முன்னுரை - வாய்மை

அனைத்தும் அறிந்ததாக தன்னை கருதாமல் இந்நூலினுள்ளே புகுமுன் முன்னறிந்த அனைத்தையும் சிறிது காலம் மறைத்துவை,  பின் நிஜம் தேடும் நோக்கில் நுழை. வாய்மை நூல் கோர்க்கப்பட்டதும் அவ்வாறே. 

இது சுய சரிதை அல்ல, அதற்கு நான் தகுதி உடையவனும் அல்ல, எந்த சுயசரிதையில் எனக்கு உடன்பாடும் இல்லை. ஏனென்றால்,

1. சுயசரிதை எழுதுவோரின் நேர்மையும், நியாபக திறனும், மொழி ஆற்றலும் அதில் எழுதப்படும் செய்திகளின் உண்மைத் தன்மையை உறுதிப்படுத்தும். ஆனால் அதற்கான தகவல்களை நாம் அவரின் சுயவரலாற்றிலிருந்து பெறமுடியாது.
2. சான்றோரின் வரலாறுதான் மக்களையும், சமூகத்தையும் பண்படுத்தும். ஆனால் யார் சான்றோர்? அதற்க்கான வரைவிலக்கணத்தை எங்கே பெறுவது? தொல்காப்பியரும், வள்ளுவரும், திருமூலரும், ஆப்ரஹாமும், இயேசுவும், முகமதுவும், மேலும் நாம் அறிந்த எந்த சான்றோரும் சுய சரிதையை எழுதி இருக்கவில்லை. ஏன் என்று நாம் சிந்தித்ததுண்டா? அதற்கு அவசியமில்லை என்பதுதான் கரணமாகும்.
3. வரலாறு என்பது சமகாலத்தில் வாழ்ந்த பல்வேறு மக்களால் பேசப்பட்டு, நேர்மையான அறிஞர்களால் எழுதப்பட்டு, பல்வேறு காலகட்டத்தில் வாழ்ந்த அறிஞர்களால் மதிப்பீடு செய்யப்பட்டு ஏற்றுக் கொள்ளப் படுவதாகும். எனவே எழுதுபவரின் நேர்மையையும் நியாபக சக்தியையும் உறுதி செய்ய முடியாத நிலையில், சுயசரிதையை கொண்டு ஒருவரை எடை போட முடியாது. 

வாழ்கைக்கு சான்றாக எடுத்துக்கொள்ள பட வேண்டியவனின் தகுதி என்ன என்று கற்று அறியாமல் சமகாலத்தில் பெண்பித்தன், தற்பெருமைக்காரன், பொய்யன், திருடன், ஏமாற்றுக்காரன், நடிகன், பொருளாதாரத்தில் வெற்றி பெற்றவன், போலி நல்லவன் என்று யார் யாரையோ குருவாக, தலைவனாக, சான்றோனாக நாம் ஏற்றுக்கொள்கிறோம். பரிதாபமான நிலையல்லவா இது?

யூத பயங்கரவாதிகளின் இரகசிய அறிக்கை-யிலிருந்து 

இந்த குணம் அரசியலில் மட்டுமல்ல, பொதுவாக எல்லா இடங்களிலும் புரையோடி உள்ளது. திறமையாக செய்தால் எதையும் வியக்கும் பண்பு நமது ஆன்மாவுக்கும் நமது சந்ததிக்கும் உகந்ததல்ல. எனவே நமது வாழ்க்கை வழிகாட்டியாக ஒருவரை ஏற்றுக்கொள்ள, அவருக்கு இருக்க வேண்டிய பண்பு எது? அந்த பண்பை வரையறுக்கும் அதிகாரம் படைத்தவன் யார்? போன்ற என்னைக் கவர்ந்த கருப்பொருளையும், எல்லோரும் அறிய வேண்டிய மெய்ப்பொருளை எங்கேனும் பதிந்து வைத்தால் தமிழ் கூறும் நல்லுலகில் எவருக்கேனும் பயன்படுமே என்கிற தீராத ஆவலைத் தவிர வேறேதும் இந்த இந்த நூலை கோர்க்க தொடங்கியதற்கான நோக்கமல்ல. இதன் மூலம் ஒருவரேனும் நான் விரும்பும் விதத்தில் பயன்பெற்றால் நான் என் பிறவிப் பயனை அடைந்ததாக கருதுவேன். 

மிகைப்படுத்தி எழுதுவதோ பேசுவதோ எமது இயல்பு அல்ல. மனதுக்கு பிடித்தவர்களை கவர அவ்வாறு பேச முயன்ற பொழுதெல்லாம் அசௌகரிய மன நிலைக்குத்தான் தள்ளப்பட்டேனே தவிர வெற்றிகரமாக நிகழ்த்தப்பட்டது கிடையாது. இதை இங்கே ஒப்புக்கொள்ளும் காரணம் இந்தநூல் முழுவதும் வாசகர்களை வசீகரிக்கும் அமைப்பில் எழுதப்படாது, மாறாக இயல்பாக உள்ளது உள்ளபடியே எழுதப்படும். ஆனால் இதில் உள்ள பல உண்மைகள் நிச்சயம் நீங்கள் கேள்விப்பட்டிராத, ஆச்சரியமூட்டும், நீங்கள் கட்டாயம் அறிந்து இருக்கவேண்டிய, பயனுள்ள, ஒருவேளை உங்கள் வாழ்க்கையை மாற்றும் தகவல்களாக இருக்கும் என்பதில் ஐயமில்லை. 

தினசரி வாழ்வில் கீழ்வரும் கேள்விகளை சிந்திக்காமல் ஒரு நாளை நம்மால் கடக்க முடியாது. எந்த ஒன்றை செய்வதானாலும், 

• ____________ஐ செய்வது சரியா தவறா? 
• ____________ஐ செய்யலாமா வேண்டாமா? 
• இதன் விளைவுகள் நமையாக இருக்குமா? அல்லது கெடுதியாக இருக்குமா? 

ஆனால் இதற்கான பதிலை நாம் யாரிடம் அல்லது எதில் தேடுகிறோம் என்பதில் தான் நமது வெற்றி அடங்கி இருக்கிறது. அந்த தேடலுக்கு பதில் தரும் நூலாக இது அமையும் என்று நம்புகிறேன்.

நமது வாழ்க்கையின் வெற்றி தோல்வி, இன்ப துன்பம், சரி பிழை போன்ற நமது அன்றாட தேடலுடன் தொடர்புடைய நூலக இது அமையும். சுய விளக்கங்களைவிட, சரியான நூலிலிருந்து ஆதாரங்களையும் அதற்கான அறிஞர்களின் விளக்கங்களையும் குவித்து உங்களின் சிந்தனையை முடுக்கிவிடுவதே இந்த நூலின் நோக்கம்.

- சக்திவேல்

(1-செப்-22)