பதஞ்சலி அட்டாங்க யோகம் Vs இஸ்லாம்

பதஞ்சலி என்பவர் யார்? 

பதஞ்சலி என்பவர் மனிதர் அல்ல, அவன் தேவர் சார்ந்த நந்தி ஆவார். நந்தி என்பது மாடு அல்ல, அவர் மனித இனத்தில் உள்ள குரு மார்களுக்கு தேவ குருவாக இருந்து போதனை செய்பவர். சரி, ஆதாரம் என்ன? 

நந்தி அருள்பெற்ற நாதரை நாடிடின்

நந்திகள் நால்வர் சிவயோக மாமுனி

மன்று தொழுத பதஞ்சலி வியாக்கிரமர்

என்றிவர் என்னோ டெண்மரு மாமே. (திருமந்திரம் பாயிரம் பாடல் 6)

பதவுரை: நாதர் - ஆசிரியர்; 

பொழிப்புரை: நந்தியின் உதவி பெற்ற ஆசிரியர் யார் என்று அறிய விரும்பினால், நந்திகள் நான்கு பேர் : 1) சிவயோக மாமுனி, 2) பதஞ்சலி, 3) வியாக்கிரமர் என்றும் என்னொடுகூட இருப்பவர் 4) எண்மர் என்பவர்களாம்.  

நால்வரும் நாலு திசைக்கொன்றும் நாதர்கள்

நால்வரும் நானா விதப்பொருள் கைக்கொண்டு

நால்வரும் நான்பெற்ற தெல்லாம் பெறுகென

நால்வரும் தேவராய் நாதரா னார்களே. (பாடல் 9)

பதவுரை: நானா - பலவகைப்பட்ட;  நாதர்  - குரு, ஆசிரியர்

பொழிப்புரை: நான்கு நந்திகளில் ஒவ்வொருவரும் ஒவ்வொரு திசைக்கும் (நான்கு மரபுகளுக்கு) ஒரு ஆசிரியராக உள்ளனர். நந்திகள் எனப்பட்ட நால்வரும் பலவகை பொருள்களை (Subject) கைக்கொண்டு  எல்லா உலகங்கட்கும் பொருந்திய ஆசிரியர்களாய், நான் பெற்ற பேற்றினை உலகம் பெறுக என்று நான்கு நந்தி தேவர்களும் ஆசிரியர்கள் ஆனார்கள். 

இதில் சிவயோக மாமுனி என்பவர் மேற்கத்திய மதங்களான ஆப்ரஹாமிய மதங்களின் வேதங்களை கொடுத்தவராக இருக்கலாம், எண்மர் எனபவர் தெற்குக்கு அதாவது தமிழ் சமூகத்துக்கு வேதங்களை கொடுத்த தேவர் ஆவார். பதஞ்சலி என்பவர் வடக்குக்கு அதாவது வடமொழி வேதங்களை ரிஷிகளுக்கு போதித்தவர். 

பதஞ்சலியை மகரிஷி (மனிதர்) என்றும், பல காலங்களில் வாழ்ந்த வெவ்வேறு மகரிஷிகள் என்றும் கூறுவோர் உண்டு. அவை எல்லாம் பிழையான புரிதல்கள், அவர் நான்கு நந்தி தேவர்களில் ஒருவர், அதனால் தான் அவரது உபதேசங்கள் வெவ்வேறுகாலங்களில் வெளிப்பட்டு உள்ளது. தேவர் ஒருவர் எப்படி அவரது பெயரில் ஒரு நூலை  கொடுக்க முடியும் என்று நீங்கள் கேட்டால், நந்தியின் பெயரில் நூல்கள் உண்டு என்பதை அறிந்து கொள்க.

பதஞ்சலியின் 8 உறுப்புகள் (அட்டாங்க யோகம்) விவரம்:

1. யமம் (Yama): சமூக ஒழுக்கங்கள் (அஹிம்சை, சத்தியம், திருடாமை போன்றவை).
2. நியமம் (Niyama): தனிப்பட்ட ஒழுக்கங்கள் (சுத்தம், திருப்தி, தவம் போன்றவை).
3. ஆசனம் (Asana): உடல் நிலைகள் (தியானத்திற்கு ஏற்ற உடல் அமைப்பை உருவாக்குதல்).
4. பிராணாயாமம் (Pranayama): சுவாசக் கட்டுப்பாடு (மூச்சைக் கட்டுப்படுத்தி ஆற்றலை ஒழுங்குபடுத்துதல்).
5. பிரத்யாஹாரம் (Pratyahara): புலன்களை உள்நோக்கித் திருப்புதல் (வெளிப்புற விஷயங்களிலிருந்து கவனத்தைத் திருப்புதல்).
6. தாரணை (Dharana): செறிவு (ஒரு விஷயத்தில் மனதை நிலை நிறுத்துதல்).
7. தியானம் (Dhyana): தியானம் (சலனமின்றி மனதை ஒருமுகப்படுத்துதல்).
8. சமாதி (Samadhi): ஆழ்ந்த நிலை (உயர்ந்த ஆன்மீக உணர்வு நிலை). 

இதே எட்டு உறுப்புகளை திருமூலரும் திருமந்திரத்தின் ஆறாவது தந்திரத்தில் விளக்கி உள்ளார்.எனவே ஒரே இறைவனே பதஞ்சலிக்கும், திருமூலரின் நாதரான எண்மர் எனும் நந்தி தேவருக்கும் போதித்து உள்ளான் என்பது புலப்படுகிறது. 

அஷ்டாங்க யோக Vs இஸ்லாம் ஒப்பீடு:

அஷ்டாங்க யோகாவின் 8 அங்கங்கள் தனிப்பட்ட மற்றும் ஆன்மீக வளர்ச்சிக்கு ஒரு கட்டமைக்கப்பட்ட அணுகுமுறையை வழங்குகின்றன. ஒவ்வொரு அங்கமும் இணக்கமான மற்றும் நிறைவான வாழ்க்கையை அடைவதற்கான பாதையில் ஒரு படியைக் குறிக்கிறது. ஒவ்வொரு அங்கத்தின் விரிவான ஆய்வு இங்கே: அதோடு இஸ்லாமிய போதனைகளை ஒப்பிடுவோம்.

1. யமம்: நெறிமுறை தரநிலைகள்

முதல் உறுப்பு அஷ்டாங்க யோகா யமம் என்பது நெறிமுறை மற்றும் தார்மீகக் கொள்கைகளில் கவனம் செலுத்துகிறது. நாம் நம்முடனும் மற்றவர்களுடனும் எவ்வாறு தொடர்பு கொள்கிறோம் என்பதற்கும், இணக்கமான சூழலை உருவாக்குவதற்கும், மரியாதைக்குரிய உறவுகளை வளர்ப்பதற்கும் யமம் அடித்தளத்தை அமைக்கிறது. யமங்களில் பின்வருவன அடங்கும்: 

அஹிம்சை (அகிம்சை): அஹிம்சை என்பது அகிம்சை மற்றும் இரக்கத்தின் கொள்கையாகும். இது கருணையுடன் செயல்படவும், உடல் ரீதியாகவோ, உணர்ச்சி ரீதியாகவோ அல்லது மன ரீதியாகவோ மற்றவர்களுக்கு தீங்கு விளைவிப்பதைத் தவிர்க்கவும் நம்மை ஊக்குவிக்கிறது. அஹிம்சையைப் பயிற்சி செய்வது அமைதியான மற்றும் இணக்கமான சூழலை ஊக்குவிக்கிறது மற்றும் மற்றவர்களுடன் உண்மையான தொடர்புகளை வளர்க்கிறது. 

ஹிம்ஸை என்பது தமிழில் தீங்கு, துன்பம், தொல்லை, அல்லது பிறருக்குக் கெடுதல் விளைவித்தல் எனப் பொருள்படும் ஒரு சொல் ஆகும், இது சமஸ்கிருதத்தில் இருந்து வந்தது. இது பிறருக்கு வலி அல்லது துன்பம் கொடுப்பதைக் குறிக்கிறது. அதற்கு எதிரான பொருளுடையது அஹிம்சை. இதை இஸ்லாமும் போதிக்கிறது.  

“மார்க்கம் (தீன்) என்பதே “நலம் நாடுவது‘ தான்” என்று நபி (ஸல்) அவர்கள் கூறினார்கள். அறிவிப்பவர்: தமீமுத்தாரீ (ரலி) (நூல்: முஸ்லிம் 95)

ஒருவருக்கொருவர் கருணை புரிவதிலும், அன்பு செலுத்துவதிலும், இரக்கம் காட்டுவதிலும் (உண்மையான) இறை நம்பிக்கையாளர்களை ஓர் உடலைப் போன்று நீ காண்பாய். (உடலின்) ஓர் உறுப்பு சுகவீனமடைந்தால் அதனுடன் மற்ற உறுப்புகளும் (சேர்ந்துகொண்டு) உறங்காமல் விழித்துக் கொண்டிருக்கின்றன. அத்துடன் (உடல் முழுதும்) காய்ச்சலும் கண்டுவிடுகிறது என்று அல்லாஹ்வின் தூதர் (ஸல்) அவர்கள் கூறினார்கள்: அறிவிப்பவர்: நுஃமான் பின் பஷீர் (ரலி) - (நூல்: புகாரி 6011)

இரக்கம்  

மனிதர்களுக்கு இரக்கம் காட்டாதவனுக்கு அல்லாஹ் இரக்கம் காட்ட மாட்டான். - (புஹாரியும் முஸ்லிமும் 2319)

‘சிறியவர்களிடம் இரக்கம் காட்டாதவரும், பெரியவர்களிடம் மரியாதை செலுத்தாதவரும் நம்மைச் சார்ந்தோர் அல்ல, நபி (ஸல்) அவர்கள் கூறினார்கள்’. (அறிவிப்பாளர்: இப்னு அப்பாஸ் (ரலி), திர்மிதி)

‘பாவியிடமிருந்தே தவிர இரக்கம் பிடுங்கப்படாது என நபி (ஸல்) அவர்கள் கூறினார்கள்’. (அறிவிப்பாளர்: அபூஹுரைரா (ரலி), அஹ்மது).   

உடல், உணர்ச்சி அல்லது மன ரீதியாகவோ பிறருக்கு தீங்கு விளைவிக்காதே:

முஃமின்களே! ஒரு சமூகத்தார் பிறியதொரு சமூகத்தாரைப் பரிகாசம் செய்ய வேண்டாம். ஏனெனில் (பரிகசிக்கப்படுவோர்), அவர்களைவிட மேலானவர்களாக இருக்கலாம்; (அவ்வாறே) எந்தப் பெண்களும், மற்றெந்தப் பெண்களையும் (பரிகாசம் செய்ய வேண்டாம்) – ஏனெனில் இவர்கள் அவர்களை விட மேலானவர்களாக இருக்கலாம்; இன்னும், உங்களில் ஒருவருக்கொருவர் பழித்துக் கொள்ளாதீர்கள், இன்னும் (உங்களில்) ஒருவரையொருவர் (தீய) பட்டப்பெயர்களால் அழைக்காதீர்கள்! ஈமான் கொண்டபின் (அவ்வாறு தீய) பட்டப் பெயர் சூட்டுவது மிகக் கெட்டதாகும்! எவர்கள் (இவற்றிலிருந்து) மீளவில்லையோ, அத்தகையவர்கள் அநியாயக்காரர்கள் ஆவார்கள். (அல்-குர்ஆன் 49:11)

அண்டை வீட்டாருக்கு தொல்லை தராதே!

இறைத்தூதர்(ஸல்) அவர்கள் கூறினார்கள்’: அல்லாஹ்வையும் மறுமை நாளையும் நம்பிக்கை கொண்டிருப்பவர் தம் அண்டை வீட்டாருக்குத் தொல்லை தர வேண்டாம். என அபூஹுரைரா(ரலி) அறிவித்தார். (ஆதாரம் : புகாரி)

சத்யா (உண்மைத்தன்மை): சத்யா நமது எண்ணங்கள், வார்த்தைகள் மற்றும் செயல்களில் நேர்மை மற்றும் நேர்மையை வலியுறுத்துகிறது. உண்மையாக வாழ்வதன் மூலம், நமது உறவுகளில் நம்பிக்கையை வளர்த்துக் கொள்கிறோம், மேலும் நமது வெளிப்புற நடத்தையை நமது உள் மதிப்புகளுடன் இணைத்து, நம்பகத்தன்மையின் உணர்வை உருவாக்குகிறோம்.

நேர்மை  

நீதி, நன்மை, மற்றும் உறவினருக்குக் கொடுப்பதை அல்லாஹ் கட்டளையிடுகிறான். வெட்கக்கேடானவை, தீமை, மற்றும் வரம்பு மீறுவதை உங்களுக்குத் தடுக்கிறான். நீங்கள் நல்லுணர்வு பெறுவதற்காக உங்களுக்கு அறிவுரை கூறுகிறான். (அல்குர்ஆன்: 16:90)

நேர்மையான சொல்லையே சொல்லுங்கள்." - (குர்ஆன் 33:70) 

உண்மை  

அல்லாஹ்வின் தூதர் (ஸல்) அவர்கள் கூறினார்கள்: உண்மையே பேசுங்கள். உண்மை நன்மைக்கு வழிகாட்டும். நன்மை சொர்க்கத்திற்கு வழிகாட்டும் ஒரு மனிதர் உண்மை பேசிக்கொண்டே இருப்பார், அதை தேர்ந்தெடுத்துப் பேசிவருவார். இறுதியில் அல்லாஹ்விடம் வாய்மையாளர் (சித்தீக்) எனப் பதிவு செய்யப்பட்டுவிடுவார் அறிவிப்பாளர் : அப்துல்லா பின் மஸ்டீத் ரலி (முஸ்லிம்: 5083)

அஸ்தேயம் (திருடாமை): அஸ்தேயம் என்பது பொருள் உடைமைகள், நேரம் மற்றும் சக்தி உட்பட இலவசமாகக் கொடுக்கப்படாதவற்றை எடுத்துக்கொள்வதைத் தவிர்ப்பதாகும். இந்தக் கொள்கை மற்றவர்களுக்கு மரியாதை அளிக்கவும், நம்மிடம் இருப்பதை மதிக்கவும் பாராட்டவும் ஊக்குவிக்கிறது.

திருடனோ திருடியோ அவர்கள் சம்பாதித்த பாவத்திற்கு, அல்லாஹ்விடமிருந்துள்ள தண்டனையாக அவர்களின் கரங்களைத் தரித்து விடுங்கள். அல்லாஹ் மிகைத்தவனும், ஞானம் மிக்கோனுமாக இருக்கின்றான்’ (அல்குர்ஆன் 5:38) 

பிரம்மச்சரியம் (நிதானம்): பாரம்பரியமாக பிரம்மச்சரியம் என்று விளக்கப்படும் பிரம்மச்சரியம் இன்று பெரும்பாலும் பாலியல் ஆற்றலை மிதமான மற்றும் பொறுப்புடன் பயன்படுத்துவதற்கான நடைமுறையாகப் புரிந்து கொள்ளப்படுகிறது. இது நமது ஆசைகள் மற்றும் உறவுகளில் சமநிலை மற்றும் கவனம் செலுத்துவதை ஆதரிக்கிறது, சுய கட்டுப்பாடு மற்றும் கவனத்துடன் வாழ்வதை ஊக்குவிக்கிறது.

உரிமை இல்லா பெண்களோடு எப்பொழுதும் உறவு கூடாது 

விபச்சாரத்திற்கு நெருங்காதீர்கள்! அது வெட்கக்கேடானதாகவும், தீய வழியாகவும் இருக்கிறது. (அல்குர்ஆன்: 17:32)

ஆனால், அவர்கள் தங்கள் மனைவிகளிடமோ அல்லது தங்கள் வலக்கரம் சொந்தமாக்கிக் கொண்டவர்களிடமோ தவிர - (இவர்களிடம் உறவு கொள்வது கொண்டும்) நிச்சயமாக அவர்கள் பழிக்கப்படமாட்டார்கள். (23:6)

 மனைவியாக இருந்தாலும் சில நேரங்களில் விலகி இரு 

ஒருவர் வேண்டுமென்று உண்பதும், குடிப்பதும், பகல் நேரத்தில் உடலுறவு கொள்வதும் நோன்பை முறிக்கும். - நூல்: அபூதாவூத்

 மாதவிடாய் பற்றியும் உம்மிடம் வினவுகிறார்கள்; நீர் கூறும்: “அது (ஓர் உபாதையான) தீட்டு ஆகும்; ஆகவே மாதவிடாயின் போது பெண்களை விட்டும் விலகியிருங்கள்; அவர்கள் தூய்மையாகும் வரை அவர்களை அணுகாதீர்கள்; அவர்கள் தூய்மையடைந்த பின் அல்லாஹ் எப்படி கட்டளையிட்டிருக்கின்றானோ அதன்படி அவர்களிடம் செல்லுங்கள்; பாவங்களைவிட்டு மீள்பவர்களை நிச்சயமாக அல்லாஹ் நேசிக்கிறான்; இன்னும் தூய்மையாக இருப்போரையும் நேசிக்கின்றான்.” (2:222)

அபரிகிரஹம் (சொந்தமாக்காமை): அபரிகிரஹம் பொருள் உடைமைகள் மற்றும் ஆசைகள் மீது பற்றின்மையைக் கற்பிக்கிறது. இது எளிமையை ஊக்குவிக்கிறது மற்றும் உண்மையான மனநிறைவு வெளிப்புறக் குவிப்பிலிருந்து அல்ல, உள்ளிருந்து வருகிறது என்பதைப் புரிந்துகொள்ள உதவுகிறது.

நிச்சயமாக, யார் அநாதைகளின் சொத்துக்களை அநியாயமாக விழுங்குகிறார்களோ அவர்கள் தங்கள் வயிறுகளில் விழுங்குவதெல்லாம் நெருப்பைத்தான் - இன்னும் அவர்கள் (மறுமையில்) கொழுந்து விட்டெறியும் (நரக) நெருப்பிலேயே புகுவார்கள். (குர்ஆன் 4:10)

அப்படியல்ல! நீங்கள் அநாதையைக் கண்ணியப்படுத்துவது இல்லை. ஏழைக்கு உணவளிக்குமாறு தூண்டுவதில்லை. இன்னும் (பிறருடைய) அனந்தரச் சொத்துக்களையும் (சேர்த்து) உண்டு வருகின்றீர்கள். இன்னும், பொருளை அளவு கடந்து பிரியத்துடன் நேசிக்கின்றீர்கள். (குர்ஆன் 89:17-20) 

நம்பிக்கைக் கொண்டோரே! உங்களுக்கிடையே, உங்கள் பொருள்களை தவறான முறையில் உண்ணாதீர்கள்! திருப்தியுடன் நடக்கும் வியாபாரத்தைத் தவிர.  (குர்ஆன் 4:29) 

வட்டியை உண்போர் (மறுமை நாளில்) ஷைத்தான் தீண்டியவனைப் போல் பைத்தியமாக எழுவார்கள். 'வியாபாரம் வட்டியைப் போன்றதே' என்ற அவர்கள் கூறியதே இதற்குக் காரணம். அல்லாஹ் வியாபாரத்தை அனுமதித்து வட்டியை தடைசெய்து விட்டான். (குர்ஆன் 2:275)

உங்களுக்கிடையே உங்கள் பொருட்களைத் தவறான முறையில் உண்ணாதீர்கள்! தெரிந்து கொண்டே மக்களின் பொருட்களில் ஒரு பகுதியைப் பாவமான முறையில் சாப்பிடுவதற்காக அதிகாரிகளிடம் உங்கள் பொருட்களைக் (இலஞ்சம்) கொண்டு செல்லாதீர்கள! (குர்ஆன் 2:188)

2. நியாமா: தனிப்பட்ட அனுசரிப்புகள்

இரண்டாவது அங்கமான நியாமா, ஒழுக்கமான மற்றும் ஆரோக்கியமான வாழ்க்கை முறையை ஆதரிக்கும் தனிப்பட்ட ஒழுக்கங்கள் மற்றும் நடைமுறைகளில் கவனம் செலுத்துகிறது. யமா மற்றவர்களுடனான நமது தொடர்புகளைப் பற்றி பேசுகையில், நியாமா நமது உள் மனப்பான்மைகள் மற்றும் நடத்தைகளைப் பற்றியது. நியாமாக்கள்:

சௌச்சா (சுத்தம்): சௌச்சா உடல் மற்றும் மனம் இரண்டிலும் தூய்மை மற்றும் தூய்மையை வலியுறுத்துகிறது. இது உடல் சுகாதாரத்தைப் பராமரிப்பதையும் மன மற்றும் உணர்ச்சித் தெளிவை வளர்ப்பதையும் உள்ளடக்கியது. சௌச்சாவைப் பயிற்சி செய்வது ஆன்மீக வளர்ச்சி மற்றும் உள் அமைதிக்கு உகந்த சூழலை உருவாக்க உதவுகிறது.

உடல் சுத்தம்  

நபி (ஸல்) அவர்கள் கூறியதாக அபூமாலிக் அல்அஷ்அரீ ரழியல்லாஹு அன்ஹு கூறினார்கள் : 'சுத்தம் இறைநம்பிக்கையில்  பாதியாகும். 'الحمد لله' (எல்லாப் புகழும் அல்லாஹ்வுக்கே) என்று கூறுவது மீஸானின் நன்மையின் தட்டை நிரப்புகின்றது. 'سبحان الله' (அல்லாஹ் மிகத்தூய்மையானவன்) 'الحمد لله' ஆகிய இரண்டுமோ அல்லது ஒன்றோ, வானத்திற்கும் பூமிக்கும் இடையே இருப்பதை நிரப்பி விடுகின்றது. தொழுகை ஒளியாகும். தர்மம் அத்தாட்சியாகும், பொறுமை பிரகாசமாகும். திருக்குர்ஆன் உனக்கு சாதகமான அல்லது பாதகமான ஒரு ஆதாரமாகும்; தனது நாளைத் துவங்கும் ஒவ்வொரு மனிதனும் தனது ஆன்மாவை பேரத்தில் விடுகின்றான். ஒன்று அதற்கு விடுதலையைத் தேடித் தந்திருக்கின்றான். அல்லது அதற்கு அழிவைத் தேடித் தருகின்றான்' - (முஸ்லிம் 223)

 பேராசான் பெருமானார் (ஸல்) அவர்கள் கூறினார்கள். ( خَمْسُ صَلَوَاتٍ افْتَرَضَهُنَّ اللَّهُ تَعَالَى مَنْ أَحْسَنَ وُضُوءَهُنَّ وَصَلَّاهُنَّ لوقتهن وَأتم ركوعهن خشوعهن كَانَ لَهُ عَلَى اللَّهِ عَهْدٌ أَنْ يَغْفِرَ لَهُ وَمَنْ لَمْ يَفْعَلْ فَلَيْسَ لَهُ عَلَى اللَّهِ عَهْدٌ إِنْ شَاءَ غَفَرَ لَهُ وَإِنْ شَاءَ عَذَّبَهُ ) (ஒரு நாளில்) ஐந்து வேளை தொழுகையைத்தான் அல்லாஹ் கடமையாக்கியுள்ளான்; அவற்றுக்காக அழகிய முறையில் (அங்கத்தூய்மை) செய்து, அவற்றுக்குரிய நேரத்தில் ஒரு ருகூஉவையும் இறையச்சத்தையும் முழுமையாக கடைப்பிடித்து தொழுதால் அவரை மன்னிப்பதாக அல்லாஹ் வாக்களித்துள்ளான். அவ்வாறு செய்யவில்லையென்றால், அல்லாஹ்வின் வாக்குறுதி அவருக்கு இல்லை. அல்லாஹ் நாடினால் அவரை மன்னிப்பான்; அவன் நாடினால் அவரைத் தண்டிப்பான். அறிவிப்பாளர்:- உபாதா பின் அஸ்ஸாமித் (ரலி) அவர்கள் (நூல்:- அபூதாவூத்-361, நசாயீ457, முவத்தா மாலிக், முஸ்னது அஹ்மத், மிஷ்காத்-570)

மனத்தூய்மை  

இன்னும் (மனிதர்கள் உயிர் கொடுத்து) எழுப்பப்படும் நாளில் என்னை நீ இழிவுக்குள்ளாக்காதிருப்பாயாக!. அந்நாளில் செல்வமும், பிள்ளைகளும் (யாதொரு) பயனுமளிக்க மாட்டா. எவரொருவர் பரிசுத்த இருதயத்தை அல்லாஹ்விடம் கொண்டு வருகிறாரோ அவர் (கண்ணியம் அடைவார்). - (குர்ஆன் 26:87-89)

 மனிதர்களே! நீங்கள் உங்களையும் உங்களுக்கு முன்னிருந்தோரையும் படைத்த உங்கள் இறைவனையே வணங்குங்கள். (அதனால்) நீங்கள் தக்வா (இறையச்சமும்; தூய்மையும்) உடையோராகலாம். (குர்ஆன் 2:21)

“எங்கள் இறைவனே! அவர்களிடையே உன்னுடைய வசனங்களை ஓதிக் காண்பித்து; அவர்களுக்கு வேதத்தையும், ஞானத்தையும் கற்றுக் கொடுத்து; அவர்களைத் தூய்மைப்படுத்தக் கூடிய ஒரு தூதரை அவர்களிலிருந்தே எழுந்திடச் செய்வாயாக - நிச்சயமாக நீயே வல்லமை மிக்கோனுமாகவும், பெரும் ஞானமுடையோனாகவும் இருக்கின்றாய்.” (2:129)

ஈமான் கொண்டவர்களே! நீங்கள் (நம்) தூதருடன் இரகசியம் பேச நேரிட்டால் உங்கள் இரகசியத்திற்கு முன்னர் ஏதேனும் தான தர்மத்தை முற்படுத்துங்கள். இது உங்களுக்கு, நன்மையாகவும், (உள்ளத்திற்குத்) தூய்மையாகவும் இருக்கும், ஆனால் (தான தர்மம் செய்வதற்கு) நீங்கள் வசதிபெற்றிராவிடின் - நிச்சயமாக அல்லாஹ் மிக மன்னிப்பவன்; மிக்க கிருபையுடையவன். (58:12)

சந்தோஷா (மனநிறைவு): சந்தோஷா நம்மிடம் இருப்பதை மனநிறைவு மற்றும் ஏற்றுக்கொள்வதை ஆதரிக்கிறார். வெளிப்புற சூழ்நிலைகளைப் பொருட்படுத்தாமல், எளிமையில் மகிழ்ச்சியைக் காணவும், உள் திருப்தி உணர்வை வளர்த்துக் கொள்ளவும் இது நம்மை ஊக்குவிக்கிறது.

நேர் வழி பெறும் அவர்கள் எத்தகையோரென்றால், அவர்கள் தாம் முற்றிலும் ஈமான் கொண்டவர்கள்; மேலும், அல்லாஹ்வை நினைவு கூர்வதால் அவர்களுடைய இதயங்கள் அமைதி பெறுகின்றன; அல்லாஹ்வை நினைவு கூர்வது கொண்டு தான் இதயங்கள் அமைதி பெறுகின்றன என்பதை அறிந்து கொள்க! [அல்குர்ஆன் 13:28]

 "... மேலும் அல்லாஹ் பொறுமையாளர்களை நேசிக்கிறான். (அல்குர்ஆன், 3:146)

"அவர்கள் சுகத்திலும் கஷ்டத்திலும் (அல்லாஹ்வின் பாதையில்) செலவு செய்கிறார்கள், கோபத்தை அடக்குகிறார்கள், மக்களை மன்னிப்பார்கள் - மேலும் அல்லாஹ் நன்மை செய்பவர்களை நேசிக்கிறான்." (அல்குர்ஆன் 3:134)

அல்லாஹ், உங்கள் வீடுகளை உங்களுக்கு நிம்மதியளிப்பதாக ஆக்கியுள்ளான். (அல்குர்ஆன்: 16:80)

தன் தூதர்மீதும், இறைநம்பிக்கையாளர்கள் மீதும் அல்லாஹ் தனது அமைதியை இறக்கினான். (அல்குர்ஆன்: 9:26)

தப (சுய ஒழுக்கம்): தப என்பது சுய ஒழுக்கத்தையும் சவால்களைத் தாங்கும் விருப்பத்தையும் குறிக்கிறது. இந்தக் கொள்கை, தனிப்பட்ட மற்றும் ஆன்மீக இலக்குகளை அடைய உள் வலிமையையும் விடாமுயற்சியையும் வளர்ப்பதையும், ஒழுக்கமான முயற்சியின் மூலம் வளர்ச்சியை வளர்ப்பதையும் உள்ளடக்கியது.

வலிமை 

அல்லாஹ்வின் தூதர் (ஸல்) அவர்கள் கூறினார்கள் :பலமான இறைநம்பிக்கையாளர், பலவீனமான இறைநம்பிக்கையாளரைவிடச் சிறந்த வரும் அல்லாஹ்வுக்கு மிகவும் விருப்பமான வரும் ஆவார். ஆயினும், அனைவரிடமும் நன்மை உள்ளது. உனக்குப் பயனளிப்பதையே நீ ஆசைப்படு. இறைவனிடம் உதவி தேடு. நீ தளர்ந்துவிடாதே. உனக்கு ஏதேனும் துன்பம் ஏற்படும்போது, “நான் (இப்படிச்) செய்திருந்தால் அப்படி அப்படி ஆயிருக்குமே!” என்று (அங்கலாய்த்துக்) கூறாதே. மாறாக, “அல்லாஹ்வின் விதிப்படி நடந்துவிட்டது. அவன் நாடியதைச் செய்துவிட்டான்” என்று சொல். ஏனெனில், (“இப்படிச் செய்திருந்தால் நன்றாயிருந்திருக்குமே’ என்பதைச் சுட்டும்) “லவ்’ எனும் (வியங்கோள் இடைச்)சொல்லானது ஷைத்தானின் செயலுக்கே வழி வகுக்கும். அறிவிப்பவா் : உக்பா பின் ஆமிர் (ரலி), (நுால் :முஸ்லிம்  5178)

முயற்சி 

மூஸா, முழுமையாக நிறைவேற்றிய இப்ராஹீம் ஆகியோரின் ஏடுகளில் ஒருவர் மற்றவரின் சுமையைச் சுமக்க மாட்டார்; மனிதனுக்கு அவன் முயற்சித்தது தவிர வேறு இல்லை என்று இருப்பது அவனுக்கு அறிவிக்கப் படவில்லையா? அவனது உழைப்பு (மறுமையில்) காட்டப்படும். (அல்குர்ஆன்: 53:36-40)

ஒழுக்கம் 

அவர்கள் (எத்தகையோரென்றால்) பெரும் பாவங்களையும், மானக்கேடானவற்றையும், தவிர்த்துக் கொண்டு, தாம் கோபம் அடையும் பொழுதும் மன்னிப்பார்கள்.  (குர்ஆன் 42:37)

நீர் கூறுவீராக: என் இறைவன் நிச்சயமாகத் தடை செய்தவை: வெட்கக்கேடான செயல்கள், அவை வெளிப்படையானவை அல்லது இரகசியமானவை; பாவங்கள் மற்றும் உண்மை அல்லது பகுத்தறிவுக்கு எதிரான மீறல்கள்; அல்லாஹ் எந்த அதிகாரமும் வழங்காதவற்றை அவனுக்கு இணை வைப்பது; அல்லாஹ்வைப் பற்றி நீங்கள் அறியாதவற்றைச் சொல்வது. [அல்-குர்ஆன் 7:33] 

"நற்செயல் என்பது உங்களுடைய முகங்களைக் கிழக்கு நோக்கியோ மேற்கு நோக்கியோ திருப்புவதல்ல! மாறாக அல்லாஹ்வையும், இறுதி நாளையும், வானவர்களையும், வேதங்களையும், நபிமார்களையும் ஒருவன் முழுமையாக நம்புவதும் மேலும் (அல்லாஹ்வின் மீதுள்ள நேசத்தின் காரணமாகத்) தமக்கு விருப்பமான பொருளை உறவினர்களுக்கும், அநாதைகளுக்கும், வறியவர்களுக்கும், வழிப்போக்கருக்கும், யாசிப்போருக்கும், அடிமைகளை மீட்பதற்கும் வழங்குவதும், மேலும் தொழுகையை நிலைநாட்டி, ஜகாத்தைக் கொடுத்து வருவதுமே நற்செயல்களாகும். மேலும், வாக்குறுதி அளித்தால் தம் வாக்குறுதிகளை நிறைவேற்றுபவர்களும், வறுமை மற்றும் துன்பங்களின் போதும் சத்தியத்திற்கும், அசத்தியத்திற்கும் நடக்கும் போராட்டத்தின் போதும் பொறுமையுடன் நிலைத்து இருப்பவர்களுமே புண்ணியவான்கள் ஆவர்! இவர்களே உண்மையாளர்கள்; மேலும் இவர்களே இறையச்ச முடையவர்கள்." [அல்-குர்ஆன் 2:177]

ஸ்வாத்யாயா (சுய ஆய்வு): ஸ்வாத்யாயா என்பது சுய சிந்தனை மற்றும் ஆன்மீக நூல்கள் அல்லது போதனைகளைப் படிப்பதை உள்ளடக்கியது. இது நம்மைப் பற்றியும் பிரபஞ்சத்துடனான நமது தொடர்பைப் பற்றியும் நமது புரிதலை ஆழப்படுத்த ஊக்குவிக்கிறது, தனிப்பட்ட வளர்ச்சி மற்றும் நுண்ணறிவை ஊக்குவிக்கிறது.

உமர் ரழி அவர்கள் கூறினார்கள் "நீங்கள் விசாரிக்கப்படு முன்னர் உங்களை நீங்களே விசாரித்துக் (முஹாஸபா செய்து) கொள்ளுங்கள். உங்களது செயற்பாடுகள் மறுமையில் நிறுக்கப்படுவதற்கு முன்னர் நீங்களாகவே எடை போட்டுப் பாருங்கள்" என்று குறிப்பிட்டு உள்ளார்கள். ஒவ்வொருவரும் ஒருநாளில் அல்லாஹ்வின் கட்டளைகளுக்கு எந்தளவு கட்டுப்பட்டு வாழ்ந்தோம், இன்னும் அல்லாஹ்வினால் விலக்கப்பட்ட அம்சங்களிலிருந்து எந்தளவு விலகி நடந்து கொண்டோம் என்பது பற்றித் தன்னைத் தானே வினவிக் கொள்வதே "முஹாஸபா" வாகும். நபியவர்கள் கூறினார்கள் "ஒரு காலம் வரும், அக்காலத்தில் நரகத்தின் வாயில்களிலிருந்து அழைக்கும் அழைப்பாளர்கள் தோன்றுவார்கள். அவர்களுக்கு சாதகமாக பதிலளிப்பவர்களை அவர்கள் நரகத்தினுள் எறிந்து விடுவார்கள்... "(புஹாரி).

ஈஸ்வர பிராணிதானம் (தெய்வீகத்திடம் சரணடைதல்): ஈஸ்வர பிராணிதானம் என்பது உயர்ந்த சக்தி அல்லது தெய்வீகக் கொள்கைக்கு சரணடைவது பற்றியது. இது ஈகோவால் இயக்கப்படும் ஆசைகளை விட்டுவிட்டு, உயர்ந்த ஞானம் அல்லது உலகளாவிய ஒழுங்கில் நம்பிக்கை வைத்து, பணிவு மற்றும் நம்பிக்கையை வளர்க்க நம்மை அழைக்கிறது.

நம்பிக்கையாளர்களே! நீங்கள் அல்லாஹ்வை அவனுக்கு பயப்படவேண்டிய முறைப்படி உண்மையாக பயப்படுங்கள். (முற்றிலும் அவனுக்கு வழிப்பட்டவர்களாக) முஸ்லிம்களாகவே தவிர நீங்கள் இறந்துவிட வேண்டாம். (அல்குர்ஆன் 3 : 102) 

(இறைவா!) உன்னையே நாங்கள் வணங்குகிறோம்; உன்னிடமே நாங்கள் உதவியும் தேடுகிறோம். (1:5)

நம்பிக்கை கொண்டோர் அல்லாஹ்விடமே பொறுப்புச்சாட்ட வேண்டும்.” (ஆலு இம்ரான் 122.) 

இவர்கள்தான் நம் வசனங்களை நம்பிக்கை கொண்டு (நமக்கு) முற்றிலும் பணிந்து வழிபட்டு நடப்பவர்கள். (43:69)

3. ஆசனம்: உடல் தோரணைகள்

அஷ்டாங்க யோகாவின் மூன்றாவது அங்கம் ஆசனங்கள் ஆகும், இது உடல் தோரணைகள் அல்லது யோகா ஆசனங்களின் பயிற்சியில் கவனம் செலுத்துகிறது. நவீன சூழல்களில், அஷ்டாங்க யோகாவிற்குள் உள்ள ஆசனங்கள் பெரும்பாலும் அவற்றின் உடல் நன்மைகளுக்காக சிறப்பிக்கப்படுகின்றன, ஆனால் பதஞ்சலியின் அசல் கட்டமைப்பு ஆசனங்களை தியானத்திற்கு உடலை தயார்படுத்துவதற்கான ஒரு வழிமுறையாக வைத்தது. இந்த அஷ்டாங்கங்களின் பயிற்சிஸஓகா ஆசனங்கள்பல நோக்கங்களுக்கு உதவுகிறது:

தொழுகையில் நிற்க (கையும்)

நபி (ஸல்) அவர்கள் தொழுகைக்கு நிற்கும் போது இரு கைகளையும் (மூடாமல்) நீட்டுவார்கள். அறிவிப்பவர்: அபூஹுரைரா (ரலி)  (நூல்கள்: திர்மிதீ 223, அபூதாவூத்643, நஸயீ 873, அஹ்மத் 85)

 நபி (ஸல்) அவர்கள் தொழுகையில் நின்ற போது... தங்களது வலக்கையால் இடக்கையைப் பிடித்திருந்ததை நான் பார்த்தேன். அறிவிப்பவர்: வாயில் பின் ஹுஜ்ர் (ரலி) (நூல்: அபூதாவூத் 624)

 குனிந்து நிற்க (ருகூ)

ருகூவிலும், ஸஜ்தாவிலும் எவர் தமது முதுகை (வளைவின்றி) நேராக நிறுத்தவில்லையோ அவரது தொழுகை செல்லாது' என்று நபி (ஸல்) அவர்கள் கூறினார்கள். அறிவிப்பவர்: அபூமஸ்வூத் அல்அன்சாரீ (ரலி) (நூல்கள்: திர்மிதீ 245, நஸயீ 1017, அபூதாவூத் 729, இப்னுமாஜா 860, தாரமீ 129)

நெற்றியை தரையில் வைக்க (சுஜூத்)

'நெற்றி, இரு கைகள், இரண்டு மூட்டுக் கால்கள், இரண்டு பாதங்களின் முனைகள் ஆகிய ஏழு உறுப்புகள் (தரையில்) படுமாறு ஸஜ்தாச் செய்யும்படி நான் கட்டளையிடப்பட்டுள்ளேன் - நெற்றியைக் குறிப்பிடும் போது தமது கையால் மூக்கையும் சேர்த்து அடையாளம் காட்டினார்கள் - ஆடையோ முடியோ (தரையில் படாதவாறு) தடுக்கக் கூடாது' என்று நபி (ஸல்) அவர்கள் கூறினார்கள் . அறிவிப்பவர்: இப்னு அப்பாஸ் (ரலி) (நூல்: புகாரீ 812)

அமர்க (ஜூல்ஸ்) 

நபி (ஸல்) அவர்கள் ஒற்றையான ரக்அத்களை நிறைவேற்றி விட்டு எழும் போது உட்காராமல் நிலைக்கு வர மாட்டார்கள். அறிவிப்பவர்: மாலிக் பின் அல்ஹுவைரிஸ் (ரலி) (நூல்: புகாரீ 823)

உடல் வலிமை மற்றும் நெகிழ்வுத்தன்மையை வளர்த்துக் கொள்ளுங்கள்: ஆசனங்களைத் தொடர்ந்து பயிற்சி செய்வது வலிமை, நெகிழ்வுத்தன்மை மற்றும் சமநிலையை மேம்படுத்துவதன் மூலம் உடல் ஆரோக்கியத்தை மேம்படுத்துகிறது. அஷ்டாங்க யோகா ஆசனங்கள் ஒட்டுமொத்த உடல் நலனை ஆதரிப்பதற்கும், நீண்ட கால தியானத்திற்கு உடலைத் தயார்படுத்துவதற்கும் வடிவமைக்கப்பட்டுள்ளன.

“ஹஜ்ரத் அபூபக்ர் (ரலி) அவர்கள் ஒரு முறை பிரசங்கம் நிகழ்த்தும் போது, “கடந்த வருடம் பெருமானார் (ஸல்) அவர்கள் நான் நிற்கும் இதே இடத்தில் (பிரசங்கம் செய்ய) நின்றிருந்தார்கள்’’ என்று கூறி அழ ஆரம்பித்தார்கள். பிறகு “அல்லாஹ்விடம் சுகத்தைக் கேளுங்கள். ஏனேனில், இறை நம்பிக்கைக்குப் பிறகு சுகத்தைவிட சிறந்த பாக்கியம் யாருக்கும் கொடுக்கப்படவில்லை’’ (முஸ்னத் அஹ்மத்) 

 ஹஸ்ரத் அலீ (ரலி) அவர்கள் அறிவிக்கிறார்கள்:“அல்லாஹ்வின் தூதர் (ஸல்) அவர்கள் நடந்தால், மேடான பகுதியிலிருந்து கீழே இறங்கும்பொழுது எவ்வளவு வேகம் இருக்குமோ அவ்வளவு வேகமும், அவர்களின் கால்களுக்கு அவ்வளவு பலமும் இருக்கும்.” (திர்மிதீ)

அல்லாஹ்வின் தூதர் (ஸல்) அவர்கள் கூறினார்கள்: “அம்பெறிதலையும், குதிரையேற்றத்தையும் கற்றுக்கொள்ளுங்கள்.” (முஸ்லிம்)

தியானத்திற்கு உடலைத் தயார்படுத்துங்கள்: ஆசனங்கள் உடல் ஆறுதலையும் நிலைத்தன்மையையும் ஊக்குவிக்கின்றன, பயிற்சியாளர்கள் தியானத்தின் போது நீண்ட நேரம் வசதியாக உட்கார உதவுகிறது. இந்தத் தயாரிப்பு ஆழமான தியான அனுபவங்களுக்கு சரியான நிலைமைகளை உருவாக்க உதவுகிறது.

நீ தொழுகைக்காக நின்றால் நன்றாக உளுச் செய்து கொள்! பின்னர் கிப்லாபை நோக்கி நின்று, 'அல்லாஹு அக்பர்' என்று தக்பீர் கூறிக் கொள்! பின் (மெதுவாக) ருகூவு செய்! பின்னர் எழுந்து நேராக உனக்குத் திருப்தி ஏற்படும் வகையில் நிதானமாக நின்று கொள்! பின்னர் தலையை உயர்த்தி நன்றாக அமர்ந்து கொள்! பின்னர் திருப்தியாக ஸஜ்தா செய்து கொள்! பின்னர் இதேபோன்று உனக்குத் திருப்தி ஏற்படும் வரையில் தொழுகை முழுவதும் (ஒவ்வொரு ரக்அத்திலும்) செய்து கொள்! என்று நபி(ஸல்) அவர்கள் கூறினார்கள் என அபூஹுரைரா(ரலி) அறிவிக்கிறார். (புகாரி, முஸ்லிம், அஹ்மத், அபூதாவூத், திர்மிதீ, நஸாயீ மற்றும் இப்னு மாஜா)

மனக் கவனத்தை மேம்படுத்துதல்: ஆசனப் பயிற்சி ஆழ்ந்த தியானப் பயிற்சிகளுக்கு அவசியமான செறிவு மற்றும் நினைவாற்றலை வளர்க்கிறது. உடல் ஆசனங்களில் கவனம் செலுத்துவதன் மூலம், பயிற்சியாளர்கள் தங்கள் கவனத்தை செலுத்தவும் மனத் தெளிவைப் பராமரிக்கவும் கற்றுக்கொள்கிறார்கள். 

யார் நான் செய்ததை போல இந்த அழகிய முறையில் உளூச் செய்து இரண்டு ரக்அத்துகளை தொழுவாரோ, அந்த தொழுகையில் தனது உள்ளத்தில் அவர் எந்தவிதமான பேச்சுகளையும் பேசவில்லையோ, தொழுகையில் வீணான எண்ணங்களை அவர் கொண்டு வரவில்லையோ அவருடைய முந்தைய பாவங்களை அல்லாஹ் மன்னித்து விடுவான். அறிவிப்பாளர் : ஹம்ரான் ரழியல்லாஹு அன்ஹு, (நூல் : புகாரி 164.)

4. பிராணயாமா: சுவாசக் கட்டுப்பாடு

நான்காவது அங்கமான பிராணயாமம், சுவாசத்தை ஒழுங்குபடுத்துதல் மற்றும் கட்டுப்படுத்துதல் ஆகியவற்றை உள்ளடக்கியது. "பிராண" என்பது உயிர் சக்தி அல்லது சக்தியைக் குறிக்கிறது, மேலும் "அயமா" என்பது நீட்டிப்பு அல்லது கட்டுப்பாடு என்பதைக் குறிக்கிறது. மூலம் பிராணயாமம், பயிற்சியாளர்கள் நோக்கமாகக் கொண்டுள்ளனர்:

உயிர் சக்தியை மேம்படுத்துதல்: சுவாசத்தை ஒழுங்குபடுத்துவது உடல் முழுவதும் பிராணனின் ஓட்டத்தை அதிகரிக்கிறது, ஒட்டுமொத்த உயிர்ச்சக்தி மற்றும் நல்வாழ்வை மேம்படுத்துகிறது. பிராணயாமா உடலின் ஆற்றல் மட்டங்களை சமநிலைப்படுத்த உதவுகிறது மற்றும் உடல் ஆரோக்கியத்தை ஆதரிக்கிறது.

 மேலும், இம்ரானின் மகள் மர்யம், அவள் தன் கற்பைப் பாதுகாத்துக் கொண்டாள், அதனால் நாம் அவளுக்குள் நம்முடைய வஹீயை ஊதினோம், அவள் தன் இறைவனின் வார்த்தைகளையும் அவனுடைய வேதங்களையும் உண்மையாக ஏற்றுக்கொண்டாள், அவள் கீழ்ப்படிந்தவர்களில் ஒருத்தியானாள்" (அல்குர்ஆன்: 66:12) .

மனதை அமைதிப்படுத்துங்கள்: கட்டுப்படுத்தப்பட்ட சுவாசம் மனதை அமைதிப்படுத்தவும் மன அழுத்தத்தைக் குறைக்கவும் உதவுகிறது. பிராணயாமா அதிக கவனம் செலுத்தும் மற்றும் அமைதியான மனநிலையை வளர்க்கிறது, தியானத்திற்கு உகந்த சூழலை உருவாக்குகிறது.

துணை தியானம்: பிராணயாமம் ஒரு சமநிலையான மற்றும் மையப்படுத்தப்பட்ட நிலையை உருவாக்குவதன் மூலம் மனதையும் உடலையும் தியானத்திற்கு தயார்படுத்துகிறது. சுவாசக் கட்டுப்பாட்டின் மூலம், பயிற்சியாளர்கள் கவனத்தைத் தக்கவைத்து, ஆழமான விழிப்புணர்வு நிலைகளை அடையும் திறனை வளர்த்துக் கொள்கிறார்கள்.

 (நேர் வழி பெறும்) அவர்கள் எத்தகையோரென்றால், அவர்கள் தாம் (முற்றிலும்) ஈமான் கொண்டவர்கள்; மேலும், அல்லாஹ்வை நினைவு கூர்வதால் அவர்களுடைய இதயங்கள் அமைதி பெறுகின்றன; அல்லாஹ்வை நினைவு கூர்வது கொண்டு தான் இதயங்கள் அமைதி பெறுகின்றன என்பதை அறிந்து கொள்க! (அல்-குர்ஆன் 13:28) 

5. பிரத்யாஹாரம்: புலன்களை விலக்குதல்.

அஷ்டாங்க யோகாவின் ஐந்தாவது அங்கமான பிரத்யாஹாரம், புலன்களை வெளிப்புற கவனச்சிதறல்களிலிருந்து விலக்கி உள்நோக்கி கவனம் செலுத்துவதை உள்ளடக்கியது. புலன் பற்றின்மையின் இந்த பயிற்சி உதவுகிறது:

வெளிப்புற கவனச்சிதறல்களைக் குறைத்தல்: உள்நோக்கி கவனம் செலுத்துவதன் மூலமும், புலன் உள்ளீடுகளைக் குறைப்பதன் மூலமும், பயிற்சியாளர்கள் அதிக உள் விழிப்புணர்வையும் செறிவையும் வளர்த்துக் கொள்கிறார்கள். பிரத்யாஹாரா வெளிப்புற குறுக்கீடு இல்லாத இடத்தை உருவாக்க உதவுகிறது.

உள்நோக்கி கவனம் செலுத்து

 

இன்னும், (நபியே!) அவர்களில் (சிலர்) ஒரு வியாபாரத்தையோ, அல்லது ஒரு வேடிக்கையையோ, கண்டால், அதன்பால் அவர்கள் சென்று விடுகின்றனர். மேலும், நின்ற வண்ணமே உம்மை விட்டுவிடுகின்றனர்; “அல்லாஹ்விடத்தில் இருப்பது, வேடிக்கையை விடவும் வியாபாரத்தை விடவும் மிகவும் மேலானதாகும்; மேலும் அல்லாஹ் உணவளிப்பவர்களில் மிகவும் மேலானவன்” என்று (நபியே!) நீர் கூறுவீராக. (குர்ஆன் 62:11) 

அதிக உள் விழிப்புணர்வையும் செறிவையும் வளர்த்துக் கொள்

நீங்கள் வேதத்தையும் ஓதிக் கொண்டே, (மற்ற) மனிதர்களை நன்மை செய்யுமாறு ஏவி, தங்களையே மறந்து விடுகிறீர்களா? நீங்கள் சிந்தித்துப் புரிந்து கொள்ள வேண்டாமா? (குர்ஆன் 2:44)

தியானத்தை எளிதாக்குங்கள்: வெளிப்புற கவனச்சிதறல்கள் இல்லாமல் உள் அனுபவங்களை ஆராயக்கூடிய ஒரு இடத்தை உருவாக்குவதன் மூலம் பிரத்யாஹாரம் மனதை ஆழமான தியானத்திற்கு தயார்படுத்துகிறது. இது வெளிப்புறத்திலிருந்து உள் கவனத்திற்கு மாறுவதை ஆதரிக்கிறது.

ஆழமான தியானம்  

நிச்சயமாக எவர்கள் தங்கள் இறைவனை(ப் பார்க்காதிருந்தும்) அந்தரங்கத்தில் அவனுக்கு அஞ்சுகிறார்களோ, அவர்களுக்கு மன்னிப்புமுண்டு, பெரிய நற்கூலியும் உண்டு (அல்-குர்ஆன் 67:12)

சுய விழிப்புணர்வை மேம்படுத்துதல்: இந்தப் பயிற்சி சுயபரிசோதனை மற்றும் ஒருவரின் எண்ணங்கள் மற்றும் உணர்ச்சிகளைப் பற்றிய ஆழமான புரிதலை ஊக்குவிக்கிறது. பிரத்யாஹாரா பயிற்சியாளர்கள் தங்கள் உள் உலகத்தைப் பற்றிய நுண்ணறிவைப் பெறவும் சுய விழிப்புணர்வை வளர்க்கவும் உதவுகிறது.

அல்லாஹ் உங்களுடைய செவிப்புலனையும், பார்க்கும் சக்தியையும் எடுத்துவிட்டு, உங்கள் இருதயங்களின் மீது முத்திரையிட்டு விடுவானானால் - அதை உங்களுக்கு அல்லாஹ்வையன்றி வேறு எந்த இறைவன் கொடுப்பான்? என்று நீங்கள் (சிந்தித்துப்) பார்த்தீர்களா?" என்று (நபியே!) நீர் கேட்பீராக, (நம்) அத்தாட்சிகளை எவ்வாறு விவரிக்கின்றோம் என்பதை (நபியே!) நீர் கவனிப்பீர்ராக (இவ்வாறு இருந்தும); பின்னரும் அவர்கள் புறக்கணித்தே வருகின்றனர். (குர்ஆன் 6:46) 

6. தாரணா: செறிவு

தாரணை என்பது ஆறாவது அங்கமாகும், இது ஒருமுகப்படுத்துதல் அல்லது ஒருமுகப்படுத்தப்பட்ட கவனத்தைப் பயிற்சி செய்வதாகும். இது ஒற்றைக் கூர்மையாக கவனம் செலுத்த மனதைப் பயிற்றுவிப்பதை உள்ளடக்கியது, இது இதற்கு மிகவும் முக்கியமானது:

மன ஒழுக்கத்தை வளர்ப்பது: தாரணை மனதின் ஒருமுகப்படுத்தும் திறனை வலுப்படுத்துகிறது, மன தெளிவு மற்றும் நிலைத்தன்மையை அதிகரிக்கிறது. இது மனதை ஒருமுகப்படுத்தப்பட்ட ஒரு புள்ளியில் கவனத்தை நிலைநிறுத்த பயிற்சி அளிக்கிறது.

மனதை ஒருமுகப்படுத்து  

(கவனமற்ற) தொழுகையாளிகளுக்கும் கேடுதான். அவர்கள் எத்தகையவர்கள் என்றால் தங்கள் தொழுகைகளை விட்டும் மறந்தவர்களாக இருக்கிறார்கள். (திருக்குர்ஆன்:- 107:4, 5)

தியானத்திற்கு (தியானம்) தயாராகுதல்: செறிவு என்பது தியானத்திற்கு முன்னோடியாகும். தாரணை என்பது மனதைத் தேர்ந்தெடுத்த பொருள் அல்லது சிந்தனையில் கவனம் செலுத்தப் பயிற்சி அளிப்பதன் மூலம் தியான நிலைகளை ஆழப்படுத்தவும் நிலைநிறுத்தவும் உதவுகிறது.

பேராசான் பெருமானார் (ஸல்) அவர்கள் கூறினார்கள். (ஒரு நாளில்) ஐந்து வேளை தொழுகையைத்தான் அல்லாஹ் கடமையாக்கியுள்ளான்; அவற்றுக்காக அழகிய முறையில் (அங்கத்தூய்மை) செய்து, அவற்றுக்குரிய நேரத்தில் ஒரு ருகூஉவையும் இறையச்சத்தையும் முழுமையாக கடைப்பிடித்து தொழுதால் அவரை மன்னிப்பதாக அல்லாஹ் வாக்களித்துள்ளான். அவ்வாறு செய்யவில்லையென்றால், அல்லாஹ்வின் வாக்குறுதி அவருக்கு இல்லை. அல்லாஹ் நாடினால் அவரை மன்னிப்பான்; அவன் நாடினால் அவரைத் தண்டிப்பான். அறிவிப்பாளர்:- உபாதா பின் அஸ்ஸாமித் (ரலி) அவர்கள் நூல்:- அபூதாவூத்-361, நசாயீ457, முவத்தா மாலிக், முஸ்னது அஹ்மத், மிஷ்காத்-570

உள் கவனத்தை அடைதல்: தாரணை மூலம், பயிற்சியாளர்கள் தங்கள் கவனத்தை குறிப்பிட்ட பொருள்கள், எண்ணங்கள் அல்லது ஆன்மீக இலக்குகளை நோக்கி செலுத்த முடியும். இந்த கவனம் செலுத்தப்பட்ட கவனம் உள் கவனம் மற்றும் நினைவாற்றலை வளர்ப்பதை ஆதரிக்கிறது.

 அபூ ஹுரைரா(ரலி) அறிவித்தார்.

நபி(ஸல்) அவர்கள் பள்ளிக்கு வந்தார்கள். ஒரு மனிதரும் (அந்த நேரத்தில்) பள்ளிக்கு வந்து தொழலானார்.(தொழுது முடித்ததும்) நபி(ஸல்) அவர்களுக்கு அவர் ஸலாம் கூறினார். நபி(ஸல்) அவர்கள் பதில் ஸலாம் கூறினார்கள்.

அந்த மனிதர் முன்பு தொழுதது போன்றே மீண்டும் தொழுதுவிட்டு வந்து நபி(ஸல்) அவர்களுக்கு ஸலாம் கூறினார். 'திரும்பவும் தொழுவீராக! நீர் தொழவே இல்லை' என்று இறைத்தூதர்(ஸல்) அவர்கள் கூறினார்கள். இவ்வாறு மூன்று முறை நடந்தது. அதன் பிறகு அந்த மனிதர் 'சத்திய மார்க்கத்துடன் உங்களை அனுப்பியுள்ள இறைவன் மீது ஆணையாக இவ்வாறு தொழுவதைத் தவிர வேறு எதையும் நான் அறிந்திருக்கவில்லை! எனவே எனக்குக் கற்றுத் தாருங்கள்!' என்று கேட்டார்.

'நீர் தொழுகைக்காக நின்றதும் தக்பீர் கூறும்! பின்னர் குர்ஆனில் உமக்குத் தெரிந்தவற்றை ஓதும்! பின்னர் அமைதியாக ருகூவு செய்வீராக! பின்னர் ருகூவிலிருந்து எழுந்து சரியான நிலைக்கு வருவீராக! பின்னர் நிதானமாக ஸஜ்தா செய்வீராக! ஸஜ்தாவிலிருந்து எழுந்து நிதானமாக உட்கார்வீராக! இவ்வாறே உம்முடைய எல்லாத் தொழுகையிலும் செய்து வருவீராக! என்று இறைத்தூதர்(ஸல்) அவர்கள் கூறினார்கள்.. புகாரி: 757.

7. தியானம்: தியானம்

ஏழாவது அங்கமான தியானம், தியானப் பயிற்சியைக் குறிக்கிறது. இது நீடித்த மற்றும் தடையற்ற கவனத்தை உள்ளடக்கியது, இது உள் சுயத்துடன் ஆழமான தொடர்பை அனுமதிக்கிறது. தியானம் இதன் நோக்கமாகும்:

உள் அமைதியை வளர்த்துக் கொள்ளுங்கள்: வழக்கமான தியானம் ஆழ்ந்த உள் அமைதி மற்றும் அமைதியை வளர்க்கிறது. தியானம் பயிற்சி செய்பவர்கள் உள் அமைதி மற்றும் நல்லிணக்கத்தை அனுபவிக்க உதவுகிறது.

(நேர் வழி பெறும்) அவர்கள் எத்தகையோரென்றால், அவர்கள் தாம் (முற்றிலும்) ஈமான் கொண்டவர்கள்; மேலும், அல்லாஹ்வை நினைவு கூர்வதால் அவர்களுடைய இதயங்கள் அமைதி பெறுகின்றன; அல்லாஹ்வை நினைவு கூர்வது கொண்டு தான் இதயங்கள் அமைதி பெறுகின்றன என்பதை அறிந்து கொள்க! (அல்-குர்ஆன் 13:28) 

சுய உணர்தலை மேம்படுத்துதல்: தியானம் சுயத்தின் தன்மை மற்றும் பிரபஞ்சத்தைப் பற்றிய நுண்ணறிவுகளை வழங்குகிறது. தியானத்தின் மூலம், பயிற்சியாளர்கள் தங்கள் ஆன்மீக இயல்பு மற்றும் பிரபஞ்சத்தில் தங்கள் இடத்தைப் பற்றிய ஆழமான புரிதலைப் பெறுகிறார்கள்.

 நபிகள் நாயகம் (ஸல்) அவர்கள் கூறினார்கள். யார் கவனக்குறைவு, மறதியின்றி இரண்டு ரக்அத்கள் தொழுதாரோ அவர் முன் பாவங்களை அல்லாஹ் மன்னித்துவிடுகிறான். அறிவிப்பாளர்:-ஸைத் பின் காலித் அல்ஜுஹனீ (ரலி) அவர்கள் (நூல்:- முஸ்னது அஹமத், மிஷ்காத்-577)

உயர்ந்த உணர்வு நிலைகளை அடையுங்கள்: தியானத்தின் மூலம், பயிற்சியாளர்கள் உயர்ந்த விழிப்புணர்வு நிலைகளை அனுபவிக்க முடியும் மற்றும் ஆழமான உணர்வு நிலைகளுடன் இணைக்க முடியும். தியானம் விரிவாக்கப்பட்ட உணர்வு நிலைகளை ஆராய உதவுகிறது.

நபிகள் நாயகம் (ஸல்) அவர்கள் கூறினார்கள். உங்களில் ஒருவர் தொழுகையில் நிற்கும்போது நிச்சயமாக அவர் தன் இறைவனுடன் இரகசியமாக உரையாடுகிறார். எனவே, அவர் தம் இறைவனுடன் என்ன உரையாடுகிறார் என்பதை சிந்தித்துக் கொள்ளட்டும். அறிவிப்பாளர்:- அபூஹுரைரா (ரலி) அவர்கள் (நூல்:- ஹாகிம், ஜாமிஉஸ் ஸஙீர்-2174 இமாம் சுயூத்தீ, ஸஹீஹ் ஜாமிஉ-1538 இமாம் அல்பானீ) 

8. சமாதி: ஞானம் அல்லது பேரின்பம்

அஷ்டாங்க யோகாவின் 8 அங்கங்களில் எட்டாவது மற்றும் இறுதி அங்கமான சமாதி, யோகப் பாதையின் உச்சக்கட்டத்தைக் குறிக்கிறது. இது பெரும்பாலும் ஆழ்ந்த ஞானம், பேரின்பம் அல்லது தெய்வீகத்துடன் ஐக்கியத்தின் நிலை என்று விவரிக்கப்படுகிறது. சமாதியில், பயிற்சியாளர்கள் அனுபவிக்கும் அனுபவம்:

சுயத்தை கடந்த நிலை: சமாதி என்பது அகங்காரத்தைக் கடந்து பிரபஞ்சத்துடன் ஒற்றுமை உணர்வை அனுபவிப்பதாகும். இது சுயத்தின் உண்மையான தன்மையையும் யதார்த்தத்தையும் உணர்ந்து கொள்வதைக் குறிக்கிறது.

 மீனுடையவர் (யூனுஸ்) கோபித்துக் கொண்டு சென்றார். அவர் மீது நாம் சக்தி பெற மாட்டோம் என்று நினைத்தார். “”உன்னைத் தவிர வணக்கத்திற்குரியவன் வேறு யாருமில்லை. நீ தூயவன். நான் அநீதி இழைத்தோரில் ஆகிவிட்டேன்” என்று இருள்களிலிருந்து அவர் அழைத்தார். அவரது பிரார்த்தனையை ஏற்றுக் கொண்டோம். கவலையிலிருந்து அவரைக் காப்பாற்றினோம். இவ்வாறே நம்பிக்கை கொண்டோரைக் காப்பாற்றுவோம். (அல்குர்ஆன் 21:87,88)

அவர்கள் செழிப்பிலும், வறுமையிலும் (நல் வழியில்) செலவிடுவார்கள். கோபத்தை மென்று விழுங்குவார்கள். மக்களை மன்னிப்பார்கள். நன்மை செய்வோரை அல்லாஹ் நேசிக்கிறான் (அல்குர்ஆன் 3:134) 

முஃமின்களே! அல்லாஹ்வை மிக அதிகமான அளவு நினைவு கூறுதலாக நினைவு கூறுங்கள். (அல்குர்ஆன் 33 : 41)

ஆழ்ந்த மகிழ்ச்சி மற்றும் பேரின்பம்: சமாதி என்பது ஆன்மீக உணர்தலில் இருந்து எழும் ஆழ்ந்த உள் மகிழ்ச்சி மற்றும் மனநிறைவால் வகைப்படுத்தப்படுகிறது. இது பேரின்ப விழிப்புணர்வு மற்றும் மகிழ்ச்சியின் நிலை.

 அல்லாஹ்வின் தூதர் (ஸல்) அவர்கள் கூறினார்கள்: அல்லாஹ் கூறினான்: எவன் என் நேசரை பகைத்துக் கொண்டானோ அவனுடன் நான் போர் பிரகடனம் செய்கிறேன். எனக்கு விருப்பமான செயல்களில் நான் கடமையாக்கிய ஒன்றை விட வேறு எதன் மூலமும் என் அடியான் என்னுடன் நெருக்கத்தை ஏற்படுத்திக் கொள்வ தில்லை. என் அடியான் கூடுதலான (நஃபிலான) வணக்கங்களால் என் பக்கம் நெருங்கி வந்து கொண்டேயிருப்பான். இறுதியில் அவனை நான் நேசிப்பேன். அவ்வாறு நான் அவனை நேசித்துவிடும் போது அவன் கேட்கின்ற செவியாக, அவன் பார்க்கின்ற கண்ணாக, அவன் பற்றுகின்ற கையாக, அவன் நடக்கின்ற காலாக நான் ஆகிவிடுவேன். அவன் என்னிடம் கேட்டால் நான் நிச்சயம் தருவேன். என்னிடம் அவன் பாதுகாப்புக் கோரினால் நிச்சயம் நான் அவனுக்குப் பாதுகாப்பு அளிப்பேன். ஓர் இறைநம்பிக்கையாளனின் உயிரைக் கைப்பற்றுவதில் நான் தயக்கம் காட்டுவதைப் போன்று, நான் செய்யும் எந்தச் செய-லும் தயக்கம் காட்டுவதில்லை. அவனோ மரணத்தை வெறுக்கிறான். நானும் (மரணத்தின் மூலம்) அவனுக்குக் கஷ்டம் தருவதை வெறுக்கிறேன் (புகாரி: 6502)

ஒற்றுமை மற்றும் நுண்ணறிவு: சமாதி என்பது யதார்த்தத்தின் உண்மையான தன்மை மற்றும் அனைத்து இருப்புகளின் ஒன்றோடொன்று இணைந்திருத்தல் பற்றிய நுண்ணறிவுகளை வழங்குகிறது. இது அஷ்டாங்க யோகாவின் 8 மூட்டுகளின் இறுதி இலக்கைக் குறிக்கிறது - ஆன்மீக ஒற்றுமை மற்றும் ஞானத்தை அடைதல்.

அவன், தான் நாடியோருக்கு ஞானத்தைக் கொடுக்கிறான். யாருக்கு ஞானம் வழங்கப்பட்டதோ அவர் அதிகமான நன்மைகள் வழங்கப்பட்டுள்ளார். அறிவுடையோரைத் தவிர எவரும் படிப்பினை பெறுவதில்லை. (அல்குர்ஆன்: 2:269)

என் இறைவனே! எனக்கு ஞானத்தை வழங்குவாயாக (குர்ஆன்: 26:83)

முடிவில், அஷ்டாங்க யோகாவின் எட்டு மூட்டுகள் ஆன்மீக நல்லிணக்கம் மற்றும் தனிப்பட்ட வளர்ச்சியை அடைவதற்கான ஒரு விரிவான கட்டமைப்பை வழங்குகின்றன. இந்த கொள்கைகளை நம் அன்றாட வாழ்வில் ஒருங்கிணைப்பதன் மூலம், நாம் அதிக சமநிலை, நோக்கம் மற்றும் நிறைவை வளர்த்துக் கொள்ள முடியும். நீங்கள் ஒரு அனுபவமிக்க பயிற்சியாளராக இருந்தாலும் சரி அல்லது யோகாவில் புதியவராக இருந்தாலும் சரி, உடல் ஆசனங்கள் (ஆசனங்கள்) மற்றும் ஆன்மீக கொள்கைகள் இரண்டிலும் முக்கியத்துவம் அளிக்கும் அஷ்டாங்க யோகா பயிற்சி, மிகவும் இணக்கமான மற்றும் அறிவொளி பெற்ற இருப்புக்கான மதிப்புமிக்க நுண்ணறிவுகளையும் கருவிகளையும் வழங்குகிறது.

பதஞ்சலி அட்டாங்க யோகத்துடனான இந்த ஒப்பீடு ஒரு சில இடங்களில் பொருந்தாமல் இருக்கலாம். காரணம் மொழி. சமஸ்கிருதத்தில் உள்ள நூல் பற்றி ஆங்கிலத்தில் விரிவுரை எழுதி அதை தமிழில் மொழிபெயர்த்து அதற்க்கு விளக்கம் எழுதப்பட்டது. எனவே இதே போதனையை கூறிய திருமூலரின் அட்டாங்க யோகத்தோடு விரைவில் ஒப்பிட்டு எழுதப்படும்.