சிற்றின்பம் பேரின்பம்

தமிழர் சமயம் 

சொல்தளர்ந்து கோல்ஊன்றிச் சோர்ந்த நடையினராய்ப்
பல்கழன்று பண்டம் பழிகாறும் - இல்செறிந்து
காம நெறிபடரும் கண்ணினார்க்கு இல்லையே
ஏம நெறிபடரும் ஆறு. - நாலடியார் 13

 விளக்கவுரை: பேச முடியாது சொல் தடுமாறி, கோல் ஊன்றித் தள்ளாடும் நடையினராய்ப் பற்களும் வீழ்ந்துபட, தமது உடலைப் பிறர் பார்த்து எள்ளி நகையாடுமாறு இல்வாழ்க்கையில் பொரிதும் ஈடுபாடு கொண்டு, சிற்றின்ப ஆசையிலே மூழ்கிக் கிடக்கும் அற்ப அறிவீனர்க்குப் போரின்பமாகிய வீட்டு நெறியிலே செல்லும் வகை இல்லை.

இஸ்லாம் 

..அவர்கள் இவ்வுலக வாழ்க்கையின் மூலம் மகிழ்ச்சியடைகின்றனர். மறுமையுடன் ஒப்பிடும் போது இவ்வுலக வாழ்க்கை அற்ப சுகம் தவிர வேறில்லை - (திருக்குர்ஆன்:13:26)

எவர் வரம்பு மீறி இவ்வுலக வாழ்க்கையைத் தேர்ந்தெடுத் துக் கொண்டாரோ, நிச்சயமாக அவர் ஒதுங்குமிடம் நரகமாகும். மேலும், எவர் தன் இறைவனின் சந்நிதியைப் பயந்து, மனோ இச்சையிலிருந்து தன்னைத் தடுத்துக் கொண்டாரோ, நிச்சயமாக அவர் ஒதுங்குமிடம் சுவனமாகும். - (குர்ஆன் 80: 37-41)

“உங்களுக்கு வழங்கப்பட்ட எதுவானாலும், அது இவ்வுலக வாழ்வின் இன்பமும் அதன் அலங்காரமுமேயாகும். அல்லாஹ்விடம் இருப்பதோ மிகச்சிறந்ததும், நிலையானதுமாகும். நீங்கள் விளங்கிக்கொள்ளமாட்டீர்களா?” (அல்குர்ஆன், 28:60)

இவர்கள் மறுமையைவிட இவ்வுலக வாழ்க்கையையே (அதிகமாக) நேசிக்கின்றார்கள்; அல்லாஹ்வின் வழியை விட்டும் (மற்றவர்களையும்) தடுக்கின்றார்கள்; அது கோணலாக (இருக்க வேண்டுமென) விரும்புகிறார்கள் – இவர்கள் மிகவும் தூரமான வழிகேட்டிலேயே இருக்கின்றார்கள். (அல்குர்ஆன்:14:3)

கிறிஸ்தவம் 

15  உலகத்தையோ உலகத்தில் உள்ளவற்றையோ நேசிக்காதீர்கள். ஒருவன் உலகத்தை நேசித்தால், தந்தையின் அன்பு அவனில் இல்லை. 16  மாம்சத்தின் இச்சைகளும், கண்களின் இச்சைகளும், ஜீவனத்தின் பெருமையும், உலகத்திலுள்ளவைகளெல்லாம் பிதாவினால் உண்டானவைகளல்ல, அவைகள் உலகத்திலிருந்து வந்தவைகள். 17  உலகம் தன் இச்சைகளோடு அழிந்து போகிறது; - (1 யோவான் 2:15-17)

 

இசை

1) கவிதை எழுதி இசை இசைத்து பாடல் பாடுவது ஏறக்குறைய அனைத்து சமயங்களும் தடை செய்த ஒன்று.

தமிழர் சமயம் 

பண்அமை யாழ்குழல் கீதம்என்று இன்னவை
நண்ணி நயப்ப செவிஅல்ல - திண்ணிதின்
வெட்டெனச் சொல்நீக்கி விண்இன்பம் வீட்டொடு
கட்டுரை கேட்ப செவி. - (அறநெறிச்சாராம் - 196)

விளக்கவுரை இசையுடன் பொருந்திய யாழும் குழலும் இசைப் பாட்டும் என்னும் இவற்றை அவை நிகழும் இடங்களுக்குப் போய் அவற்றை விரும்பிக் கேட்பவை செவிகள் ஆகா. உறுதியுடன் பிறர் சொல்லும் கடுஞ்சொற்களைக் கேளாது நீக்கித் துறக்க இன்பத்தையும் வீடுபேற்றையும் தரும் உறுதிமொழிகளைக் கேட்பதே செவிகளாகும்.

நிலையாமை நோய்மூப்புச் சாக்காடென் றெண்ணித்

தலையாயார் தம்கருமம் செய்வார் - தொலைவில்லாச்

சத்தமும் சோதிடமும் என்றாங் கிவைபிதற்றும்

பித்தரின் பேதையார் இல். - (நாலடியார் 52)

வாழ்க்கை நிலை இல்லாதது, நோய் வரும், முதுமை வரும், சாவு வரும் என்று எண்ணிக்கொண்டு தலைமைப் பண்பு உள்ளவர்கள் தம் கடமையை உடனுக்குடன் செய்வர். இடையறாத இசையை சோதிடத்தை பார்த்துப் பிதற்றிக்கொண்டு பேதையர் வாழ்வர். இவர்களைப் போலப் பித்தர் வேறு யாரும் இல்லை.

பாடு அகம் சாராமை; பாத்திலார்தாம் விழையும்

நாடகம் சாராமை; நாடுங்கால், நாடகம்

சேர்ந்தால், பகை, பழி, தீச்சொல்லே, சாக்காடே,

தீர்ந்தாற்போல் தீரா வரும். (ஏலாதி 25)

பொருள்: பாடல் பாடுமிடஞ் சாராதொழிக. விலைமகள்தோன்றும் நாடகங் காணாமை. அவ்வாறு கண்டால், பழியும், பிறர் சொல்லுந் தீச்சொல்லும், சாக்காடுமென்று சொல்லப்பட்ட நான்கு மவர்க்கு நீங்கினபோல நீங்காவாய் வரும்.

இஸ்லாம் 

நபிகள் நாயகம் (ஸல்) அவர்கள் கூறினார்கள் : என் சமுதாயத்தாரில் சில கூட்டத்தினர் தோன்றுவார்கள். அவர்கள் விபச்சாரம், பட்டு, மது, இசைக் கருவிகள் ஆகியவற்றை அனுமதிக்கப்பட்டவையாகக் கருதுவார்கள். இன்னும் சில கூட்டத்தினர் மலை உச்சியில் தங்குவார்கள். அவர்களின் ஆடுகளை இடையன் (காலையில் மேய்த்துவிட்டு) மாலையில் அவர்களிடம் ஓட்டிச் செல்வான். அவர்களிடம் தன் தேவைக்காக ஏழை (உதவிக்காகச்) செல்வான். அப்போது அவர்கள் நாளை எங்களிடம் வா என்று சொல்வார்கள். (ஆனால்) அல்லாஹ் இரவோடு இரவாக அவர்கள் மீது மலையைக் கவிழ்த்து அவர்க(ளில் அதிகமானவர்க)ளை அழித்து விடுவான். (எஞ்சிய) மற்றவர்களை குரங்குகளாகவும், பன்றிகளாகவும் மறுமை நாள் வரை உருமாற்றி விடுவான். அறிவிப்பவர் : அபூமாலிக் அல்அஷ்அரீ (ரலி) (நூல் : புகாரி 5590)

அல் குர்துபி (ரஹ்) அவர்கள் கூறினார்கள்: புல்லாங்குழல், கம்பி வாத்தியங்கள் மற்றும் டிரம்ஸைப் பொறுத்தவரை, அவற்றைக் கேட்பது தடைசெய்யப்பட்டது என்பதில் கருத்து வேறுபாடு இல்லை. முந்தைய தலைமுறையினர் மற்றும் பிற்காலத் தலைமுறையின் முன்னணி அறிஞர்கள் மத்தியில் யாருடைய கருத்துக்கள் எடைபோடுகின்றனவோ அவர்களில் எவரிடமிருந்தும் அவர்கள் அனுமதித்ததாக நான் கேள்விப்பட்டதில்லை. மது அருந்துவதற்கும், தீய செயல்களுக்குக் கொடுக்கப்பட்டவர்களின் அடையாளமாகவும், ஆசைகளையும், ஒழுக்கக்கேட்டையும், விபச்சாரத்தையும் தூண்டும் போது அது எப்படி ஹராம் ஆகாமல் இருக்கும்? அப்படி எதுவாக இருந்தாலும் அதன் தடை பற்றியோ, அதைச் செய்பவன் தீயவன், பாவி என்பதிலோ எந்த சந்தேகமும் இருக்க முடியாது. (az-Zawaajir 'an Iqtiraaf al-Kabaa'ir (2/337) 

யார்(இவ்வுலகில்) பாட்டுசப்தத்தை கேட்கிறாரோ அவருக்கு சுவர்க்கத்தில் ரூஹானிய்யீன் (சுவனத்துகாரிகளின்) சப்தத்தை கேட்க அனுமதிக்கப் படமாட்டாது என்று நபி(ஸல்) அவர்கள் கூறினார்கள்(அறிவிப்பாளர்: அபூமூஸா(ரலி) நூல்: தப்ஸீர் குர்துபி)

 நபி (ஸல்) அவர்கள் கூறினார்கள்: ஒரு காலம் வரும், அப்பொழுது எனது உம்மத்தவர்ள் விபச்சாரத்தையும், பட்டு அணிவதையும், மது அருந்துவதையும், இசைக் கருவிகளைப் பயன்படுத்துவதையும் தமக்கு ஆகுமானதாக ஆக்கிக் கொள்வார்கள்.(புகாரி) 

நபி (ஸல்) அவர்கள் கூறினார்கள் : நிச்சயமாக அல்லாஹ் மது (அருந்துவதையும்) சூது (ஆடுவதையும்)| மற்றும் அல்-கூபாவையும் தடை செய்துள்ளான். மேலும் ஒவ்வொரு நச்சுப் பொருளும் தடை செய்யப்பட்டதே. இந்த ஹதீஸை தனக்கு அறிவித்த அலி பின் பதீமா அவர்களிடம் சுஃப்யான் அவர்கள், அல் கூபா என்றால் என்ன என்று வினவிய போது, அல்-கூபா என்றால் மத்தளம் (னுசரஅ) என்று பதில் கூறினார்.  (முஸ்னத் அஹ்மது. பாகம்.1. பக்.289., பாகம்.2 பக்கம்.158 மற்றும் 171-172).

 இரண்டு சப்தங்களைத் தடை செய்துள்ளேன். ஆவை வெட்கரமானதும், பாவகரமானதும் ஆகும். முதலாவது, ஷைத்தானின் கருவிகளை இசைக் கருவிகளை இசைத்துக் கொண்டு பாடுவதும்| இரண்டாவதாக, துக்கரமான நிகழ்வுகளில் முகத்தில் அறைந்து கொண்டு, ஆடைகளைக் கிழித்துக் கொண்டு அழுவதையும் தடை செய்துள்ளேன். (அல் முஸ்தத்ரக் அலஸ் ஸஹீஹைன்)

 அனஸ் (ரலி) அவர்கள் அறிவிக்கின்றார்கள்: காற்றினால் ஒலி எழுப்பக் கூடியதும் (றiனெ)| புல்லாங்குழல் (ஆணைஅயயச) போன்றும் உள்ள இரு இசைக்கருவிகளை சந்தோசமான, உற்சாகமான நேரத்திலும், மற்றும் துக்ககரமான நேரத்திலும் இசைப்பதை நபி (ஸல்) அவர்கள் சபித்துள்ளார்கள். (அல் ஹாக்கிம்)

 

கிறிஸ்தவம் 

மூடர்களின் பாடலைக் கேட்பதைவிட , ஞானிகளின் கடிந்துகொள்ளுதலைக் கேட்பது மனுஷனுக்கு நலம். - பிரசங்கி 7:5 

2) பெண்களை பாடகர்களாக ஆக்குதல் கூடாது  

தமிழர் சமயம் 

வேட்டவாய்க் கேட்பர் விரைந்தோடி ஞாலத்தார்

கேட்டைக் கிழத்தியைப் பாடுங்கால் - கோட்டில்லா

ஓதுமின் ஓதி அடங்குமின் என்னும் சொல்

கூதற்குக் கூதிர் அனைத்து. (பெண் மயக்கு பாடல் - 111)

விளக்கவுரை பெண் ஒருத்தியைப் பாடுமிடத்து உலகத்தவர் விரைவாகச் சென்று விரும்பி விருப்புடன் கேட்காமல்  மாறுபாடு இல்லாத நூல்களைக் கற்பீராக. கற்று அவற்றுக்கு ஏற்றபடி ஒழுகுவீராக என்று சான்றோர் கூறும் சொல் முன்னமே குளிரால் நடுங்கும் உடலுக்கு குளிர் காற்று வீசியதைப் போன்றதாகும். 

இஸ்லாம்  

பாடகிகளை தன்னுடன் வைத்திருந்த ஒருவர் மரணித்துவிட்டால் அவர்மீது (ஜனாஸா) தொழ வைக்காதீர்கள் என்று நபி(ஸல்)அவர்கள் கூறினார்கள்..(அறிவிப்பாளர்: ஆயிசா(ரலி). நூல்:தப்ஸீர் குர்துபி 

 நபி (ஸல்) அவர்கள் கூறினார்கள்: வரும் நாளில்) எனது உம்மத்தவர்கள் மது அருந்துவார்கள். ஆதன்  உண்மையான பெயரைக் காட்டிலும் அதை வேறு ஒரு பெயரால் அழைப்பார்கள். இசைக் கருவிகளை இசைத்தும், பெண் பாடகர்கள் கொண்டு பாட்டும் பாடுவதுமான கேளிக்கைகளை தமக்கு ஏற்படுத்திக் கொள்வார்கள். ஆல்லாஹ் அவர்களின் காலடியில் பூமியைப் பிளந்து (அதில் அவர்களை புகச் செய்து விடுவான். மற்றவர்கள் குரங்குகாளகவும், பன்றிகளாகவும் மாற்றி விடுவான். (இப்னு மாஜா - கிதாபுல் ஃபிதன்)

முடிவுரை 

இஸ்லாத்தில் குர்ஆனை அழகாக ராகமாக ஓத ஆர்வமூட்டப் பட்டுள்ளது: 

குர்ஆனை அழகிய குரலில் ராகத்துடன் ஓதுவதும் ஓதும் ஒழுங்கு முறைகளைச் சேர்ந்ததே. "அழகிய குரலுடைய ஒரு நபி, குர்ஆனை சப்தமாக-ராகமிட்டு ஓதுவதை அல்லாஹ் கேட்டது போன்று வேறெதையும் கேட்டதில்லை!” (நூல்: புகாரி,முஸ்லிம்) 

ஜுபைர் பின் முத்இம் (ரலி)அவர்கள் அறிவிக்கிறர்கள்: “நபி (ஸல்) அவர்கள் மஃரிப் தொழுகையில் அத்தூர் அத்தியாயத்தை ஓதிடக் கேட்டேன். நபி(ஸல்) அவர்களைவிட அழகிய குரலுடைய ஒருவரை அல்லது அழகாக ஓதுபவரை நான் கேட்டதில்லை” (புகாரி. முஸ்லிம்) 

கிறிஸ்தவத்தில் கர்த்தரை பாட அனுமதிக்கப் பட்டுள்ளது

 நான் உயிரோடிருக்கும் வரை கர்த்தரைப் பாடுவேன்: நான் இருக்கும்வரை என் தேவனைப் புகழ்ந்து பாடுவேன். அவரைப் பற்றிய என் தியானம் இனிமையாயிருக்கும்: நான் கர்த்தருக்குள் மகிழ்ச்சியாயிருப்பேன். - (சங்கீதம் 104:33-34)

பெரும்பாலான மதச்சார்பற்ற இசை பிலிப்பியர் 4:8 தேர்வில் தேர்ச்சி பெறவில்லை என்பதை நாம் அனைவரும் ஒப்புக்கொள்ள வேண்டும். 

தமிழர் சமயங்களிலும் மறைநூல்களை பாடல் என்றும் பண் என்றும் அழைக்கும் வழக்கம் உள்ளது. எனவே மறைநூல்களை அழகிய முறையில் ஓத அனுமதி அனைத்து சமயங்களிலும் உண்டு. ஆனால் அதுவல்லாமல் வேறு ஒன்றை கருப்பொருளாக எடுத்து, கவிதை எழுதி, பாடி, இசைப்பது தடை செய்யப் பட்டுள்ளது. குறிப்பாக பல இசை கருவிகளும் பெண்கள் பாடுவதும் தடை செய்யப் பட்டுள்ளது.

ஏழைக்கு உதவு

கிறிஸ்தவம் 

ஏழை ஜனங்களுக்கு உதவி செய்பவன், தனக்குத் தேவையான எல்லாவற்றையும் பெற்றுக்கொள்ளுவான். ஆனால் ஏழைகளுக்கு உதவி செய்ய மறுப்பவனுக்கோ அதிகத் தொல்லைகள் வரும். - (நீதிமொழிகள் 28:27)

 22 ஏழைகளிடமிருந்து திருடுவது எளிது. ஆனால் அதனைச் செய்யாதே. வழக்கு மன்றத்தில் ஏழைகளைச் சுரண்டாதே. 23 கர்த்தர் அவர்கள் பக்கம் இருக்கிறார். அவர்களுக்கு அவர் உதவுகிறார். அவர்களிடமிருந்து எடுத்துக்கொண்ட எந்தப் பொருளையும் அவர் திரும்ப எடுத்துக்கொள்கிறார்.  - (நீதிமொழிகள் 22:22-23)

10 பழைய சொத்துக்களின் எல்லையை மாற்றாதே. அநாதைகளுக்குரிய நிலத்தை அபகரிக்காதே. 11 கர்த்தர் உனக்கு எதிராக இருப்பார். கர்த்தர் சர்வ வல்லமையுள்ளவர். அந்த அநாதைகளை அவரே பாதுகாக்கிறார். - (நீதிமொழிகள் 23:10) 

தமிழர் சமயம் 

கிடைத்தவற்றில் சிறிதினை அவ்வப்பொழுது எளியார்க்குதவுக

பெற்றநாள் பெற்றநாள் பெற்றதனுள் ஆற்றுவது ஒன்று

இற்றைநாள் ஈத்துஉண்டு இனிது ஒழுகல் - சுற்றும்

இதனில் இலேசுடை காணோம் அதனை

முதல்நின்று இடைதெரியுங் கால்.  பாடல் - 169

விளக்கவுரை செல்வத்தை அடையுந்தோறும் பெற்ற அச்செல்வத்தில் செய்வதற்குரிய அறத்தை இன்றே செய்வோம் என்று நினைத்து இரப்பவர்க்குத் தந்து, நீயும் உண்டு இனிமை தரும் நன்னெறியில் நின்று ஒழுகுவாயாக! அந்த அறம் செய்ததற்குரிய வழியை முதல் தொடங்கி முழுமையும் ஆராயுமிடத்து எவ்விடத்து; இதைக் காட்டிலும் எளியது வேறொன்றும் இல்லை.

கொடாது இருப்பது அறியாமை 

கொடுத்துக் கொணர்ந்து அறம் செல்வம் கொடாது

விடுத்துத்தம் வீறுஅழிதல் கண்டார் - கொடுப்பதன் கண்

ஆற்ற முடியாது எனினும்தாம் ஆற்றுவார்

மாற்றார் மறுமைகாண் பார். பாடல் - 170

விளக்கவுரை செல்வம் உள்ள காலத்தில் வறியவர்க்கு கொடுத்ததால் (அறம்) கொண்டு வந்து தந்த, செல்வத்தை வவறியவர்க்குக் கொடுக்காமல் தம் பெருமை அழியும் பிறரைக் கண்ட சான்றோர், வறுமை அடைந்து இரந்தவர்க்குக் கொடைத் தன்மையுடன் மிகவும் வழங்க முடியாது என்றாலும் தம் பொருள் நிலைக்கு ஏற்பக் கொடுத்து உதவுவர்; இரந்தவர்க்கு இல்லை எனக் கூறார்.

இஸ்லாம் 

(நம்பிக்கையாளர்களே!) சில ஏழைகள் இருக்கின்றனர். அவர்கள் அல்லாஹ்வுடைய மார்க்கத்திற்கென்றே தங்களை (முற்றிலும் அர்ப்பணம் செய்து) ஒதுக்கிக் கொண்டதால் (தங்கள் சொந்த வாழ்விற்குத் தேடக்கூட) பூமியில் நடமாட சாத்தியப் படாதவர்களாக இருக்கின்றனர். (அன்றி, அவர்கள்) யாசிக்காததால் (அவர்களின் வறுமை நிலையை) அறியாதவர்கள். அவர்களை செல்வந்தர்களென எண்ணிக் கொள்கின்றனர். அவர்களுடைய (வறுமையின்) அடையாளங்(களாகிய ஆடை, இருப்பிடம் ஆகியவை)களைக் கொண்டு நீங்கள் அவர்களை அறிந்து கொள்ளலாம். அவர்கள் மனிதர்களிடத்தில் வருந்தியும் கேட்க மாட்டார்கள். (இத்தகைய ஏழைகளுக்கு) நீங்கள் நல்லதில் இருந்து எதைச்செலவு செய்தபோதிலும் நிச்சயமாக அல்லாஹ் அதை நன்கறி(ந்து அதற்குரிய கூலியை உங்களுக்குத் தரு)வான். (அல்குர்ஆன் : 2:273)

நேர்மையான வருமானம் மூலம் தர்மம் செய்தல்

இஸ்லாம் 

நல்லவற்றில் நீங்கள் எதைச் செலவிட்டாலும் அல்லாஹ்வின் திருப்தியைப் பெறவே செலவிடுகிறீர்கள்; நல்லவற்றில் நீங்கள் எதைச் செலவிட்டாலும் உங்களுக்கே அது முழுமையாக வழங்கப்படும்; நீங்கள் அநீதி இழைக்கப் படமாட்டீர்கள் என்று அல்லாஹ் தனது திருமறையில் கூறுகிறான். (அல்குர்ஆன்: 2:272) 

 

நம்பிக்கையாளர்களே! (தர்மம் செய்யக் கருதினால்) நீங்கள் சம்பாதித்தவற்றிலிருந்தும், நாம் உங்களுக்குப் பூமியிலிருந்து வெளியாக்கிய (தானியம், கனிவர்க்கம் ஆகிய)வற்றிலிருந்தும் நல்லவற்றையே (தர்மமாக) செலவு செய்யுங்கள். அவற்றில் கெட்டவற்றைக் கொடுக்க விரும்பாதீர்கள். (ஏனென்றால், கெட்டுப்போன பொருள்களை உங்களுக்கு ஒருவர் கொடுத்தால்) அவற்றை நீங்கள் (வெறுப்புடன்) கண் மூடியவர்களாகவே தவிர வாங்கிக் கொள்ள மாட்டீர்களே! (ஆகவே, நீங்கள் விரும்பாத பொருள்களை பிறருக்கு தர்மமாகக் கொடுக்காதீர்கள்.) நிச்சயமாக அல்லாஹ் எத்தேவையுமற்றவன், மிக்க புகழுடையவன் என்பதையும் நீங்கள் உறுதியாக அறிந்துகொள்ளுங்கள். (அல்குர்ஆன் 2 : 267)  

 

இறைத்தூதர்(ஸல்) அவர்கள் கூறினார்கள்: யார் முறையான சம்பாத்தியத்தில் ஒரு பேரீச்சம் பழத்தின் மதிப்புக்குத் தர்மம் செய்தாரோ.. அல்லாஹ் பரிசுத்தமானவற்றைத் தவிர வேறெதையும் ஏற்றுக் கொள்வதில்லை - அதை நிச்சயமாக அல்லாஹ் தன்னுடைய வலது கரத்தால் ஏற்று, பிறகு நீங்கள் உங்களின் குதிரைக் குட்டியை வளர்ப்பது போன்று அதன் நன்மையை மலைபோல் உயரும் அளவுக்கு வளர்த்து விடுவான்.' - அபூ ஹுரைரா(ரலி) அறிவித்தார்  (ஸஹீஹ் புகாரி : 1410)

நம்பிக்கையாளர்களே! (தர்மம் செய்யக் கருதினால்) நீங்கள் சம்பாதித்தவற்றிலிருந்தும், நாம் உங்களுக்குப் பூமியிலிருந்து வெளியாக்கிய (தானியம், கனிவர்க்கம் ஆகிய)வற்றிலிருந்தும் நல்லவற்றையே (தர்மமாக) செலவு செய்யுங்கள். அவற்றில் கெட்டவற்றைக் கொடுக்க விரும்பாதீர்கள். (ஏனென்றால், கெட்டுப்போன பொருள்களை உங்களுக்கு ஒருவர் கொடுத்தால்) அவற்றை நீங்கள் (வெறுப்புடன்) கண் மூடியவர்களாகவே தவிர வாங்கிக்கொள்ள மாட்டீர்களே! (ஆகவே, நீங்கள் விரும்பாத பொருள்களை பிறருக்கு தர்மமாகக் கொடுக்காதீர்கள்.) நிச்சயமாக அல்லாஹ் எத்தேவையுமற்றவன், மிக்க புகழுடையவன் என்பதையும் நீங்கள் உறுதியாக அறிந்துகொள்ளுங்கள். (அல்குர்ஆன் 2 : 267)

 

தமிழர் சமயம் 

அறத்து ஆற்றின் ஈயாதது ஈகை அன்று. - (முதுமொழிக் காஞ்சி 5:8)

சொற்ப்பொருள்: அறத்து ஆற்றின் - அறவழியில்; ஈயாதது - கொடாதது

விளக்கம்: நல்ல வழியில் வராத செல்வத்தைக் கொடுப்பது தர்மமாகாது.

கிறிஸ்தவம் 

உனது செல்வத்தால் கர்த்தரை மகிமைப்படுத்து. உன்னிடம் இருப்பதில் சிறப்பானதை அவருக்குக்கொடு. அப்போது உனக்குத் தேவையான அனைத்தையும் நீ பெறுவாய் உனது களஞ்சியங்கள் தானியங்களால் நிரம்பும். உனது பாத்திரங்கள் திராட்சைரசத்தால் நிரம்பும்.- (நீதிமொழிகள் 3:9-10)

“இவ்வாறு கடினமாக உழைத்து, பலவீனமானவர்களுக்கு உதவ வேண்டும் என்றும், 'வாங்குவதை விட கொடுப்பதே பாக்கியம்' என்று கர்த்தராகிய இயேசு கூறியதை நினைவு கூர வேண்டும் என்றும் நான் உங்களுக்கு எல்லாவற்றிலும் காட்டினேன். '" - (அப்போஸ்தலர் 20:35)

கேளுங்கள் தரப்படும்

கிறிஸ்தவம்  

ஆனால் உங்களில் எவருக்கேனும் ஞானம் வேண்டுமானால் நீங்கள் தேவனிடம்தான் கேட்டுக்கொள்ள வேண்டும். தேவன் தாராளமானவர். கேட்கின்ற ஒவ்வொருவருக்கும் கொடுப்பதில் அவர் மகிழ்வடைகிறார். ஆகையால் தேவன் உங்களுக்கு ஞானத்தைக் கொடுப்பார். (யாக்கோபு 1:5)

தேவனிடம் கேட்டுப்பெறுதல்

“தொடர்ந்து கேளுங்கள், தேவன் கொடுப்பார். தொடர்ந்து தேடுங்கள், கிடைக்கும். தொடர்ந்து தட்டுங்கள், திறக்கப்படும். ஆம், ஒருவன் தொடர்ந்து கேட்டால், அவன் அதைப் பெறுவான். ஒருவன் தொடர்ந்து தேடினால், அவன் கண்டடைவான். ஒருவன் தொடர்ந்து தட்டினால், கதவு அவனுக்காகத் திறக்கப்படும். “உங்களில் யாருக்கேனும் மகன் உண்டா? உங்கள் மகன் அப்பத்தைக் கேட்டால், அவனுக்குக் கல்லைத் தருவீர்களா? இல்லை. அல்லது, உங்கள் மகன் மீனைக் கேட்டால், அவனுக்குப் பாம்பைக் கொடுப்பீர்களா? இல்லை. நீங்கள் தேவனைப்போல அல்லாமல், பொல்லாதவர்களாய் இருக்கும் உங்களுக்கே குழந்தைகளுக்கு நற்பொருட்களைத் தரத்தெரியும்போது, பரலோகத்திலிருக்கும் உங்கள் பிதாவும் தம்மிடம் கேட்கிறவர்களுக்கு நன்மையானவற்றைக் கொடுப்பார் அன்றோ? - (மத்தேயு 7:7-11)

 இஸ்லாம் 

 அல்லாஹ்வின் தூதர் நபி(ஸல்) அவர்கள் கூறினார்கள். நீங்கள் பிரார்த்தனை செய்தால் வலியுறுத்திக் கேளுங்கள். அல்லாஹ்வே! நீ நினைத்தால் எனக்கு வழங்கு! என்று கேட்க வேண்டாம். வலியுறுத்திக் கேட்பது அல்லாஹ்வை நிர்பந்திக்காது. ஏனெனில் அவனை (அல்லாஹ்வை) நிர்ப்பந்திப்பவர் யாருமில்லை. (அறிவிப்பு: அனஸ்(ரழி) நூல்: புகாரி.)

அச்சத்துடனும் உறுதியான நம்பிக்கையுடனும் அல்லாஹ்வை மட்டும் பிரார்த்தனை செய்யுங்கள் ‘நிச்சயமாக அல்லாஹ்வின் அருள் நன்மை செய்வோருக்கு அருகில் உள்ளது.’ (அல்குர்ஆன் 7:6)

உங்களுடைய இறைவன் கூறுகிறான். நீங்கள் என்னையே அழைத்துப் பிரார்த்தியுங்கள். நான் உங்களுடைய பிரார்த்த னைக்குப் பதிலளிப்பேன். நிச்சயமாக என்னை வணங்கு வதை விட்டும் பெருமையடிப்பவர்கள் இழிவடைந்தவர் களாய் நரகில்புகுவார்கள். (அல்குர்ஆன் 40:60)

தமிழர் சமயம் 

ஆர்வம் உடையவர் காண்பர் அரன்தன்னை;

ஈரம் உடையவர் காண்பார் இணைஅடி... (திருமந்திரம் 273)

பொருள்: யார் ஆர்வம் உடையவர்களோ அவர்கள் காண்பார்கள்; யார் அன்பு உடையவர்களோ அவர்கள் பெறுவார்கள்.

ஆர்வம் என்பது வெறும் விருப்பமல்ல, அது கடும் முயற்சியுடன் கூடிய அதீத வேட்கை
ஈரம் என்பது இயல்பாய் காணப்படும் அன்பு மட்டுமல்ல அல்ல, கடுமையாக துன்பம் தரும் ஒருவர் மீதும் இறக்கப் படுவதும் அன்பு காட்டுவதுமாகும்.