாம்” (அசலாமு அழைக்கும் - உங்களுக்கு அமைதி உண்டாகுக) கூறினால் (அதற்குப் பிரதியாக) அதைவிட அழகான (வாக்கியத்)தைக் கூறுங்கள். அல்லது அதனையே திருப்பிக் கூறுங்கள். நிச்சயமாக அல்லாஹ் அனைத்தையும் கணக்கெடுப்பவனாக இருக்கின்றான். (அல்குர்ஆன் : 4:86)

 "வேதமுடையோர் உங்கள் மீது ஸலாம் கூறினால் வஅலைக்கும் (உங்கள் மீதும்) எனக் கூறுங்கள்'' என்று நபிகள் நாயகம் (ஸல்) அவர்கள் கூறினார்கள். (நூல் : புகாரீ 6258)  

 

தமிழர் சமயம்

வாழ்த்து – சொற்பொருள் விளக்கம்: வாழ்த்து எனும் சொல்லுக்கு பிங்கல முனிவர் “வாழ்த்தின் பெயர் – ஆசிடைரூபவ் ஆசி”என்று பிங்கலநிகண்டு நூலில் குறிப்பிட்டுள்ளார்.

அபிதான சிந்தாமணியில், “வாழ்த்து – மெய்வாழ்த்துரூபவ் இருபுற வாழ்த்து என இருவகை” என்று விளக்கமளிக்கப்பட்டுள்ளது. மதுரைத் தமிழ்ப்பேரகராதிரூபவ் “வாழ்த்து – ஆசீர்வாதம்ரூபவ் ஒருவருக்கு நன்மை வருவதாகவெனக் கூறுவது” 

 

முடிவுரை 

"வணக்கம்" என்று கூறும் முறை தமிழர் பண்பாடு அல்ல என்பது மட்டுமல்ல, வணக்கம் என்ற சொல்லுக்கு  வணங்குதல் என்று பொருள். அது இறைவனுக்கு மட்டும் செலுத்தவேண்டிய ஒன்று என்பது அனைத்து சமயங்களும் வலியுறுத்தும் ஒன்று. எனவே ஒருவரை காணும் பொழுது முகமன் அல்லது வாழ்த்து சொல்லவேண்டும் தவிர வணக்கம் என மொழிய கூடாது.

குடும்ப உறவைச் சேர்ந்து நட

தமிழர் சமயம் 

கற்பும் காமமும் நற்பால் ஒழுக்கமும்
மெல்லியற் பொறையும் நிறையும் வல்லிதின்
விருந்துபுறந் தருதலும் சுற்றம் ஓம்பலும்
பிறவும் அன்ன கிழவோள் மாண்புகள்
முகம்புகல் முறைமையிற் கிழவோற் குரைத்தல்
அகம்புகல் மரபின் வாயில்கட் குரிய. - (தொல்காப்பிய சூ. 154)

பொருள்: தன்னைக் கொண்டவனைப் பேணித்தொழுதெழுதல் முதலாகத் தன் உயிரினும் சிறந்தவனாகக் குறிக்கொண்டொழுகும் மனத்திண்மையும் நிறைந்தியலும் காதற் பண்பும் நன்றின் பாலுய்க்கும் அறிவானே ஒழுகுதலும், மென்மைத் தன்மையாற் பிறர் குறையினைப் பாராட்டாத பொறையுடைமையும் மறைபிறரறியாமை நெஞ்சினை நிறுக்கும் திறனும், இன்னலும் இடும்பையும் நோக்காமல் ஒல்லும் வகையான் விருந்தினரைப் போற்றியளித்தலும் தலைவற்கும் தனக்கும் கேளிராயினாரையும் உறவாயின ரையும், ஆட்சிக்கு அங்கமாயினாரையும் பேணிக்காத்தலும் அவை போல்வனவாகிய தெய்வத்தையும் தென்புலத்தாரையும் தலைவனொடு அமர்ந்து ஓம்புதலும் குலமரபான் வந்த காமக்கிழத்தியரை வெறாது அவரான் மதிக்கப்பெறுதலும் பாணர் முதலாய வாயில்கட்கு அருளுதலும் ஊடலும் ஊடல்உணர்தலும் ஆகிய சால்புகளமைந்த தலைவியின் மாட்சிமைகளை முன்னின்று தலைவன் முகனமர்ந்து செவிமடுக்கும் முறையமையான் கூறும் கூற்றுக்கள், மனையகத்துப் புக்கு உரையாடும் மரபுரிமையுடைய பாணன் பாடினி, முதலாய வாயில்கட்கு உரியவாகும்.

இஸ்லாம் 

“யார் அல்லாஹ்வையும், மறுமை நாளையும், ஈமான் கொள்கின்றாரோ அவர் குடும்ப உறவைச் சேர்ந்து நடக்கட்டும்” என நபி(ஸல்) அவர்கள் கூறினார்கள். (அறிவிப்பவர்: அப்துல்லாஹ் இப்னு மஸ்ஊத்(ரலி))

அல்லாஹுதஆலா இரத்த உறவைப் பார்த்து “யார் உன்னைச் சேர்ந்து நடக்கிறானோ நான் அவனைச் சேர்த்துக் கொள்வேன். யார் உறவைத் துண்டித்துக் கொள்கின்றானோ நான் அவனுடன் தொடர்பைத் துண்டித்து விடுவேன்” என்று கூறினான். - (அறிவிப்பவர்: அபூஹுரைரா(ரலி) ஆதாரம் : புகாரி)

கிறிஸ்தவம் 

ஆதாரம் : புகாரி, முஸ்லிம்"கடவுளை நேசிப்பதாகக் கூறிக்கொண்டு சகோதரனையோ சகோதரியையோ வெறுக்கிறவன் பொய்யன். ஏனென்றால், தான் கண்ட சகோதரனையும் சகோதரியையும் நேசிக்காதவன், தாங்கள் காணாத கடவுளை நேசிக்க முடியாது."  (யோவான் 4:20)

"கடவுளின் மக்கள் ஒற்றுமையாக வாழும்போது அது எவ்வளவு நல்லது மற்றும் இனிமையானது!" (சங்கீதம் 133:1)

கணவனுக்கு கட்டுப்படுதல்

தமிழர் சமயம்

சிறந்த இல்வாழ்க்கை தவத்தை விடச் சிறந்தது!  

வினைகாத்து வந்த விருந்துஓம்பி நின்றான்

மனைவாழ்க்கை நன்று தவத்தின் - புனைகோதை

மெல்லியல் நல்லாளும் நல்லள் விருந்துஓம்பிச்

சொல்எதிர் சொல்லாள் எனில். (அறநெறிச்சாரம் 157)

விளக்கவுரை தீவினைகளைச் செய்யாமல் விலக்கி, தம்மிடம் வந்த விருந்தினரைப் பேணி, வரும் விருந்தை எதிர்நோக்கி நிற்பவனின் இல்வாழ்க்கை, தவத்தை விடச் சிறந்ததாகும். அலங்கரிக்கப்பட்ட கூந்தலையும் மென்மையான இயல்பையும் உடைய பெண்ணும் வந்த விருந்தினரைப் பேணி, கணவன் சொல்கின்ற சொல்லுக்கு மாறுபாடாக எதிர்த்து ஒன்றையும் சொல்லாதிருப்பாளாயின் சிறப்பு.

இல்லாளுக்குரிய இயல்புகள் 

கொண்டான் குறிப்புஒழுகல் கூறிய நாண்உடைமை

கண்டது கண்டு விழையாமை - விண்டு

வெறுப்பன செய்யாமை வெ·காமை நீக்கி

உறுப்போடு உணர்வுடையாள் பெண்.  (அறநெறிச்சாரம் 158)

விளக்கவுரை கணவனின் குறிப்பறிந்து நடத்தலும், மங்கையர்க்குரிய நாண் உடைமையும், எப்பொருளையும் கண்டவுடன் விரும்பாமையும், கணவனுடன் மாறுபட்டு வெறுப்பனவற்றைச் செய்யாமையுமான இவற்றை மேற்கொள்வதுடன் அழகும் அறிவும் உடையவள் பெண் ஆவாள்.

கொண்டான் வழி ஒழுகல் பெண்; மகன் தந்தைக்குத்

தண்டான் வழி ஒழுகல்; தன் கிளை அஃது; அண்டாதே,

வேல் வழி வெம் முனை வீழாது, மண் நாடு;

கோல் வழி வாழ்தல் குணம். (சிறுபஞ்ச மூலம் 13)

ஒழுகல் - நடத்தல்

விளக்கவுரை மனைவி கணவன் சொல்படியும், மகன் தந்தை சொல்படியும், சுற்றத்தார் அவனைப் போல நடத்தலும் நன்மையாகும். பகைவரோடு சேர்ந்து கொள்ளாமல் அரசன் எதிர்த்துப் போர் புரிவதும், நாட்டு மக்கள் அரசன் சொற்படி நடத்தலும் நன்மை தரும்.

மக்கள் பெறுதல், மடன் உடைமை, மாது உடைமை,

ஒக்க உடன் உறைதல், ஊண் அமைவு,-தொக்க

அலவலை அல்லாமை, பெண் மகளிர்க்கு - ஐந்தும்

தலைமகனைத் தாழ்க்கும் மருந்து. - சிறுபஞ்ச மூலம் 51

தொக்க - கூடிய

அலவலை - அற்ப காரியம்

விளக்கவுரை மக்களைப் பெறுதல், அடக்கமுடைமை, அழகுடைமை, கணவன் கருத்துக்கு இசைதல், உணவின் மிகுதியை விரும்புதல் இந்த ஐந்து குணங்களும் பெண்டிர்க்கு இருத்தல் போற்றுதற்குரியது.

செந் தீ முதல்வர் அறம் நினைந்து வாழ்தலும்,

வெஞ் சின வேந்தன் முறை நெறியால் சேர்தலும்,

பெண்பால் கொழுநன் வழிச் செலவும், - இம் மூன்றும்

திங்கள் மும் மாரிக்கு வித்து. (திரிகடுகம் 98)

விளக்கவுரை அந்தணர்கள் தமக்குரிய அறத்தை மறவாது வாழ்தலும், அரசன் முறையாக ஆள்வதும், தன் கணவன் குறிப்பின் வழியில் நடத்தலும், மாதம் தோறும் பெய்ய வேண்டிய மழைக்குக் காரணங்களாகும்.

தெய்வம் தொழாஅள் கொழுநன் தொழுதெழுவாள்

பெய் எனப் பெய்யும் மழை (குறள் 40)

குறிப்புரை: இது தெய்வத்தை தொழத்தேவை இல்லை என்று கூறவில்லை. அவ்வாறு பொருள் கொண்டால் தனக்குவமை இல்லாதான் குறள் 8-க்கு முரண்படும். தெய்வத்தை தொழவில்லை எனினும் கணவனுக்கு கட்டுபட்டால் பெய் என்று சொன்னால் மழை கூட பெய்யும் என்று கூறுவதன் மூலம் இது இவ்வுலகில் கணவனுக்கு கட்டுப்படுத்தல் குறித்த அவசியத்தை விளக்குகிறது. தெய்வத்தை தொழவில்லை என்றாலும் சொர்கத்துக்கு செல்ல முடியும் என்று இக்குறள் கூறவில்லை, கூறவும் கூறாது. கீழே உள்ள திர்மிதி நபிமொழியை  ஒத்த குறள் இது.

கொண்டான் குறிப்பு அறிவாள் பெண்டாட்டி; கொண்டன

செய் வகை செய்வான் தவசி; கொடிது ஒரீஇ,

நல்லவை செய்வான் அரசன்; - இவர் மூவர்,

'பெய்' எனப் பெய்யும் மழை. திரிகடுகம் 96

விளக்கவுரை: கணவனுடைய குறிப்பறிந்து நடக்கும் மனைவியும், நோன்புகளை முறைப்படி செய்யும் தவசியும், நன்மைகளைச் செய்யும் அரசனும் பெய் என்று சொல்ல மழை பொழியும்.

கற்பும் காமமும் நற்பால் ஒழுக்கமும்

மெல்லியற் பொறையும் நிறையும் வல்லிதின்

விருந்துபுறந் தருதலும் சுற்றம் ஓம்பலும்

பிறவும் அன்ன கிழவோள் மாண்புகள்

முகம்புகல் முறைமையிற் கிழவோற் குரைத்தல்

அகம்புகல் மரபின் வாயில்கட் குரிய. - (தொல்காப்பியம் சூ. 154)

விளக்கவுரை: தன்னைக் கொண்டவனுக்கு கட்டுபட்டு முதலாகத் தன் உயிரினும் சிறந்தவனாகக் குறிக்கொண்டொழுகும் மனத்திண்மையும் நிறைந்தியலும் காதற் பண்பும் நன்றின் பாலுய்க்கும் அறிவானே ஒழுகுதலும், மென்மைத் தன்மையாற் பிறர் குறையினைப் பாராட்டாத பொறையுடைமையும் மறைபிறரறியாமை நெஞ்சினை நிறுக்கும் திறனும், இன்னலும் இடும்பையும் நோக்காமல் ஒல்லும் வகையான் விருந்தினரைப் போற்றியளித்தலும் தலைவற்கும் தனக்கும் கேளிராயினாரையும் உறவாயின ரையும், ஆட்சிக்கு அங்கமாயினாரையும் பேணிக்காத்தலும் அவை போல்வனவாகிய தெய்வத்தையும் தென்புலத்தாரையும் தலைவனொடு அமர்ந்து ஓம்புதலும் குலமரபான் வந்த காமக்கிழத்தியரை வெறாது அவரான் மதிக்கப்பெறுதலும் பாணர் முதலாய வாயில்கட்கு அருளுதலும் ஊடலும் ஊடல்உணர்தலும் ஆகிய சால்புகளமைந்த தலைவியின் மாட்சிமைகளை முன்னின்று தலைவன் முகனமர்ந்து செவிமடுக்கும் முறையமையான் கூறும் கூற்றுக்கள், மனையகத்துப் புக்கு உரையாடும் மரபுரிமையுடைய பாணன் பாடினி, முதலாய வாயில்கட்கு உரியவாகும்.

“சொல் லெதிர் சொல்லல் அருமைத் தாகலின் / அல்ல கூற்றுமொழி அவள்வயி னான” (தொல். களவு. 108)

விளக்கவுரை தலைவன் சொல்லிற்கு எதிர்சொல் பேசும் உரிமை உடையவளாயினும் பேசுதல் முறையன்று.

இஸ்லாம்

சிலரை மற்றும் சிலரை விட அல்லாஹ் சிறப்பித்திருப்பதாலும், ஆண்கள் தமது பொருட்களைச் செலவிடுகிறார்கள் என்பதாலும் ஆண்கள் பெண்களை நிர்வாகம் செய்பவர்கள். கட்டுப்பட்டு நடப்போரும், அல்லாஹ்வின் பாதுகாவல் மூலம் மறை வானவற்றைக் காத்துக் கொள்வோருமே நல்ல பெண்கள். பிணக்கு ஏற்படும் என்று (மனைவியர் விஷயத்தில்) நீங்கள் அஞ்சினால் அவர்களுக்கு அறிவுரை கூறுங்கள்! படுக்கைகளில் விலக்குங்கள்! அவர்களை அடியுங்கள்! அவர்கள் உங்களுக்குக் கட்டுப்பட்டு விட்டால் அவர்களுக்கு எதிராக வேறு வழியைத் தேடாதீர்கள்! அல்லாஹ் உயர்ந்த வனாகவும், பெரியவனாகவும் இருக்கிறான். (அல்குர்ஆன் 4:34)

நான் ஒருவருக்கு ஸஜ்தா செய்ய (சிரம் பணிய) கட்டளையிடுபவனாக இருந்திருந்தால் பெண்ணை அவள் கணவனுக்கு ஸஜ்தா செய்யுமாறு கட்டளையிட்டிருப்பேன் என நபியவர்கள் கூறினார்கள். அறிவிப்பவர்: அபூஹுரைரா, (நூல்: திர்மிதி 1079)

கிறிஸ்தவம்

அவ்வாறே மனைவியராகிய நீங்கள், உங்கள் கணவன்மாரின் அதிகாரத்தை ஏற்றுக்கொள்ள வேண்டும். தேவனுடைய போதனைகளை உங்களில் சிலரது கணவன்மார்கள் ஏற்றுக்கொள்ளவில்லையென்றால் கூட, எப்பேச்சுமில்லாமல் தம் நடத்தையின் மூலம் அவர்களின் மனைவிமார்கள் அவர்களை வலியுறுத்தவேண்டும். 2 உங்கள் பரிசுத்த மரியாதைக்குரிய நடத்தையை அவர்கள் காண்பார்கள். - (1 பேதுரு 3:1&2)

மனைவிகளே, கர்த்தருக்குக் கீழ்ப்படிவதுபோல, உங்கள் சொந்தக் கணவர்களுக்குக் கீழ்ப்படியுங்கள். (எபேசியர் 5:22) 

யூதம் 

எப்போதும் எதற்கெடுத்தாலும் வாக்குவாதம் செய்கிற மனைவியோடு வீட்டில் வாழ்வதைவிட கூரையின்மேல் வாழ்வது நல்லது. (நீதிமொழிகள் 21:9)

முன்கோபமும் வாக்குவாதம் செய்வதில் ஆர்வமும்கொண்ட மனைவியோடு வாழ்வதைவிட பாலைவனத்தில் வாழ்வது நல்லது. (நீதிமொழிகள் 21:19)

எப்போதும் வாக்குவாதம் செய்துக்கொண்டிருப்பதை விரும்பும் மனைவி அடைமழை நாளில் ஓயாமல் ஒழுகுவதைப் போன்றவள். அவளைத் தடுத்துநிறுத்த முயல்வது காற்றைத் தடுப்பது போன்றதாகும். அது கையில் எண்ணெயைப் பிடிக்க முயற்சி செய்வது போன்றதாகும். (நீதிமொழிகள் 27:15-16)

ஓரினப் புணர்ச்சி

தமிழர் சமயம் 

சாதாரண சந்நியாச வேட ஞானிகள் அஞ்சி தப்பி ஓட முயலும் இந்த பொல்லாத காமத்தை நல்வழிப் படுத்தும் இறைவனது வீரட்டானத்தை ஆழமான உளவியல் நுட்பத்தோடு திருமூலர் விளக்குகின்றார்.

இருந்த மனத்தை இசைய இருத்தி

பொருந்தி யிலிங்க வழியது போக்கி

திருந்திய காமன் செயல் அழித்து அங்கண்

அருந்தவ யோகங் கொறுக்கை அமர்ந்ததே - (திருமந்திரம் 346)

கருத்து இங்கு இலிங்க வழியது என்பது ஆணுறுப்பின் காமவேட்கைக்கு அடிமையாகி அன்பின் வழி உள்ளத்துப் புணர்ச்சி முன்னே வரும் உண்மையான காதலின் மங்கையரைப் புணர்ந்து பரியங்க யோகம் செய்து சுக்கில நீக்கம் மகிழ்வது போக்கி பிழையான பல்வேறு வழிகளில் சுக்கில நீக்கம் மகிழ்வதாகும். தொல்காப்பியத்தில் பகரப்படும் ஒருதலைக் காமத்து கைக்கிளை ஒவ்வாக் காமத்து பெருந்திணை போன்ற தகாத காமவேட்கைகள் இங்கு அடங்கும், எந்தக் காமத்தூய்ப்பு ஓர் ஆண் பெண்ணிடையே அன்பின் வழி பிறவாது போகின்றதோ அது பிழையான காம வழி ஆகும். இது ஆண்கள் மேல் ஏற்றிக் கூறப்பட்டாலும் பெண்களுக்கும் உரியதே. இத்தகையக் காமங்கள் பல்வேறு உடற்பிணிகட்கும் உளப்பிணிகட்கும் காரணமாக அமைந்து அகால மரணத்திற்கே இட்டுச்செலும் பண்பினதும் ஆகும்

குறிப்பு: ஆபிரகாமிய நூல்களில் சொல்லப்படும் ஓரினப் புணர்ச்சி தமிழர் பண்பாட்டில் எங்கும் குறிப்பிடப்படவில்லை. அதற்க்கான காரணங்கள் இரண்டு.

1. களவியல் பற்றி பல்வேறு நூல்களில் ஒரு பகுதியாவும், அகநானூறு முழுவதும் களவியல் பேசும் பண்பாட்டில் ஓரினப்புணர்ச்சி பற்றி குறிப்பிடப் படாததற்கு காரணம் திருக்குர்ஆன் நமக்கு தருகிறது. லூத் என்கிற தீர்க்கதரிசியின் காலத்தை சார்ந்த மக்கள் முதன் முதலில் ஆணும் ஆணும் புணரும் முறையை கையாண்டனர். இந்த லூத் என்பவர் ஆப்ரஹாம் என்று பைபிளில் அழைக்கப்படுபவரின் சமகாலத்தவர் ஆவார். இந்த ஆப்ரஹாம் நான்காயிரம் ஆண்டுக்கு முந்தியவர் என்று ஆய்வாளர்களால் சொல்லப் படுகிறது. 
2. மேலும் நடைமுறையில் இல்லாத ஒன்றுக்காக சட்டங்கள் தேவை இல்லை என்பதால் ஹோமோ அல்லது லேஸ்பியன் பற்றி தமிழர் நூல்களில் எங்கும் காண கிடைக்கவில்லை.

இஸ்லாம்

மேலும், லூத்தை (அவர் சமூகத்தாரிடையே நபியாக அனுப்பி வைத்தோம்); அவர் தம் சமூகத்தாரிடம் கூறினார்: ‘நிச்சயமாக நீங்கள் உலகத்தாரில் எவருமே உங்களுக்கு முன் செய்திராத மானக்கேடான ஒரு செயலை செய்ய முனைந்து விட்டீர்கள். நீங்கள் ஆண்களிடம் (மோகம் கொண்டு) வருகிறீர்களா? வழி மறி(த்துப் பிரயாணிகளைக் கொள்ளையடி)க்கவும் செய்கின்றீர்கள்; உங்களுடைய சபையிலும் வெறுக்கத்தக்கவற்றைச் செய்கின்றீர்கள்’ என்று கூறினார்; அதற்கு அவருடைய சமூகத்தாரின் பதில்: ‘நீர் உண்மையாளரில் (ஒருவராக) இருப்பின் எங்கள் மீது அல்லாஹ்வின் வேதனையைக் கொண்டு வருவீராக’ என்பது தவிர வேறு எதுவுமில்லை” (அல்-குர்ஆன் 29:28-29)

நபி (ஸல்) அவர்கள் கூறினார்கள் : "லூத் (அலை) சமுதாயத்தினர் செய்த செயலை செய்யக் கூடியவர்களைக் கண்டால் செய்தவனையும் செய்யப்பட்டவனையும் கொன்று விடுங்கள்" (அறிவிப்பவர் : இப்னு அப்பாஸ் (ரலி), ஆதாம் : அஹ்மத்)

கிறிஸ்தவம் 

 ஒருவன் இன்னொரு ஆணோடு, (அல்லது ஒரு பெண் இன்னொரு) பெண்ணோடு பாலின உறவு கொள்வது போன்று பாலின உறவு கொண்டால் அந்த இருவரும் பெரும் பாவம் செய்தபடியால் அவர்கள் கொல்லப்பட வேண்டும். அவர்களே தம் மரணத்துக்குப் பொறுப்பாவார்கள். (லேவியராகமம் 20:13) 

 9. அநியாயக்காரர் தேவனுடைய ராஜ்யத்தைச் சுதந்தரிப்பதில்லையென்று அறியீர்களா? வஞ்சிக்கப்படாதிருங்கள்; வேசிமார்க்கத்தாரும், விக்கிரகாராதனைக்காரரும், விபசாரக்காரரும், சுயபுணர்ச்சிக்காரரும், ஆண்புணர்ச்சிக்காரரும், திருடரும், பொருளாசைக்காரரும், வெறியரும், உதாசினரும், கொள்ளைக்காரரும் தேவனுடைய ராஜ்யத்தைச் சுதந்தரிப்பதில்லை. - (1 கொரிந்தியர் 6:9-10)